بفكر اجيب gen2 و محتاج المشورة...

**pirlo2000** · 09-05-2011 05:50 PM

سلامو عليكم ....

انا اليومين دول بدور علي عربية جديدة و بفاضل و اقارن بين كذا حاجة .... و واحد صاحبي قاللي ايه رأيك في الجين 2؟
قولتله تصدق فكرة.... المشكلة اني مش لاقيها غير في التوكيل بس اللي في الصحراوي .....فا الي ان اشوفها انشالله عندي استفسار عن كذا حاجة و اتمني تساعدو اخوكم المزنوق

هي حاجات بصراحة يهمني جدا اني اعرفها لانها بالنسبالي معايير اساسية...

- العفشة ايه نظامها ؟ ناعمة و لا ناشفة... مريحة ولا عذاب... زي السيراتو يعني ولا احسن كتير ؟ (و اتمني كامل الامانة و الحيادية ( و انا متأكد اني هلاقيهم منكم انشالله )

- متوسط استهلاك البنزين ايه؟

- توافر قطع الغيار في عز العرب و بره..... و مراكز الخدمة فيه و لا مفيش غير عز العرب؟

- التكييف ايه نظامه ؟

و سؤال بحبه جدا ..... ايه في نظرك مميزاتها و ايه عيوبها بكل صراحة ؟ (سمعت ان التقفيل مش اد كده و الفرامل فيها مشاكل )

انا اسف اني طولت بس محتاج مساعدتكم و جزاكم الله خيرا.....

و مش لازم اللي يرد يكون بيرد علي كل الأسئلة .... ساعد باللي تقدر عليه .... و طبعا يكون احسن لو كان من ملاك العربية...

و السلام ختام....

**Tarek Gen 2** · 09-05-2011 06:08 PM

المشاركة الأصلية كتبت بواسطة pirlo2000

سلامو عليكم ....

انا اليومين دول بدور علي عربية جديدة و بفاضل و اقارن بين كذا حاجة .... و واحد صاحبي قاللي ايه رأيك في الجين 2؟
قولتله تصدق فكرة.... المشكلة اني مش لاقيها غير في التوكيل بس اللي في الصحراوي .....فا الي ان اشوفها انشالله عندي استفسار عن كذا حاجة و اتمني تساعدو اخوكم المزنوق

هي حاجات بصراحة يهمني جدا اني اعرفها لانها بالنسبالي معايير اساسية...

- العفشة ايه نظامها ؟ ناعمة و لا ناشفة...
مش ناعة بس مش ناشفة اوى بين الناشفة و الناشفة اوى

مريحة ولا عذاب ... زي السيراتو يعني ولا احسن كتير ؟
احسن كتيرين تلاتة مريحة مش هتحس بحاجة اوى يعنى و انا معايا الاتنين
(و اتمني كامل الامانة و الحيادية ( و انا متأكد اني هلاقيهم منكم انشالله

)

- متوسط استهلاك البنزين ايه؟
بعد اول 5000 كيلو حوالى 450 فى التنك كله جوة البلد و على الطرق السريعة
- توافر قطع الغيار في عز العرب و بره..... و مراكز الخدمة فيه و لا مفيش غير عز العرب؟
توافر قطع الغيار جوة التوكيل علطوول موجودة و نادرا اما بتبقى ناقصة لكنها احيانا بتحصل زى اى توكيل اما برة التوكيل تمام موجودة ان شاء الله و فى مراكز خدمة كتير و فيهم واحد ارخص و افضل من التوكيل نفسه اسمه عصام صفا

- التكييف ايه نظامه ؟
جميييييل جدا و رائع

و سؤال بحبه جدا ..... ايه في نظرك مميزاتها و ايه عيوبها بكل صراحة ؟ (سمعت ان التقفيل مش اد كده و الفرامل فيها مشاكل )
مميزاتها الكل عارفها شكل كماليات اداء قوة و و و و و و
اما عيوب فى ممكن يطلعلك عيب تقفيل زقزقة صوصوة اى صوت كدة بس بيروح مع اول صيانة ان شاء الله

الفرامل مفيهاش حاجة خالص بالعكس انا بحس انها افضل من كتييييييير اوى بس دى حاجة شخصية ممكن تحس بيها و ممكن لا لان مشوار دواستها طويل شبه اللانوس كدة

انا اسف اني طولت بس محتاج مساعدتكم و جزاكم الله خيرا.....

