سؤال ...... هل يؤمن ممثلو التيار الأسلامى بمبدأ تداول السلطة ؟؟؟

**otefa** · 12-05-2011 03:15 PM

أكثر من كده!!
هايبقى جدل
الصورة واضحة وحتى كلام د.أحمد سمير مردود عليه قبل كده .

**hobiko** · 12-05-2011 04:29 PM

المشاركة الأصلية كتبت بواسطة ehab_mansour

علي فكرة انت مصمم تفزع نفسك بالسلفيين وغيرهم في الفاضي زي ما حصل من النظام البائد ضد الاخوان وحاليا كله بقي بيشكر في الاخوان

واللي انا شخصيا متوقعه ان الاعلام وغيره شغال علي السلفيين علي انهم هم الفزاعه الحالية وهم الخطر الأكبر وهم خوارج هذا العصر ولابد من قتلهم ولابد من اعتقالهم جميعا وان شاء الله قريبا ربك هيظهر الحق وسيعلم الذين ظلمو اي منقلب ينقلبون

وعايزأقلك ان مافيش حاجه اسمها اسلام وسطي واسلام سلفي
الأسلام دين واحد فقط وثوابت واحده
ولكن تجد الكثير من المسلمين ممن يحيد عن هذه الثوابت لضعف تفقهه في الدين ولفهمه للدين علي حسب ما يوافق هواه هو او من يدفع له

وعلي فكرة السلفيين فكرو فقط في الدخول للحياة السياسية والحزبية لهدف خدمة الدعوة لدين الله وليس لهدف السلطة او التشبث بها وهما عارفين كويس ان تقدم الزمن معاه تقدم انتشار شرع الله في الأرض وتقدم الوصول الي خلافة علي منهاج النبوة ليس في مصر فقط ولكن في العالم كله ولن يترك الله بيت وبر ولا مدر إلا أدخله هذا الدين بعز عزيز او بذل ذليل
فكل منا يجب ان يعلم اننا جميعا خلقنا للدعوة لدين الله ولعبادة الله وحدة ونشر شريعته سواء بنا او بغيرنا ولكن ان لم نسعي نحن سوف نستبدل بقوم غيرنا ثم لن يكونو أمثالنا لقوله تعالي " وان تتولو يستبدل قوما غيركم ثم لا يكونو أمثالكم "

عارف اني خرجت بره الموضوع وبره الرد ولكن مضمون كلامي يوضح الرد
وربنا يستعملنا و يوفقنا جميعا لنشر دعوته ولا يستبدلنا حتي نكون سبب في نشر هذا الدين
اللهم أمين

انا مش بفزع نفسى بحد ..... كلامك خاطىء تماما

و تشبيهى بالنظام البائد ..... كلام مالوش لازمة يترد عليه اصلا ..... لأنى مش ببساطة اللى كنت بفتى بتحريم الخروج على الحاكم ايام الثورة

انتو عندكم مشكلة خطيرة ...... اعتقادكم بأنك المحتكرون الوحيدون لدين الأسلام الصحيح ...... بدليل انكم ما سبتوش عالم او شيخ او فقيه لا ينتمى اليكم الا و سفهتم كلامه

بعدين انتم مش بتقولوا يعنى ايه مدنية ...... مدنية يعنى امك ما تلبسش حجاب

طب مش معترضين على الأخوان ليه ...... ما هم بيطالبوا بالدولة المدنية برضه ذات المرجعية الأسلامية ؟؟؟

انا كنت عايز اعرف اجابة سؤال ...... و عرفتها خلاص

و انا مش قلقان منكم ...... لأنى حضرت مؤتمر من مؤتمراتكم الشعبية فى اسكندرية ..... و شفت اللى يخلينى ماقلقش منكم خالص طول ما بنلعب سياسة :)))))

المشاركة الأصلية كتبت بواسطة otefa

أكثر من كده!!
هايبقى جدل
الصورة واضحة وحتى كلام د.أحمد سمير مردود عليه قبل كده .

