سؤال ...... هل يؤمن ممثلو التيار الأسلامى بمبدأ تداول السلطة ؟؟؟

**hobiko** · 09-05-2011 06:18 PM

ده موضوع للنقاش الحر الغير مبنى على الهجوم و التعصب

هل التيار الدينى فى مصر ( اخوان مسلمين و سلفية و جماعة اسلامية ) مؤمنين بمبدأ تداول السلطة ؟؟؟

فيه بعض التخوفات ..... من ان التيار الدينى لا يؤمن بالمبدأ ده و ان الديموقراطية وصناديق الأقتراع النزيهة سوف تستخدم مره واحدة فقط للوصول لسدة الحكم و شكرا على كده ؟؟؟

بمعنى ابسط لو فرضنا ان التيار الدينى وصل للحكم فى الأنتخابات القادمة سواء تشريعية او رئاسية ...... و أقاموا دولة الخلافة الأسلامية ...... هل سيقبلون بأنهم يتنحوا عن الحكم اذا لم يفوزوا فى الأنتخابات التالية لصالح اى تيار أخر ؟؟؟؟

**samcar** · 09-05-2011 06:30 PM

سيدنا عمر - رفض يوصى لابنه بالخلافه - رغم انعبد الله بن عمر كان من اتقى الناس- واعتبر الخلافه - رغم عدله بلاء من الله وانه رايح جهنم رايح لانه اكيد مش حيقدر يصون- على حد ظنه- كل حقوق الرعيه- دلوقت الناس بتستموت على الحكم-
الاساس فى الاسلام - طالب الولايه لا يولى -
انا بس عايز اعكس السؤال لو اللى بيسموا نفسهم- تجميلا ليبراليين- والاصل علمانين- لو وصلوا للحكم حيبقبلوا فعلا يتدولوا السلطه- ده الوفد على سبيل المثال كانوا بيولعوا فى بعض صراعا على رئاسة الحزب- اللى كان مجرد حزب ورقى - نفس الكلام حزب الغد نفس الكلام التجمع

دول او اللى زيهم لو وصلوا للحكم حيسبوه- والله اللى حيعملوه حيكون اللى بيعمله الاسد فى سوريا جنبه لعب عيال

التيارات الجديده بقى - كفايه و6 ابريل لسه بنقول يا هادى انقسموا على نفسهم - والكل اتفق بس على ان مش عايزين اسلاميين فى الحكم-

ده حتى نتيجة الاستفتا- اللى ما كانتش حتفرق كتير لا من نعم - لمجرد ان الاسلاميين قالوا نعم- يبقى نلف حول الكلام ده ومؤتمر علشان نعمل اعلان دستورى ومش عارف ايه قبل الانتخابات

- معلش السؤال ده يتوجه للعلمانيين قبل الاسلاميين

**تامر.محمد** · 09-05-2011 06:33 PM

همممم , و ليه نخون بعض بدري بدري ؟....
ثم هو احنا هايبقى ضامن تداول السلطة اللي في السلطة نفسه ؟

**misoalex** · 09-05-2011 08:39 PM

متابع لان نفس السؤال عاوز اجابه ليه

**dr_hatem** · 09-05-2011 08:50 PM

المشاركة الأصلية كتبت بواسطة hobiko

...... حاسس بغطرسة و تعالي ....... اهدافهم و مشاريعهم إلي مركزين عليها مشاريع محتاجة سنين طويلة لتحقيقها ....... مش بسمع خالص عن أي خطط مرحلية قصيرة المدى

غطرسة وتعالى ايه بس امال كلام العلمانيين نقول عليه ايه
اما بالنسبة لتداول السلطة فان شاء الله مفيش تيار هينفرد بالسلطة

**تامر.محمد** · 09-05-2011 09:24 PM

المشاركة الأصلية كتبت بواسطة hobiko

السؤال موجة للاسلاميين قبل اللبراليين ....... من وجهة نظري المتواضعة ..... لأني مش شايف نموذج واحد في العالم لما وصل الاسلاميين للحكم أقامو الديمقراطية الحق و سمحو بتداول السلطة
لكني شفت في دول كتير من إلي بتسمى علمانية أو ليبرالية ...... تداول حقيقي للسلطة
أبداً مقصدش بجد يا هندسة تامر ........ بس بيني و بينك مش شايف برضه إلي يدل على خطأ اعتقادي ....... مش بسمع الكلام دة منهم ...... حاسس بغطرسة و تعالي ....... اهدافهم و مشاريعهم إلي مركزين عليها مشاريع محتاجة سنين طويلة لتحقيقها ....... مش بسمع خالص عن أي خطط مرحلية قصيرة المدى