و مش لازم اللي يرد يكون بيرد علي كل الأسئلة .... ساعد باللي تقدر عليه

.... و طبعا يكون احسن لو كان من ملاك العربية...

و السلام ختام....

**tamerosman** · 09-05-2011 06:30 PM

عفشة السراتو ايه بس يا باشا ان اجرت السيراتو اسبوعين بس معجبنيش عفشتها ابدا

انا من وجهة نظرى ان عفشة الجينا احسن ما فيها

ثيات رهيب بتبقى بتجرى و كان العربية مش ماشية و عفشة مريحة جدا

اما الموتور فهو وحش مش موتور بتحس انه حصان ثائر و انت عايز تلجمة

الفرامل فعلا تديك احساس انه الدواسة طرية تحت رجللك بس بتفرمل كويس بالمقارنة بنفس الفئة السعرية

اما العيوب

طبعا التقفيل كان ممكن يكون افضل من تاحية الخامات بس التصميم الداخلى للمقصورة راقى جدا كتصمصيم بس كان ممكن يتنفذ بخامات احسن و برضة بالمقارنة بنفس الفئىة السعرية يعتبر معقول لو قارنتها بالماتركس مثلا الى فى نفس السعر

باقى العيوب ربنا يستر انا لسا عامل 100 كيلو بس

**mido_soliman** · 09-05-2011 06:35 PM

المشاركة الأصلية كتبت بواسطة pirlo2000

سلامو عليكم ....

انا اليومين دول بدور علي عربية جديدة و بفاضل و اقارن بين كذا حاجة .... و واحد صاحبي قاللي ايه رأيك في الجين 2؟
قولتله تصدق فكرة.... المشكلة اني مش لاقيها غير في التوكيل بس اللي في الصحراوي .....فا الي ان اشوفها انشالله عندي استفسار عن كذا حاجة و اتمني تساعدو اخوكم المزنوق

هي حاجات بصراحة يهمني جدا اني اعرفها لانها بالنسبالي معايير اساسية...

- العفشة ايه نظامها ؟ ناعمة و لا ناشفة... مريحة ولا عذاب... زي السيراتو يعني ولا احسن كتير ؟ (و اتمني كامل الامانة و الحيادية ( و انا متأكد اني هلاقيهم منكم انشالله

)

العفشة ناشفة لكن احسن من السيراتو بكتير علشان التعليق الخلفى مستقل للجين بعكس السيراتو اللى تقطم الوسط وعموما نيتروجين فى الاربع فرد ومشكلة نشوفية العفشة دى حتنتهى تماما (انا نفسى مكنتش مصدق الا لما جربت )

- متوسط استهلاك البنزين ايه؟

8 لتر لكل 100 كيلو فى اسوا الظروف

- توافر قطع الغيار في عز العرب و بره..... و مراكز الخدمة فيه و لا مفيش غير عز العرب؟

قطع الغيار متوفرة برة عز العرب ومراكز الخدمة موجودة وهايلة

- التكييف ايه نظامه ؟

ممتاز لكن لو العربية سخنة اوى ومنقوعة فى الشمس حيحتاج ربع ساعة علشان يطلع قوتة كلها

و سؤال بحبه جدا ..... ايه في نظرك مميزاتها و ايه عيوبها بكل صراحة ؟ (سمعت ان التقفيل مش اد كده و الفرامل فيها مشاكل )

المميزات
-عربية شيك جدا قوية جدا جدا ليها برستيج مش موجود فى عربيات اغلى منها بتديك احساس انك راكب عربية غالية وفخمة ومتميز دايما لانها مش مالية الشارع ولما بتجرى بتنسيك نفسك وانك مستحيل تكون راكب عربية اقل من اليبانى ولا تقارن بالكورى لان الفكر والمدرسة مختلفة تماما رغم تفوق الكورى فى المبيعات والانتشار ودة لاسباب مادية بحتة
-كماليات كتير جدا مش موجودة فى عربيات اغلى منها بكتيييير
العيوب
لو انت بتحب العربيات اللى ملهاش صوت مش حتحب الجين2 لان موتورها رياضى وصوتة عالى على RPM عالى
لو انت بتحب الباور الناعم المية فى ايدك البروتون مش حتناسبك لان باورها تقيل شوية علشان يديك تحكم وثبات على السرعات العالية
لو بتحب العفشة الناعمة نفس الكلام مش حتناسبك بردة
عيوب التقفيل دى مش حذكرها لانها بقت لبانة وانا بصراحة مش مقتنع بيها لان السيراتو مثلا مبسمعش من ضمن عيوبها ان فيها عيوب تقفيل على الرغم ان كل واحد يشتريها يقول مثلا فى عيب صوت فى كرسى السواق تززيق فى الطارة مش عارف اية يعنى كلها عيوب موجودة فى كل العربيات وبالتالى مش حخص بيها البروتون بس
لو بتحب الفرامل على الشعرة بردة مش حتناسبك لان المشوار طويل شوية بتاع الدواسة وعايز تتعود علية مش اكتر لكن دة ميقللش خالص من كفاءة الفرامل علشان يبقى الكلام واضح الاختلاف فى ميكانيزم الفرملة نفسة مش حاجة تانبة