الرد على كلام د. احمد سمير كان اقل من ان يقوم بالرد عليه مرة ثانية

**otefa** · 12-05-2011 05:06 PM

بالمناسبة الأختلاف مش في رد د.أحمد هو ألي تسرع وفهم ردي غلط عادي جل من لايسهو أنا مسامحه
أختلافي معك في أقتباسك لرده ألي كان بيستشهد بيه أن الأسلام هو الحل وأن الليبرالية ماهي ألا جزء من الأسلام - مش العكس زي ما أنت فهمت
بغض النظر هل ده صح أو غير دقيق
أنا خلافي في الرئي معاه كان لما الليبرالية كما يعتقد مأخوذة من جوهر الأسلام طيب وليه اللفة دي كلها ولا لازم ندخل الغرب في مصطلحاتنا والسلام
ياريت تراجع الموضوع تاني وتحطلنا اللينك علشان ماعرفتش أوصله

**otefa** · 12-05-2011 05:56 PM

وده ردي على جملة محددة في مشاركته.................أيه رأيك

رابط المشاركة
((الدولة الإسلامية .. هي الدولة الليبرالية المدنية ..))
أقتباس من مشاركة د.أحمد
أيهم أقدم من الأخر سواء كنظام حكم أو كمصطلح سياسي
الدولة الأسلامية أم اليبرالية؟!
أكيد الدولة الأسلامية
لما نقحم المصطلح الغربي الحديث في تعريف الأشمل والأعرق ألا يتعارض ذلك مع المنطق أولا ومع الأيات :

قوله تعالى ( قال أتستبدلون الذي هو أدنى بالذي هو خير )

قال الله تعالى: {وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا يَعْبُدُونَنِي لَا يُشْرِكُونَ بِي شَيْئًا وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ} (55) سورة النــور

قوله تعالى:{يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ} (7) سورة محمد

وقوله تعالى{ وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ} (40) سورة الحـج

وقوله تعالى{إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ} (51) سورة غافر

قال تعالى: {وَأَلَّفَ بَيْنَ قُلُوبِهِمْ لَوْ أَنفَقْتَ مَا فِي الأَرْضِ جَمِيعاً مَّا أَلَّفَتْ بَيْنَ قُلُوبِهِمْ وَلَكِنَّ اللّهَ أَلَّفَ بَيْنَهُمْ إِنَّهُ عَزِيزٌ حَكِيمٌ} (63) سورة الأنفال

يبقى الخلاصة عايزنها أسلامية وألي شايف أنه عايزها ليبرالية(بمعنى الحرية) +مرجعية دينية أسلامية
مافيش مشكلة يبقى بيطالب بدولة أسلامية برضه بس بطريقة ودنك منين
أنما ليبرالية علمانية مرفوض تماما في فكري

والله أعلم

**M.Zaher** · 12-05-2011 05:59 PM

الاستاذ hobiko
الرد على سؤالك في سطر واحد بس مش عارف ليه انت مصر على رايك و رافض تعرف الراي الاخر
تداول السطلة يعني ايه عند الاسلاميين على حد تعبيرك
يعني
السلطة بمفهومها الحديث عقد بين الحاكم والمحكومين لو نزل الحاكم علي ما فيه لامانع من استمراره ولو نكث لامانع من انهاء العقد

بس كلمه ورد غطاها مش عارف ليه بقى الناس بتحب تلف و تدور و تخش في مواضيع تانيه

**ainshouka** · 12-05-2011 08:24 PM

عدم تداول السلطة= أنتخة
يعني الحاكم يقعد
يعني بطانة تتكون حواليه
يعني فساد لأن مفيش حد حيتحاسب
يعني ظلم وقهر
وصعب جدا مع شعب ثار خلاص
يعني معادش حد حيفكر انه يستبد بالسلطة
دول 58 سنة مرار محدش حيسمح بتكرارها تاني

**ehab_mansour** · 13-05-2011 02:43 AM

المشاركة الأصلية كتبت بواسطة hobiko

انا مش بفزع نفسى بحد ..... كلامك خاطىء تماما

و تشبيهى بالنظام البائد ..... كلام مالوش لازمة يترد عليه اصلا ..... لأنى مش ببساطة اللى كنت بفتى بتحريم الخروج على الحاكم ايام الثورة

انتو عندكم مشكلة خطيرة ...... اعتقادكم بأنك المحتكرون الوحيدون لدين الأسلام الصحيح ...... بدليل انكم ما سبتوش عالم او شيخ او فقيه لا ينتمى اليكم الا و سفهتم كلامه

بعدين انتم مش بتقولوا يعنى ايه مدنية ...... مدنية يعنى امك ما تلبسش حجاب

طب مش معترضين على الأخوان ليه ...... ما هم بيطالبوا بالدولة المدنية برضه ذات المرجعية الأسلامية ؟؟؟

انا كنت عايز اعرف اجابة سؤال ...... و عرفتها خلاص

و انا مش قلقان منكم ...... لأنى حضرت مؤتمر من مؤتمراتكم الشعبية فى اسكندرية ..... و شفت اللى يخلينى ماقلقش منكم خالص طول ما بنلعب سياسة :)))))