الاجابة تونس يا باشا

اهو نظام , مش كان علماني , ده كان علماني متطرف لدرجة محاربة الاسلام بصورة مباشرة
و برده كان مستبد ولا فيهوش تداول سلطة
نظام مبارك كان نفس النظرية بالظبط لكن مثال تونس اوضح عشان كده ذكرته

النقطة اللي بعدها , هاقول لك فيها حاجة لذيذة جدا , حالا كان فهمي هويدي على الجزيرة بيتكلم عن موقف (المثقفين) اللي هي كلمة محطوطة مكان كلمة العلمانيين و الليبراليين يعني , من اختيار واحد اخوان في وسط لجنة تعديل الدستور السابقة , و التنديد , و الاتهامات بالتحيز (عشان واحد بس) , بصراحة شيء فكرني باللي بيعمله اللوبي اليهودي في امريكا , في انهي جهة التعالي في رأيك ؟

تعال نبص الناحية التانية , الاخوان مثلا , انت بتتكلم عن مشاريعهم طويلة الأمد , هل تظن ان مشاريعهم دي مبنية على انهم في السلطة ؟ خليني افكرك , وقعة مشهورة من كام سنة , فيه مستشفى خيري اتبنى , كان مالكه اخواني, و الأمن هده !!! لمجرد ان مالكه اخواني ... فالناس اهي بتعمل مشاريع بعيدا عن السلطة خالص

كلمة في سرك , و الله انت خسارة في الليبرالية يابني, او على الأقل في ليبراليين مصر

**Ralliart** · 09-05-2011 09:52 PM

الموضوع في الاول وفي الآخر بيكون راجع للشخصيات بعيداً عن التوجهات
فدولة الخلافة الاسلامية اللي جابت الخلفاء الراشدين جابت حكام امويين كانو قمة في الاستبداد
والدول العربية كانت بتدعي الديمقراطية كانت بتشغل اغنية اخترناه ويستمرو في الحكم
العبرة مش في نظام الحكم زي ما العبرة في الاشخاص نفسهم وطبيعة المجتمع
انما بالنسبة لسؤال هل التيارات الاسلامية تؤمن بتداول السلطة فالكلام متضارب في الموضوع ده بس من أغلب الآراء اللي سمعتها لأ لدرجة ان امام المسجد للاسف هو دكتور في حقوق القاهرة قال الديمقراطية دي كلام فاضي والاغلبية مش عارفة مصلحتها ولازم اهل الحل والعقد فقط همى اللي يستشارو (معرفش يعني ايه وهو مقالش يعني ايه) وان عامة الناس مبيفهموش حاجة

اهو نظام , مش كان علماني , ده كان علماني متطرف لدرجة محاربة الاسلام بصورة مباشرة
و برده كان مستبد ولا فيهوش تداول سلطة

النظام التونسي كان دكتاتوري بكل ما تعنيه الكلمة ومكانش ليبرالي نهائياً
وقصد حضرتك بكلمة علماني ان مفيش مادة في الدستور بتنص على ديانة الدولة وده مش سبب للاستبداد اللي كان بيحصل بمنع الحجاب والصلاة بالكارنيه والكلام ده رغم ان الليبرالية تنص على حرية الاعتقاد
فاللي بيحصل في فرنسا من منع للنقاب او اللي كان بيحصل في تونس أكيد مش نموذج للدولة الليبرالية نهائياً واكيد محدش عايز ده يحصل

**aif** · 09-05-2011 11:32 PM

المشاركة الأصلية كتبت بواسطة hobiko

ده موضوع للنقاش الحر الغير مبنى على الهجوم و التعصب

هل التيار الدينى فى مصر ( اخوان مسلمين و سلفية و جماعة اسلامية ) مؤمنين بمبدأ تداول السلطة ؟؟؟

فيه بعض التخوفات ..... من ان التيار الدينى لا يؤمن بالمبدأ ده و ان الديموقراطية وصناديق الأقتراع النزيهة سوف تستخدم مره واحدة فقط للوصول لسدة الحكم و شكرا على كده ؟؟؟

بمعنى ابسط لو فرضنا ان التيار الدينى وصل للحكم فى الأنتخابات القادمة سواء تشريعية او رئاسية ...... و أقاموا دولة الخلافة الأسلامية ...... هل سيقبلون بأنهم يتنحوا عن الحكم اذا لم يفوزوا فى الأنتخابات التالية لصالح اى تيار أخر ؟؟؟؟