انا اسف اني طولت بس محتاج مساعدتكم و جزاكم الله خيرا.....

و مش لازم اللي يرد يكون بيرد علي كل الأسئلة .... ساعد باللي تقدر عليه

.... و طبعا يكون احسن لو كان من ملاك العربية...

و السلام ختام....

**midosalah** · 09-05-2011 07:41 PM

الردود هايلة ماشاء الله
ربنا يباركلكوا فى عربياتكوا
انا بحب العربية دى جدا

**pirlo2000** · 09-05-2011 10:40 PM

جزاكم الله كل خير ..... وفيتم .... و برضه لو حد عنده اضافه يا ريت ميبخلشي علينا..

**shakshak2011** · 09-05-2011 11:19 PM

موضوع ممتاز .. و ردوود من الأخر

**hosini2000** · 09-05-2011 11:28 PM

معلش يا جماعة انا دخلت الموضوع لان عندي السؤال..واجا 2010 و لا بيرسونا 2011

انا مهندس و عندي 3 اطفال فهل البيرسونا توسعهم و لا الواجا احسن..علما اني معايا نوبيرا دلوقتي و وسعها كويس..فهل الواجا بنفس الاتساع ؟
ثانيا فطع الغيار للواجا اخبارها ايه.. و هل فرق قطع الغيار يعوض ال 9000 جنيه فرق في السعر ؟
ثالثا (لا قدر الله) سعر اعادة البيع في البيرسونا و الجين بيتحسن ..طيب و الواجا اخبارها ايه ؟
يعني بصراحة لما التوكيل يقوللي عندي 7-8 عربيات ماتباعتش من السنة اللي فاتت فده يديني مؤشر انها مش مرغوبة في السوق..فهل ظني صحيح؟
متشكر جدا مقدما للإفادة
و ربنا يكرمكم ما تتاخروش عليا..انا بصدد الشراء و الفلوس غالية عليا قوي الايام دي..ربنا يفكها على مصر يا رب

**viper911s** · 10-05-2011 12:17 AM

المشاركة الأصلية كتبت بواسطة hosini2000

معلش يا جماعة انا دخلت الموضوع لان عندي السؤال..واجا 2010 و لا بيرسونا 2011

انا مهندس و عندي 3 اطفال فهل البيرسونا توسعهم و لا الواجا احسن..علما اني معايا نوبيرا دلوقتي و وسعها كويس..فهل الواجا بنفس الاتساع ؟
ثانيا فطع الغيار للواجا اخبارها ايه.. و هل فرق قطع الغيار يعوض ال 9000 جنيه فرق في السعر ؟
ثالثا (لا قدر الله) سعر اعادة البيع في البيرسونا و الجين بيتحسن ..طيب و الواجا اخبارها ايه ؟
يعني بصراحة لما التوكيل يقوللي عندي 7-8 عربيات ماتباعتش من السنة اللي فاتت فده يديني مؤشر انها مش مرغوبة في السوق..فهل ظني صحيح؟
متشكر جدا مقدما للإفادة
و ربنا يكرمكم ما تتاخروش عليا..انا بصدد الشراء و الفلوس غالية عليا قوي الايام دي..ربنا يفكها على مصر يا رب

طالما حضرتك قررت الاخيار ما بين الواجا والبرسونا نصحيتى من واقع خبرتى البرسونا افضل وطالما هيكون تعاملك داخل التوكيل فى الفترة الاولى بعد الشراء برسونا افضل فى اسعار قطع الغيار بالنسبة للواجا
وتوافرهاكمان
وربنا يوفقق الى الاصلح