طالما متعرفش ترد علي اللي بتقول عليهم بيفتو في الدين دول يبقي بلاش تقول كلامهم فتي لأنك متعرفش هما قالو كده ليه وايه الدليل واين نأخذ بهذا الدليل ونطبقة ونسقطه علي واقع وده كلام علماء ومشايخ لا انا ولا انت
الرد بالحجة والدليل وليس بالكلام المرسل والمزاج
وانا مش مع اللي قالو ان المظاهرات دي خروج علي الحاكم لأاسباب اخري وياريت تسمي اللي قالوكده وتقلي هما مين دول ؟ أسماء معروفة
ولعلمك مش كل ملتحي سلفي ومش كل داعية ملتحي داعية سلفي

وعايز أقلك انه لا يوجد أحد محتكر للدين ولكن كل يؤخذ منه ويرد إلا النبي صلي الله عليه وسلم ولكن لما ييجي واحد يخالف نص يبقي نخالفه ولما ييجي واحد يفهم نص علي مزاجه وعلي غير فهم صحابة النبي صلي الله عليه وسلم يبقي برده نخالفه

" الحق لا يعرف بالرجال ولكن الرجال هم الذين يعرفون بالحق " بضم الياء في يعرف ويعرفون
"اعرف الحق تعرف أهله "

مش عارف ايه المقصود بالعبارة دي "
بعدين انتم مش بتقولوا يعنى ايه مدنية ...... مدنية يعنى امك ما تلبسش حجاب
"
وبعدين ياريت لما ترد علي كلام ترد بردود مفهومة وبلاش النقط الكتير اللي بتحطها دي عشان مبحبش أستنتج بحب الكلام يكون واضح وصريح أكرمك الله
متزعلش مني انا مش بعدل عليك او بتهمك بشيء ولكني بحب الوضوح وحاسس انه في كلامك غموض كتير

ياريت تقلي انت فهمت ايه وايه هي اجابة السؤال اللي وصلتك ؟

ياتري شفت ايه مننا في المؤتمر الشعبي اللي يخليك ما تقلقش ياريت تقوله عشان يمكن ناس تانية تكون قلقانة يروح من عندها القلق بعد كلامك

منتظرتعليقك علي كل جزئية
وصدقني انا أحبك في الله والله وأحب كل مسلم يغار علي بلده وأهله ودينه
ولا تأخذ كلامي علي انه تضاد ليك ولكن بنتناقش لنصل للحقيقة والله أعلم بالنيات

**ehab_mansour** · 13-05-2011 02:47 AM

المشاركة الأصلية كتبت بواسطة otefa

وده ردي على جملة محددة في مشاركته.................أيه رأيك

رابط المشاركة
((الدولة الإسلامية .. هي الدولة الليبرالية المدنية ..))
أقتباس من مشاركة د.أحمد
أيهم أقدم من الأخر سواء كنظام حكم أو كمصطلح سياسي
الدولة الأسلامية أم اليبرالية؟!
أكيد الدولة الأسلامية
لما نقحم المصطلح الغربي الحديث في تعريف الأشمل والأعرق ألا يتعارض ذلك مع المنطق أولا ومع الأيات :

قوله تعالى ( قال أتستبدلون الذي هو أدنى بالذي هو خير )

قال الله تعالى: {وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْنًا يَعْبُدُونَنِي لَا يُشْرِكُونَ بِي شَيْئًا وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ} (55) سورة النــور

قوله تعالى:{يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ} (7) سورة محمد

وقوله تعالى{ وَلَيَنصُرَنَّ اللَّهُ مَن يَنصُرُهُ إِنَّ اللَّهَ لَقَوِيٌّ عَزِيزٌ} (40) سورة الحـج

وقوله تعالى{إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ} (51) سورة غافر
قال تعالى: {وَأَلَّفَ بَيْنَ قُلُوبِهِمْ لَوْ أَنفَقْتَ مَا فِي الأَرْضِ جَمِيعاً مَّا أَلَّفَتْ بَيْنَ قُلُوبِهِمْ وَلَكِنَّ اللّهَ أَلَّفَ بَيْنَهُمْ إِنَّهُ عَزِيزٌ حَكِيمٌ} (63) سورة الأنفال

يبقى الخلاصة عايزنها أسلامية وألي شايف أنه عايزها ليبرالية(بمعنى الحرية) +مرجعية دينية أسلامية
مافيش مشكلة يبقى بيطالب بدولة أسلامية برضه بس بطريقة ودنك منين
أنما ليبرالية علمانية مرفوض تماما في فكري

