http://www.alwafd.org/index.php?opti...#axzz1LsQj2IKo
عرض للطباعة
للاسف في ناس مصرة علي دفن رؤسها في الرمال و الاصرار علي ان كل ما حدث هو ان المسيحينن اطلقوا النار علي المسلميين بدون سبب
هناك من اخطأ من الجانبيين و محاولة اظهار ان من ينسبون انفسهم للسلف الصالح هم ملائكة تسير علي الارض سيؤدي لمزيد من الاحتقان و سيتكرر ما حدث في اماكن اخري و علي نطاق اوسع و الحرب الاهلية و التدخل الخارجي اقرب مما نتخيل
الفيديو اللي حضرتك رفعته لشخص ملتحي بيقول " ما نبقاش رجالة لو ما ولعناش في كنايس امبابة كلها" انا حطيته النهاردة الصبح في المنتدي و المشرف حذفه لانه بيحض علي العنف...بصراحة المشرف عنده حق...بس برده لما تلاقي ناس مقتنعه ان الخطأ من جانب واحد بتلاقي ان الفيديو ده دليل علي ان المتعصبين و الناس اللي بتولع الدنيا موجودين في الجانبيين و الحل هو الاعتراف بوجود الخطأ و التعصب في الجانبيين و انزال عقوبات رادعة علي اي مسلم و مسيحي تسبب في ما حدث و لو بالكلام.....علي فكرة الكلام اللي قاله الشاب الملتحي في الفيديو تاثيره اقوي من 1000 رصاصة
انا برضة اطالب ذى مامسكوا 190 واحد برضة الراجل الملتحى دة اللى عايز يولعها برضة يتجاب و يتحاسب دة امن قومى دة امن 85مليون مصرى
+11
الفيديو ده لوحده كافي انه يلبس كذا قضية
سب علني
اهانة احد رجال الدين
التحريض علي حرق دور العبادة
و ده اللي اتصور و وصل للنت...اكيد الكلام اتكرر من غيره بس ما اتصورش
و أكبر دليل علي جهله ان قال كلام يوديه في داهية قدام الكاميرا و هو عارف انه بيتصور...يعني هو انسان لا يعي عواقب افعاله...و في زيه كتير و بيقولوا نفس الكلام و التحريض بس لما بيلاقوا فيه تسجيل و كاميرا بيسكتوا عشان ما يتمسكش عليهم حاجة
المشكلة ان الناس دي ليها تأثير شنيع علي عامة الشعب و البسطاء.....بص علي وشوش الناس اللي واقفة وراه هتلاقي ناس عادية من اللي بنشوفها ماشية في الشارع مش باين عليهم التدين...ناس عادية...بس في اللحظة دي لو الملتحي ده قالهم اعملوا اي حاجة هايعملوها فورا و هايعتبروا ان الدين بيقول كده....و غالبا الفيديو ده تم بعده حرق الكنيسة التانية اللي كانت بعيدة عن الموضوع