الحمد لله نويت اجيب زيرو , دلوقتى انا محتار جدا بين لانسر 1300 خليجى و هيا سعرها 93000 ام النترا مانيوال و دى سعرها 98000 , انا اهم حاجة عندى انى ماخسرش عند بيع العربية بعد 5 سنين بالاضافى للتكلفة الجارية من بنزين و صيانة , انا بجد محتاج مساعدة فى اتخاذ القرار
-----------
الإدارة4
؟؟؟؟؟؟؟؟؟؟؟؟؟؟ طب اى رد ولو دعم معنوى
اللانسر كلها عيوب ده غير إنها بلاعة بنزين حتى بال 1300 وده بعض عيوبها في الموضوع ده http://www.nilemotors.net/Nile/showt...t=%E3%DE%CF%E3
طبعا خد إلنترا من غير تفكير باور كهربا وكراسي مريحة جدا وواسعة فرق السما والأرض بينها وبين اللانسر
لانسر كويسه وخاليه من عيوب الصناعه واعطال قليلة
سيارة ممتازة ، تكييف محترم ، سعر اعادة بيع ممتاز واستهلاك اقتصادى للبنزين
لكن الالنترا اظن 1600 سي سي وده ميزة ، ولكن يعيبها سوء التوكيل
الحقيقة الاختيارين كويسين ولكن انا مايل اكتر للانسر
طبعا دا كلام غريب جدا جدا ومنتهى المبالغة وغير موضوعى بالمرةاقتباس:
المشاركة الأصلية كتبت بواسطة nobody
بخصوص الاتنين فى رأيى هما من أجمل السيارات فى هذه الفئة ، الفروقات الجوهرية فى قوة تحمل اليابانى وعمره الافتراضى الأعلى وسعر إعادة البيع الأفضل لصالح لانسر
وكماليات وراحة أعلى (عدا الفتيس) فى ألنترا الكورى
وأنا أميل للالنترا كشكل وكماليات رغم أن سيارتى لانسر ولا أشكو منها بشئ
وأيهما تختار لن تندم وبالتوفيق
شكرا للردود و ربنا يخلى المنتدى المفيد جدا دة , انا اصلا ميال ناحية اللانسر بس موضوع ان فية شكل جديد نزل مقلقنى ان سعرها ينزل جامد بعد خمس سنين مثلا و دة تقريبا الوقت الى ممكن افكر اغير بعده , لاالنترة بيقولو موتورها جامد اوى و كمان شكلها جديد بس انا مقلق من اسعار قطع الغيار , بجد محتار بس لازم اخد القرار بسرعة قبل الصيف يدخل و الجو يطلب تكييف
هو الاخ nobody عايش معانا في مصر بقي اللنسر ياراجل ياطيب كلها عيوب وبلاعه بنزين بصراحه لا تعليق
انا معايا 1600 اوتوماتيك بتعمل 200 فى الصفيحه جوه البلد وواحد قريبى معاه ال1300 مانوال بتعمل 240 فى الصفيحه جوه البلداقتباس:
المشاركة الأصلية كتبت بواسطة nobody
فين بقى بلاعه البنزين ؟؟؟؟؟؟؟؟؟؟
-عيوب الانسر الى الاخ اسلام ذكرها مبالغ فيها جدا جدا جدا
وانا بشترى عربيتى لانسر 2008 شكل قديم شوفت الانترا بالرغم من ان العربيه بسم الله ما شاء الله حلوه جدا وشكلها فى رأى احلى من الانسر بس معرفشى ليه مكنتش مستريح ليها
-فى مقوله للاستاذ سبعاوى ان لو جبت عربيه كورى واخرى يابانى والاثنين نفس الموديل ونفس ظروف التشغيل وجيت تقارن الاثنين بعد فتره استخدام هتلاقى ان العربيه اليابانى ماسكه نفسها اكثر من الكورى .
الكلام ده انا حطيطه فى دماغى وبداء اخذ بالى منه فى عربيات صحابى وقرايبى
وجدت ان العربيه الكورى بعد فتره من الاستخدام بتطلب قطع غيار وصيانه اكثر من العربيه اليابانى وبرضو العربيه مش زى الاول
(على فكره انا عربيتى القديمه كانت كورى لانوس 99)
طبعا لو انت هجيب العربيه وناوى تغير بعد 6 سنين مش هيكون فيه مشكله مع الكورى فى النقطه ده ان شاء الله
-الباور بتاع الانترا خفيف جدا لانه كهرباء بس برضو الانسر الباور خفيف مش ثقيل (اعتقد ان النقطه ده مش الفيصل )
-انا حاسس ان صاج الانترا اخف من الانسر
-الانترا 1600 والانسر 1300 وانا شايف ان ده نقطه لصالح الانترا وتجعلك تفضلها عن الانسر بس انت ممكن تحل الموضوع ده وتجيب لانسر 1600 لو الامكانيات تسمح وهتبقى عربيه ملهاش حل وكمان هيبقى فيها ايرباج ولو مصرى هيكون فيها اير باج وفرامل abs
-موضوع الشكل الجديد بتاع الانسر اعتقد ان عمره ما هيرخص الشكل القديم (البومه )لان ده شريحه والتانى شريحه تانيه وهديك مثل حى شوف الكرستاله بقالها 5 سنوات ماسكه على سعر ومش بتنزل عنه بالرغم من نزول مودلين بعدها
وبعدين محدش الانترا ممكن ينزل فوقها شكل يخفض سعرها زى الشكل القديم 2005 و 2006 الى بتباع دلوقتى ب70 و 72 الف جم
الى عايز اقوله من الكلام ده كله
لو هتقارن بين الانسر 1600 والنترا يبقى لانسر1600 افضل هاداء وعمر افترادى
لو هتقارن بين لانسر 1300 ولانترا وعندك اسعداد انك تغير بعد 6 سنين او عندك استعداد انك تتحمل النفقات الزياده بالمقارنه باليابانى يبقى انترا وهتاخذ شكل جميل وحديث +اداء افضل من الانسر 1300
اللانسر حتة حديدة ...و لما تيجى تبيع مفيش اغلى من الحديد فى البلد