الميكانيكي بيقولي غير الموبينا و هات الاليكتروني ...و نلغي الكوندنسر ...
و واحد تاني قالي لا طبعا هات العادية ..و ان بلدها منزلها كدة و مش لازم نخترع...
وانا الصراحة عايز اركب الاليكتروني عشار اريح دماغي ...بس مقتنع بكلام الراجل التاني :praying:
عرض للطباعة
الميكانيكي بيقولي غير الموبينا و هات الاليكتروني ...و نلغي الكوندنسر ...
و واحد تاني قالي لا طبعا هات العادية ..و ان بلدها منزلها كدة و مش لازم نخترع...
وانا الصراحة عايز اركب الاليكتروني عشار اريح دماغي ...بس مقتنع بكلام الراجل التاني :praying:
متابع
بلاش
لان انت هتحتاج تجيب اسبراتير يشتغل معاها
والحاجة دي على حد علمي لما بتبوظ - مشط الإلكتروني تقريبا - بتغيرها كلها مش زي الوضع الحالي تغير ابلاتين وكوندنسر مثلا
انا كان معايا ريجاتا كنت مشتريها - اللي هي اصلا بتنزل الكتروني - الراجل اللي انا مشتريها منه كان مغير النظام الالكتروني وكان مركب موبينه عادية واسبراتير عادي بابلاتين وكوندسر ، الميكانيكي اللي شاف العربية قاللي الله يباركله انه لغى الالكتروني دي
هي الالكتروني بتعطل اصلا؟؟؟
طبعا الالكتروني اقوى لو كانت راكبه من غير تعديلات واختراعات يعني لو فيه للماروتي الكتروني اصلي بتاعها يبقى ركبه اكيد احسن
شكرا يا جماعة .. بس عايزين تفاصيل اكتر و يكون حد مجرب
انا الموبينه بتاعتى باظت ورحت اشترى واحدة وجدت الالكترونى ب 110 والعاديه بالمقاومه بس المقاومة منفصله عنها ب 95 سألت الميكانيكى بتاعى قالى هات العادية لان الاسبراتير بتاعك عادى والالكترونى مش هتنفع
وفعلا جبت العاديه لكن ركبها بدون المقاومة لانه وجد ان الموبينه اللى جبتها من النوع اللى بيركب بدون مقاومة رغم ان اللى قبلها كانت بمقاومة وفعلا العربيه اشتغلت كويس والحمد لله
هوا تقريبا لو الواحد هيركب موبينه الكتروني ساعتها هيركب اسبراتير الكتروني و انا اشيف العاجي احسن ع الاقل صيانته مش مكلفه
انا روحت الشركة اليابانية فى التوفيقية و اشتريت البوبينة الالكترونى و ركبتها و بسم الله ماشاء الله عليها زى الفل و احسن ميت مرة من البوبينة العادية
و لسة الابلاتين و الكوندنسر شغالين معاها زى الفل و الحمد لله ما عنديش شكوى منها
توكل على الله و روح اشتريها
مبروك عليك جبتها بكام
متابع
يا جماعة الموضوع دا مهم جدا جدا
لأن الواحد خلاص هايتشل من الأبلتين والكوندنسر وأعتقد أن تغير الأسبراتير العادى بالألكترونى دا شىء مهم
وهيريحنا من وجع وقرف الأبلتين والكوندنسر المضروبين الموجودين فى السوق
ياريت الأعضاء السوبر زى سبعاوى و أتش أم 414 والناس الجامدة اللى هنا تخش تقولنا رأيها أية فى القصة دى
للاسف معنديش ادنى خلفيه عن الموضوع بس انا شايف ان بلاش ألعب في الحاجات الحساسه دي
تحياتي
الماروتي بتنزل جديدة من بلدها بموبينة زيت عادية
المشكلة ان الموبينة الزيت بسخن وممكن تفصل مع الحر والعربية تبطل في الحالة دي
والميكانيكية بيحبوها علشان هما اتربوا على الحاجات العجيبة دي
يقولك اصل لو الموبينة فصلت ممكن تفتح الكبوت شوية لحد ماتبرد وتدور هتلاقى العربية دارت معاك
او فيه بعض سواقين التاكسي بعمل للموبينة كمادات ... ههههههههه