والله أعلم

كلام جميل واوافق عليه

**تامر.محمد** · 15-05-2011 06:41 PM

السلام عليكم , و عذرا على التأخر , بس قلت الكلام اللي زي ده عايز رواقة

المشاركة الأصلية كتبت بواسطة hobiko

لما أطالب بإن يبقى فيه تداول حقيقي للسلطة ...... دة كدة مش حلم ولا مثالية
دي حاجة بتحصل في دول العالم المتقدم عادي
إنت بتقول نجرب الاخوان ....... أنا بقول أوك نجرب 5 سنين ..... بس لو منفعوش يمشوا و نجرب غيرهم
و لو نفعوا ..... أنا أول واحد حيديهم صوته في الإنتخابات

جميل, و انا شرحك

مقلتليش بقى ...... هل التيار الإسلامي في مصر موافق و مؤمن بالكلام دة ولا لأ في وجهة نظرك ؟؟؟؟

من ناحيتي انا , يؤمن ولا ما يؤمنش , ما ينفعش يبقى ارتكازك على ايمان المرشح للسلطة ايا كان, ماحدش ملاك, لازم يكون فيه ضمانات دستورية من برة السلطة خالص

هل السلفيين حيسمحو بوجود احزاب معارضة ليهم أثناء وجودهم في السلطة ؟؟؟؟؟؟ هل حيتقبلو مبدأ تداول السلطة عن طريق صندوق الإنتخاب حتى لو أزاحهم هذا الصندوق في يوم من الأيام عن السلطة لصالح حزب ليبرالي مثلاً أو حتى علماني ؟؟؟؟؟

مفروض ما يبقاش بمزاجهم ولا بمزاج غيرهم

موافق برضه على كلامك ...... بس و الله مش أنا إلي قلت خلافة إسلامية ......
ممثلين التيار الإسلامي تصريحاتهم مالية الجرايد ...... صفوت حجازي لسه كان بيقول سوف نقيم الخلافة الإسلامية في مصر و سوف يكون لنا خليفة و الولاية المتحدة الإسلامية

الخلافة كل واحد بيطلع لها تعريف على مزاجه, و للأسف اللي كاره المبدأ بيحط له تعريف وحش طبعا , انما انا شفت لها تعريفات كويسة جدا , و بالمناسبة الخلافة لا تشترط التوريث , و الخليفة (او الرئيس) لا يشترط انه يكون فوق المسائلة , و المثال الصريح اللي كلنا نفسنا فيه طبعا (او على الأقل انا متخيل كده) هو خلافة الخلفاء الراشدين (بما فيهم عمر بن عبد العزيز) مع بعض التطوير طبعا

بس الاخوان برضه ممكن ....... السلفيين لا ا ا ا ...... الجماعة الإسلامية لا ا ا ا ا ا ا ا ا

بص انا رأيي ان السلفيين ما تحكمش عليهم سياسيا دلوقت , لأنهم ببساطة مش بتوع سياسة خالص, لسه يا دوب بيقولوا يا هادي , كام سنة كده ان شاء الله و تبان الصورة بس لما تنضج بما فيه الكفاية

بس برضه في 2005 ........ للأسف النواب كانو بيقبلو أيده
وقعة حصلت , لكن افتكر ان نفس الشخص ده سقط في انتخابات الارشاد, يعني ما كانش مؤله منهجيا ولا حاجة, مش باقول ان ده مش خطأ , لكنه مش خطأ منهجي , اكبر مثال , لو حكمت على مصر بالنظر فقط لعصر مبارك , تبقى بتظلمها , فما تقدرش تحصر الاخوان (ناهيك عن التيار الاسلامي كله) في عاكف ولا المنافق اللي باس ايده

هنا في تناقض شوية ...... بص إنت مش معتبر السعودية نظام إسلامي ..... رغم انهم بيقولو كدة
و مع ذلك معتبر نظام مصر علماني عشان نظيف كان بيقول كدة
العبرة مش بالمصطلح ....... العبرة بالتطبيق

هو انت بتتكلم صح , بس مش ده اللي انا قصدته , و يمكن انا ما وضحتوش كويس
نظام السعودية منهجه المعلن حكم الاسلام .... لكن التطبيق مش حكم الاسلام , فيه عندهم تجاوزات كتييييييييييييييييييييييي ييييير ما ترضيش ربنا ولا تتفق مع حكم الاسلام كان آخرها ايواء ابن علي, يمكن كانوا في يوم من الايام حكم اسلامي فعلا , لكن انا اللي حضرته و ركزت معاه ملك السعودية الحالي , ورث المنهج , و بيعمل اللي هو عايزه سواء يتفق مع تعاليم الاسلام ولا لأ

