كيف اعرف ان السكودا فليشيا 97 تكييفها اصلى ولا متركب

**lololikeu** · 09-05-2011 03:24 PM

السلام عليكم ورحمة الله وبركاته
اخوكم جديد فى عالم العربيات وعايز مساعدة
انا عايز اعرف التكييف اللى عندى اصلى ولا لاء اعرف ازاى الموضوع ده
ثانيا انا العربية لا تسخن من غير تكييف اما اذا شغلت التكييف فالحرارة بتوصل الى 100 و 110 كمان وانا مش عارف اعمل ايه فلو سمحتم حد يفيدنى
وشكرااااا

**koko2002** · 09-05-2011 04:07 PM

المشاركة الأصلية كتبت بواسطة lololikeu

السلام عليكم ورحمة الله وبركاته
اخوكم جديد فى عالم العربيات وعايز مساعدة
انا عايز اعرف التكييف اللى عندى اصلى ولا لاء اعرف ازاى الموضوع ده
ثانيا انا العربية لا تسخن من غير تكييف اما اذا شغلت التكييف فالحرارة بتوصل الى 100 و 110 كمان وانا مش عارف اعمل ايه فلو سمحتم حد يفيدنى
وشكرااااا

انت رديت على سؤالك (طبعا التكييف بتاعك مش أصلي)

طالما العربية بتسخن مع التكييف يبقى مستحيل يكون أصلي .. بص ياسيدي بالنسبة لموضوع السخونية ده تعمل الآتي :
1- شوف المروحة اللي قدام سربنتينة التكييف بتشتغل ولا لأ ، لو بتشتغل روح المحطة ونضفها بالهوا والمياه علشان أحيانا بيكون فيه أتربه بتعوق حركة الهوا وبالتالي التبريد بيبقى ضعيف

2- المروحة الأصلي بتاعة الفيليشيا صغيرة ومينفعش تشتغل مع التكييف .. يعني حتحتاج تغير المروحة بواحدة كبيرة تكون مغطية الريداتير كله
ده اللي أنا عملته مع موضوع السخونية مع التكييف ويارب يفيدك

**lololikeu** · 15-05-2011 11:04 AM

اولا شكرا على ردك السريع بس انا رحت عند الميكانيكى و بتاع قطع الغيار ولما سالتهم قالولى ان تكييفها اصلى والمروحة بتاعتها 2 سرعة والميكانيكى قالى انته عندك الصدر مخبوط من تحت فمش ظابط السربنتينة عدل فده مبيخليش الهواء يبرد السربنتينة كويس بسس
وانا ان شاء الله هعمل بينصحتك فى موضوع تنظيف الردياتير بس سؤال انت نظفته بى مياه عادية ولا مياة نار عشان فى ناس قالولى بلاش تنظفه بى مية نار وانا مش عارف مين اللى صح

**koko2002** · 17-05-2011 11:50 AM

انا مكنش قصدي الريداتير .. أنا قصدي سربنتينة التكييف من الخارج بيكون بين الريش (اللي حولين المواسير) أتربة ، وده بتنضفها بكمبريسور الهوا بتاع المحطة ، أما بالنسبة للريداتير ، فبتروح لأي واحد بتاع ريداتير وتقله عاوز أنضف دورة المية ، وهو حيط خرطوم مية من الحنفية ، وحيفك خرطوم الريادتير ، وانت تدور الموتور وتدوس بنزين علشان طلمبة المية تشتغل ويطلع كل الأتربة .. بص صدقني في موضوع المروحة ده .. حتنسى الكلام .. أنا غيرتها بمروحة فيليشيا برضه بس 1600 سي سي , مغطية الريداتير كله مش ربعه بس ، والموضوع اختلف تماما