بجد بيحطلها فوطة مبلوله فوقيها ويسبها عليها علشان تبرد
اما الموبينة الالكتروني مفيهاش زيت
وكل اللى فيها عبارة عن مجموعة اي سيهات هيا اللى بتشغلها
علشان كده الميكانيكية بيشوفوا انها اختراع فاشل
لان لو اي سي اتحرق فيها هاتقف خالص وتوقف العربية
ومش هاتعرف تمشي العربية في الحالة دي
ولا كمادات ولا حاجة
ومحدش هايعرف يصلحها وملهاش حل غير انها تتغير
وده طبعا بالنسبة ليهم سبب فشلها
لكن لو شوفنا العمر الافتراضي لكل واحدة
هنلاقي الموبية الزيت عمرها اقل من الموبينة الالكتروني بكتير
والدليل تجارب عملية شخصية
انا كان عندي مشكلة ان الابلاتين كان كل شوية يتحرق - يلدع - بلغة الصنايعية
وكنت اغيره و اجيب احسن واغلى نوع ، كام يوم ويتحرق تاني
الميكانيكي قالى غير الموبينة علشان شكلها بطلع كهربا زيادة وهيا اللى بتحرق الابلاتين
وقالى نفس النصيحة الفظيعة اللى قولتلكم عليها في الاول
جيبت موبينة عادية .... اسبوعين وانا ماشي العربية بطلت مني
بفتح الكبوت لاقيت الموبينة نازل منها زيت وسخنة مولعة
المهم علمت زي سواقين التاكسي وفضلت احايلها واعملها كمادات لحد ما العربية اشتغلت وروحت بيها عند الميكانيكي
قاللى اكيد النوع ده مضروب ومش اصلي علشان كده عملت كده ...
قولت اريح دماغي وروحت اشتريت واحدة تانية تقريبا كانت بـ 60 جنية أو بـ 55 جنية مش فاكر بالضبط ، مكتوب عليها انها ياباني
ده بعد مادورت في 20 محل وكلهم اكدوا انها هيا دي الياباني الاصلية
المهم مشيت كويس حوالى شهر او اكتر شوية ... وبعدين الابلاتين رجع تاني يتحرق
روحت لواحد ميكانيكي تاني قاللى مشكلة العربيات دي هيا الموبينة
وفعلا اقتنعت ساعتها بالموبينة الالكتروني و اشتريت موبينة الكتروني ياباني بحوالي 75 جنية
وعلى فكرة هيا مش بتحتاج تغيير الابلاتين و الكوندنسر ... يعنى مش بتحتاج كوندينسر الكتروني ولا حاجة
ولا بتحتاج تلغى الكوندينسر ولا حاجة برضه ، الموبينة بتركب بدل الموبينة التانية وخلاص
ومفيش لعب في اي حاجة تانية خالص
حتى الموبينة الالكتروني شكلها ماشي مع العريية
علشان الموبينة الالكتروني صغيرة و متناسبة مع العربية وحاجتها الصغيرة
الكلام ده بقاله حوالى 9 شهور وانا مشي بنفس الابلاتين اللى ركبته مع الموبينة الالكتروني
والحمد لله مفيش عندي اي مشاكل خالص
كله شغال تمام ، ولا بتفصل ولا حاجة
وربنا يحفظها و يبارك فيها
ولو حد عنده اي استفسار تاني انا تحت امركم
كان عندنا عربيه جايبنها وفيها موبينه واسبراتير التكرونى قعدت عندنا حوالى 5 سنين واتباعت وكانت شغاله زى الفل
ممكن طيب بس حضرتك تقولنا جبت الموبينة الألكترونى منين
وبتاعة عربية أية ؟؟؟
انا قلتلك من زمان انى مركبها و مشتريها من التوفيقية
انته لاقيت فين الاسبراتير الالكترونى ابو 175 جنية فى شبرا
علشان انا شغال فى شبرا المظلات الميدان و بدور عليه و ملقيتهوش غير فى جسر السويس الشركة المحمدية
و استبعدت المشوار
لكن طالما جنب الشغل بتاعى فى شبرا اروح اجيبة لان سعرة و مكانه معقول
ياريت تبعتلى حتى على الخاص بالعنوان فى شبرا و اسم المحل و الوصف للطريق
و انا اساسا من شبرا فعرف المكان انشاء الله بسهولة
.