الاجابة ببساطة
الاخوان المسلمين نفسهم شالو المرشد السابق مهدي عاكف وانتخبو المرشد الحالي محمد مرسي بسلاسة ويسر
مش ده تداول سلطة ؟؟؟؟؟
وبعدين يبا استاذي سواء اخوان او غيرهم وصلو للسلطة واستبدو بها
خلاص الناس في مصر عرفت الطريق وحاجز الخوف انكسر في 25 يناير .... وميدان التحرير مش بعيد .... وانا اول واحد ح اتظاهر ضدهم لو لم يكونو على قدر المسئولية
...
وبعدين مش معنى ان اسلاميين ايا كانو وصلو لسدة الحكم في مصر تبقى خلافة اسلامية .... ده كلام غير منطقي
وبعدين مافيش دول اسلامية موجوده في الواقع
ايران دي دولة شيعية وليست اسلامية ..... ياريت نخرجها من الموضوع اساسا
السعودية ممكن يطلق عليها دولة اسلامية ... لكن نظامها ملكي .... يعني وراثي
افغانستان .... محتلة والحكم فيها بيتحكم فيه امريكا
الانظمة الجمهورية في الدول الاسلامية ... انظمة دكتاتورية وعلمانية .... وبيخافو من اي شيء اسلامي
الدول الغربية اللي انظمتها بتتداول دي دول لا دينية اساسا ....... يعني دول اوروبا دي ... هل هي دول مسيحية ..... اكيد حضرتك عارف ان ده مش مظبوط .... دي دول علمانية لا علاقة لها بالدين
في العصر الحديث لم تقم اي دولة اسلامية بحق
اما الدول الاسلامية القديمة ايام الفاطميين والعثمانيين ..... ده كان النظام في العالم كله ..... يعني كل الدول كانت دول ملكية او وراثية او دكتاتورية حتى قيام الثورة الفرنسية ....
...
زي ما الزملاء قالوا .... احنا عانينا من الدكتاتورية العلمانية والليبرالية ..... والمصريين نفسهم بطبعهم شعب متدين .... مسلمين ومسيحيين
ولا اعتقد انه يمكن منع التيارات الدينية من الوصول على الاقل لأكثرية غير مطلقة .... لكن ح يكون لهم ثقل سياسي يكاد يكون الاكبر
وده ما يقلقش المسيحين
لو راجعت التاريخ ح تلاقي احسن عصور للمسيحين في مصر ايام الحكم الاسلامي ....لأنه ببساطة بيضمن حقوق اهل الذمة ..... وهو ما لم يفعله الرومان المسيحيين
وده كان سبب تعاطف اهل مصر مع الفتح الاسلامي .... لأنهم قاسو الامرين من الرومان
لكن المشكلة الحالية ان المسيحيين في مصر لا يريدون الاقتناع انهم اقلية ولا يستطيعون فرض رغبتهم واسلوبهم على اغلبية ساحقة من المسلمين
المسلمين مثلا اقلية في دول اوروبا .... ويعيشون هناك قابلين بذلك
ليس معنى ذلك اهدار حقوق الاقليات ..... يجب ان يكون لهم ما يضمن عدم اهدار حقوقهم .... لكن مع الاخذ في الاعتبار انهم اقلية وليسو اغلبية
زي المسلمين اللي في فرنسا وسويسرا .... رغم القوانين التي قيدت حقوقهم في ممارسة عباداتهم .... لكنهم لم يخرجو عن المجتمع وظلو اقلية تطالب بحقوقهم في اطار القانون

-

الموضوع: سؤال ...... هل يؤمن ممثلو التيار الأسلامى بمبدأ تداول السلطة ؟؟؟

LinkBack

أدوات الموضوع

عرض

-

-

-

-

المواضيع المتشابهه

بنك فيصل الأسلامى فقط الى بيقسط بطريقه اسلاميه 100%

هل وضع السيارة فى جراج يؤمن عليها ولا زى ركنها تحت البيت ؟

ما هو افضل زيت يؤمن لزوجة للبومة (عاجل)

الدعوة السلفية ......... و تداول السلطة و الديمقراطية و الاحزاب

حادث الكنيسه سببه تنظيم الجيش الأسلامى + وقفة سلميه يوم الثلاثاء

الكلمات الدلالية لهذا الموضوع

المفضلات

المفضلات

ضوابط المشاركة