الموضوع: الحالة الاقتصادية للبلد الان و كيف تأثرنا كأعضاء بها

[QUOTE=MoToRiZeR;3873481097]أنا بشتغل في الدعاية والإعلان الخاصين بالسينما والمسلسلات

1- المنتجين اللي خلصوا أفلام خايفين ينزلوها
2- المنتجين اللي بدأوا أفلام وقفوها
3- المسلسلات قلت بشكل كبير جداَ

بإختصار .. السوق بيحتضر[/

QUOTE]

ربنا يعينك

المشاركة الأصلية كتبت بواسطة ehab_mansour

انا اعمل مهندس صيانة كنترول والكترونيات في احدي الشركات التي لديها مجوعة كبيرة من التوكيلات لبعض مصنعي الماكينات وخطوط الانتاج للمنتجات (مياة غازية - مياة معدنية - زبادي - مكرونات -سمن -زيت-مربات - ......) وحاجات كتير من هذا القبيل
صاحب الشركة عندنا بعد الثورة وبداية من شهر مارس عمل لينا اجتماعات عشان نقف علي حال الشركة والبلد والمتوقع وهكذا
فقدنا شغل كتير بسبب الثورة ومعظم الشركات اللي كانت متعاقدة علي خطوط هتشتريها خلال هذه الأيام وقفت كل شيء وكلهم وقفو اي استثمار او تحديث لشغلهم الأن في مصر وتحديدا خلال 2011
وبالتالي صاحب الشركة قام بتقليل الرواتب بعد هذه الاجتماعات الي 75 % من الراتب الأساسي وده اللي بناخده يعني خصم 25 % و بقالنا شهرين علي هذا الحال ومعظم الناس الفاعلة في الشركة (مهندسي المبيعات والصيانة) واخدين موقف من اللي حصل ومش عاجبهم الخصم ومصصمين اول ميلاقو فرصة يمشو او يعملو استقالة جماعية للضغط عليه عشان يرجع كل شيء كما هو وبصراحة حتي الأن موقفي أنا هو اللي موقفلهم موضوع الاستقالة الجماعية ده لأني رافض الموضوع ده تماما لأني ما بحبش لوي الذراع ده ولا بحب الانتقام لأن ده هؤثر علي ناس تانيين اداريين ومحاسبين هيقعدو في الشارع بسببنا بالاضافة لأن التصرف ده ليس من أخلاق المسلمين المفروض نشيل مع بعض في الشده مش ما نشتغلش ونصمم علي الاستقالة ؟؟؟؟؟؟؟ مش عارف ايه الصح بصراحة
مستني رأيكم ........

بخصوصي انا كشخص ورؤيتي لكيفية النهوض بمصر من هذه الأزمة هو البداية الجاده في المشروعات الصغيره التي تجعلنا نكتفي ذاتيا من بعض المنتجات ويا حبذا لو بدأنا نصدر هذه المنتجات لأي حد تبقي خطوة ممتازة نحو التقدم
انا شخصيا علي استعداد للاشتراك مع اي حد في فكرة او عدة أفكار لعمل اي مشروع صغير بما أستطيع تقديمه من خبرتي في تصميم أنظمة الكنترول واستخدام الالكترونيات في التصميم
مثال صغير لما أفكر فيه ( أنظمة الإنذار و الحريق بكافة أنواعها ) - أنظمة الكنترول للتحكم في الماكينات ( تنايات - مكابس - ماكينات حقن البلاستيك - ......... ) ولدي أصدقاء كثيرون ممكن الاستعانه بهم في اي نقطة ضعف لدي لكي نكمل بعضنا البعض

ده مثال بسيط وفيه أمثلة كتيييييييير اعرفها زي كده وبتفكر في ده
والله الموفق والمستعان

و الله يا باشمهندس نفس الموقف ده قابلني انا و شريكي بداية من شهر ابريل و كنا في حيرة من امرنا ايه الصح هل نسرح المؤقتين الذين بالفعل اعمالهم كانت قد توقفت طوال شهر فبراير و مارس و كان احتياجنا لهم مرهون بأي عمل جديد بمعني اننا كنا نحتاجهم اثناء ضغط المشاريع فقط ام نبقي علي الكل بس بتخفيض نسبة المرتبات من الكل و بعد الاستخارة و التشاور و جدنا ان نبقي علي كل الفرق القديمة بنفس مرتباتهم و للاسف سرحنا المؤقتين بداية هذا الشهر حتي لا نخفض اي مرتبات و علي الاقل لتأجيل هذه المرحلة من الاختيار القاصي لفترة اطول لا قدر الله لو ان حال البلد ظل كما هو و بجد بعض اصاحب العمل بيكونو في حيرة من امرهم
فهم من جانب لهم فلوس خارجية شبه معدومة سواء عند القطاع العام او الخاص و من جانب اخر لا يوجد اي مشاريع قادمة في الافق تعطيهم الانطباع انه يستطيع ان يعوض خسارته خلال الثلاثة اشهر الماضية و في نفس الوقت عنده ناس هم من اكرمه الله بسببهم و عملو لديه ايام الرخاء فهل يخونهم و يطلع قليل الاصل و يغلق الان و يقلل خسارته و لا يعير هؤلاء العاملين اي اهتمام اتوقع هي معادلة و اختبار صعب جدا و بها امتحان من الله تعالي للاثنين فصاحب العمل ربنا بيراقبه و يشوف هيتعامل ازاي مع الازمة و ازاي يقابل المحنة و كيف سيتصرف مع من هم يعملون لديه و العامل لدي الغير هو ايضا في امتحان صلابته و قوة ايمانه علي ما تعرض له اما بسبب التسريح من العمل او تخفيض المرتب او عدم قدرته علي المعيشة في وضع معين كان قد حدده لنفسه مستقبلا مثل اقساط سيارة و شقة و خلافه
بجد هيه محنة عظيمة و اختبار قوي من الله عز وجل لنا جميعا اللهم وفقنا ان نجتازه بأقل الاضرار و اللهم عافي بلدنا الغالية من المخاطر و عسي ان تكرهو شيئأ و هو خير لكم

م.حاتم السباعي