امبارح كنت ماشى لقيت العربية بطلت وفصلت كهرباء افتح كونتاكت مفيش كهربية خالص قلت يمكن كابلات البطارية حاولت احركهم كده برضه مفيش فتحت علبة الفيوز وبصيت كله تمام وبعدين قلت اجرب الكلاكس المهم الكلاكس اشتغل ولقيت الطابلوه نور ودورت ومشيت رحت الشغل وانا راجع نفس القصة وبرضه حركت الكابلا ت مفيش جربت الكلاكس الطابلوه نور ومشيت ورجعت البيت بعد شوية وانا نازل جيت ادور فاصلة كهربة المره دى بس اخدت بالى انى لما بدوس كلاكس الكهربة بترجع طيب ايه علاقة الكلاكس بالكهربة فى الطابلوه والمارش هروح النهاردة لكهربائى لكن المشكلة انه ممكن يجرب يدور هتدور وممكن يفصل ويشغل 20 مرة مفيش مشكلة يعنى متبنش معاه وممكن يقلك كلاكس ايه مالوش دعوة يابيه ويعلب فى السلوك وخلاص فقلت بقى اكيد الاسات>ه هنا ممكن يفيدونى ممكن تكون مشكلة فى كتاوت الكلاكس ولا فى ايه علشان اغيرها