الف شكر
انشاء الله هروح اجيب منه الاسبراتير الالكترونى بس الاول لازم الاقى كهربائى يعرف يركبه فى مصر
لان هيه دى المشكلة
الابلاتين
اما الكوندنسر بيركب عادى من غير مشاكل انما المشكلة فى الابلاتين
لو توصلت لكهربائى شاطر يعرف يركب الاسبراتير الالكترونى للماروتى قول لى عليه
بالمناسبة البوبينة الالكترونى انا ركبتها بنفسى لعربيتى
مش محتاجة خبير كبير
زى الاسبراتير
.
طيب عايزين حد مجرب الموبينة و الاسبراتير الاليكتروني يا رجالة ....
الكوندنسر لاااااااااااااااااااازم ومن غيره العربيه ما تشتغلش مع الموبينة
وعلشان الناس تفهم الموبينة عبارة عن محول رافع للجهد وأى محول بكون له قلب من ماده عازلة والقلب ده عبارة عن زيت فى الموبينة العادية اما فى الإلكترونى فالقلب غالبا هواء
يا جماعه عايزين كلام نهائي
.............
مفيش جديد؟
بوص حضرتك وعن تجربة شخصية أنا مغير الكوندنسرات بتاع 7 مرات وقالولى ان العيب الموبينة فعلا وغيرت الموبينة أول مرة بموبينة زيت زيت ألمانى وبرده الكوندنسر ضرب..وغيرتها بموبينة زيت تانى هندى وبرضه الكوندنسر ضرب قمت غيرتها بموبينة الكترونى وهى مثلثة الشكل وأصغر حجما برده الكوندنسر ضرب.. رحت جايب موبينة استيراد الكترونى برده ضرب الكوندنسر...واكتشفت فى الاخر ان العيب مش الموينة العيب ان الكوندنسرات كلها زباااااااالة لحد ما ربنا وفقنى ولقيت الكوندنسر النضيف ب 35 جنيه نوعه دنسو فى علبة شفافة على نفس الموبينة الاستيراد وبتركب عادى بدون أى تعديل ولا اسبراتير الكترونى ولا حاجة خالص والحمد لله زى الفل دلوقتى...بئالى من قبل العيد الكبير:36_2_46[1]:....وكانت الكوندنسرات بتضرب فى شهر بالكتير أو يمكن فى خلال يوم واحد.... يعنى الملخص من تقطيع العربية كل شوية هو الكوندنسر واحتماليته أكتر بمراحل من الموبينة... وكمان الموبينة الالكترونى لا تحتاج اى تعديل وبيركب عليها برده أبلاتين وكوندنسر وزى الفل الحمد لله..وللعلم انا جبت الموبينة الجديدة الالكترونى يابانى بالظبط زى الاستيراد اللى جبتها بعد كدة يعنى فعلا أصلى من التوفيقية ب 80 جنيه...ويا ريت أكون أفدت حضرتك...ودى روابط لموضوعاتى وعذابى مع الكوندنسرات...
http://www.nilemotors.net/Nile/244042-4.html (عيب عضال فى العربية"4موبينات!!")
http://www.nilemotors.net/Nile/253233-a.html (بشرى لمن يعانى من مشكلة الكوندنسر)