طب و نظام مصر , نظريا كان اسلامي , زي السعودية كده , مع اختلاف المنهج, و ده مش مبارك اللي عمله لكنه ورثه عن السادات و ما رضيش ييجي جنبه كنوع من المتاجرة بالدين , لكنه في نفس الوقت كان بيطبق العلمانية , و الواقع انت لو بصيت هاتلاقي شخصيات النظام كلها شخصيات علمانية غير مقتنعين بحاجة اسمها حكم اسلامي اصلا و مش بيطبقوه و لكن على العكس بيحاربوه, و تقارير امن الدولة تشهد, و تقارير الأمن الحربي بخصوص الظباط اللي بتحرص انها ترصد هو بيصلي في المسجد ولا لأ , و الشواهد كتير , لكنهم كانوا بيبدوا مصالحهم الشخصية على كل حاجة حتى مصلحة البلد, و جزء منها كان مع الغرب فكان بيبان انهم بيطبقوا العلمانية عشان خاطر الغرب , و ده مش حقيقي, فزي ما انت قلت , العبرة بالتطبيق مش المنهج المعلن , و هو مش اسلامي لا هنا ولا هنا

و في نفس الوقت اللبرالية بالنسبة لي ..... مش ذي ما بيقول ناس متخلفة كتير
هممم , طب مبدئيا هنا الليبرالية هي كمان لها تعريفات كتيرة , بتبدأ من العلماني المتطرف اللي بيدعي كذبا انه ليبرالي(زي اللي منع الحجاب في تركيا و فرنسا , و اللي ), لحاااااااااااد اللي واقعيا مبدأه اسلامي( باتكلم عن الحالة المصرية) لكنه شايف نفسه ليبرالي , و ما بينهما بقى

انا مش عارف اتكلم في انهي زاوية , لكن مبدئيا هاحاول امسكها واحدة واحدة
لو مسكناها من الطرف الراديكالي , او نقول الطرف العلماني المتطرف مدعي الليبرالية , هانلاقيه بيعامل علمانيته(هو بيسميها ليبرالية) كأنها دين يتبعه و يقصي (بصفته متطرف) كل من لا يعتنقون هذا الدين , النقطة دي موجودة و بتقل تدريجيا كل ما تبعد عن الراديكالية العلمانية زي ما باوصفها
اظن ان نقطة زي دي مش محتاج اتكلم فيها و لو تحب نتكلم

و الراجل اللي مقتنع بمباديء الاسلام كلها و مقتنع بمباديء الليبرالية كلها , و ده واقعيا اسلامي لكنه واخد اسم ليبرالي فقط , و في حالتنا دي فالمنهج الاسلامي شمل كل مميزات النقطة دي, فبرده مش محتاجين الكلام., و ده نفس رأي د. احمد اللي انت موافقه عليه , و الناس مختلفين معاك عليه لأن ببساطة ليبراليتك مش الليبرالية الوحيدة

انا هنا باتكلم عن المميزات و مش عايز اتكلم عن السلبيات يمكن لأن اغلب الناس بتتكلم فيها

بجد يا تامر (اسمحلي أرفع التكليف) ...... مش بسمع الكلام دة من قيادات التيار الإسلامي عامةً
يمكن يكون سمعي تقيل :)))))))))))))

سيرش بسيط يا سيدي , اتفضل

القرضاوي
تطبيق الحدود في الإسلام للإمام العلامة القرضاوي - منتدى شباب الإخوان المسلمين
ظ…ظˆظ‚ط¹ ط§ظ„ظ‚ط±ط¶ط§ظˆظٹ - ط§ظ„ط´ط±ظٹط¹ط© ظˆط§ظ„ط.ظٹط§ط©

محمد بديع
المرشد العام: تطبيق الشريعة الإسلامية حماية للبشرية - شبكة أنا المسلم للحوار الإسلامي

و لو هانسيرش في التعريفات مش هانخلص و هانلاقي كتير

انا منتظر اكمال المناقشة الشيقة دي

الموضوع: سؤال ...... هل يؤمن ممثلو التيار الأسلامى بمبدأ تداول السلطة ؟؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

بنك فيصل الأسلامى فقط الى بيقسط بطريقه اسلاميه 100%

هل وضع السيارة فى جراج يؤمن عليها ولا زى ركنها تحت البيت ؟

ما هو افضل زيت يؤمن لزوجة للبومة (عاجل)

الدعوة السلفية ......... و تداول السلطة و الديمقراطية و الاحزاب

حادث الكنيسه سببه تنظيم الجيش الأسلامى + وقفة سلميه يوم الثلاثاء

الكلمات الدلالية لهذا الموضوع

المفضلات

المفضلات

ضوابط المشاركة