شكرا نايل موتورز ... شكرا تكنو وان
في الحقيقة يمكن عندي مشكلة شهيرة اعضاء كتير عارفينها الا وهي اني عملت صيانة العشرين ألف برة التوكيل وحبيت اكمل في الضمان لأن معجبنيش الشغل برا
ولما سألت لقيت اني لازم اعمل الصيانة تاني بس بدون تغيير البوجيهات والفلاتر اللي اتغيرت
اخترت تكنو وان عشان اعمل عنده صيانة العشرين ألف منها نجرب المكان ومنها نستفيد من عرض نايل موتورز هناك -خصم 20% - على المصنعيات
بالفعل روحت هناك وحكيت لمدير المركز على المشكلة قلي انا معنديش مشكلة
بس لابد أتأكد من تركيب الحجات اللي اتركبت سواء الفلاتر او البوجيهات وهتدفع صيانة العشرين كاملة
بيني وبينك زعلت لأن معلوماتي ان صيانة العشرين ألف في غبور قيمتها 270 جنيه
بس قلت مش مشكلة أمرنا لله
تفاجأت ان صيانة العشرين ألف في تكنو وان مصنعيتها 120 جنيه فقط لا غير !
عملت بالفعل صيانة العشرين ألف وكانت تكلفتها 120 جنيه وخدت خصم 20% عليها
وغيرت تيل فرامل أمامي تتكلفته 214 جنيه وخدت عليه خصم 5% دا غير ان اصلا عليه خصم زيادة عن غبور لأنه في غبور عامل 286 جنيه
والحقيقة الناس محترمة جدا واستقبالهم رائع وانت فعلا في مكانك محدش بيضايقك في اي شيء والشغل نضيف جدا
يمكن لو قلتلكم اني لأول مرة احس ان عربيتي مبتطلعش اصوات كان بعد الصيانة دي هتقولوا اني بكدب عليكم لكن فعلا ظبطوا العربية صح
فشكرا نايل موتورز على انك عرفتنا على المكان الرائع دا ... وشكرا تكنو وان على روعة الأداء والخدمة الرائعة