محتار بين جين2 و بيرسونا و صنى ولانسر 1300

**roma_romio2000** · 09-05-2011 07:50 PM

مساء الخير عليكم

ياجماعه حد يقولى ايهما افضل جين2 ولا بيرسونا ولا صنى ولا لانسر 1300

انا محتار جدا وعاوز اجيب حاجه تكون ثابته جدا على الطريق وكمان انا عاوزها تكون اقصها 90000

**BlackEagle1985** · 09-05-2011 08:37 PM

هو حضرتك تقصد مستعمل مش كده ؟؟؟

**tamerosman** · 09-05-2011 08:51 PM

ال 3 ثباتهم معقول ان سقت الثلاثة و ركبتهم فى سفر كتير

اللانسر قطع غيار رخيصة و صيانة سهلة بس عفشتها بتقطم الظهر ان بسافر بيها اسكندرية القاهرة كل اسبوع - عفشة اللانسر سيئة جدا جدا

الصنى تقفيل مصر - لو بتاعت بلدها تبقى عربية محترمة بس شكلهل ممل جدا و بقاله من 2004 و نفس الكلام ينطبق على شكل اللانسر البومة

اكثرهم ثبات هى الجن تو و اجملهم شكلا و اقواهم اداء

لو عايز عربية تمتعك فى السواقة يبقى الجين

عربية عائلية يبقى الصنى

قطع غيار رخيصة و صيانة سهلة يبقى البومة

**BlackEagle1985** · 09-05-2011 08:57 PM

انا كنت بسال مستعمل ولا لأ
لاني اللانسر الزيرو معدية ال 100 و الصني بدايتها حاجة و تسعيين و حضرتك طالب تكون اقصاها 90

**mido_soliman** · 09-05-2011 08:58 PM

ابعد عن الانسر ال 1300 عربية بطة وبطيئة ومملة وتختلف اختلاف جذرى عن ال 1600 من حيث قوة الموتور
الصنى عربيية محترمة لكن شكلها بالنسبالى سىء لابعد الحدود دة غير انها من جوة كلاسيك اوى اوى وتحس انها موديل قديم جدا تسعينات
موتور وتسارع ممتاز وتقفيل مصرى محدش اشتكى منة من ملاكها
طبعا الجين2 والبرسونا تكسب الخيارات اللى فوق وممكن يتجابوا زيروا مانوال كمان ويبقى الاختيار الارجح لواحدة منهم اكيد وان كنت ارشح الاليجانس الجديدة وبالتوفيق

**hosini2000** · 09-05-2011 11:27 PM

معلش يا جماعة انا دخلت الموضوع لان عندي السؤال..واجا 2010 و لا بيرسونا 2011

انا مهندس و عندي 3 اطفال فهل البيرسونا توسعهم و لا الواجا احسن..علما اني معايا نوبيرا دلوقتي و وسعها كويس..فهل الواجا بنفس الاتساع ؟
ثانيا فطع الغيار للواجا اخبارها ايه.. و هل فرق قطع الغيار يعوض ال 9000 جنيه فرق في السعر ؟
ثالثا (لا قدر الله) سعر اعادة البيع في البيرسونا و الجين بيتحسن ..طيب و الواجا اخبارها ايه ؟
يعني بصراحة لما التوكيل يقوللي عندي 7-8 عربيات ماتباعتش من السنة اللي فاتت فده يديني مؤشر انها مش مرغوبة في السوق..فهل ظني صحيح؟
متشكر جدا مقدما للإفادة
و ربنا يكرمكم ما تتاخروش عليا..انا بصدد الشراء و الفلوس غالية عليا قوي الايام دي..ربنا يفكها على مصر يا رب

**mido_soliman** · 09-05-2011 11:46 PM

المشاركة الأصلية كتبت بواسطة hosini2000

معلش يا جماعة انا دخلت الموضوع لان عندي السؤال..واجا 2010 و لا بيرسونا 2011

بيرسونا وانت مغمض وعلى ضمانتى

انا مهندس و عندي 3 اطفال فهل البيرسونا توسعهم و لا الواجا احسن..علما اني معايا نوبيرا دلوقتي و وسعها كويس..فهل الواجا بنفس الاتساع ؟

الواجا وسع النوبيرا مع الفارق الكبير فى الفخامة الداخلية للواجا

ثانيا فطع الغيار للواجا اخبارها ايه.. و هل فرق قطع الغيار يعوض ال 9000 جنيه فرق في السعر ؟

البرسونا افضــــــــــــــــــــــ ـــــــــــــــل من غير كلام خصوصا وفرق الفلوس يستاهل

ثالثا (لا قدر الله) سعر اعادة البيع في البيرسونا و الجين بيتحسن ..طيب و الواجا اخبارها ايه ؟

البرسونا والجين سعر اعادة بيعهم افضل من الواجا بكتير

يعني بصراحة لما التوكيل يقوللي عندي 7-8 عربيات ماتباعتش من السنة اللي فاتت فده يديني مؤشر انها مش مرغوبة في السوق..فهل ظني صحيح؟

السوق المصرى مش مقياس خالص للحكم على العربية ولكن كلامك مظبوط

متشكر جدا مقدما للإفادة
و ربنا يكرمكم ما تتاخروش عليا..انا بصدد الشراء و الفلوس غالية عليا قوي الايام دي..ربنا يفكها على مصر يا رب

برسونا وبـــــــــــــــــــــــ ـــس

**roma_romio2000** · 10-05-2011 12:07 AM

المشاركة الأصلية كتبت بواسطة tamerosman

ال 3 ثباتهم معقول ان سقت الثلاثة و ركبتهم فى سفر كتير

اللانسر قطع غيار رخيصة و صيانة سهلة بس عفشتها بتقطم الظهر ان بسافر بيها اسكندرية القاهرة كل اسبوع - عفشة اللانسر سيئة جدا جدا

الصنى تقفيل مصر - لو بتاعت بلدها تبقى عربية محترمة بس شكلهل ممل جدا و بقاله من 2004 و نفس الكلام ينطبق على شكل اللانسر البومة

اكثرهم ثبات هى الجن تو و اجملهم شكلا و اقواهم اداء

لو عايز عربية تمتعك فى السواقة يبقى الجين

عربية عائلية يبقى الصنى

قطع غيار رخيصة و صيانة سهلة يبقى البومة

بصراحه انا الجين2 عجبانى جدا جدا بس انا كنت فى عز العرب انهارده وكنت محتار بينها وبين البيرسونا خصوصا ان الجين 2 حاسيس انها ضيقه من ناحيه الكنبه لما رجعت كرسى السائق شويه وكمان والدى قلقنى منهم الاثنين.

من الاخر انا عاوز عربيه 1600 سى سى و ميرايات كهرباء و تكيف جامد و فرامل abs - ebd وايرباج وطبعا والاهم الثبات يكون عالى جدا جدا وطبعا تكون موفره فى البنزين و فوانيس شبوره.

وايهما افضل جين2 ولا بيرسونا.

**jisso82** · 10-05-2011 05:48 PM

أنا بفضل البرسونا طبعا و عن تجربة و هقول تانى كلمتى الشهيرة لو رجع بيا الزمن و كان معايا 200000 زيادة كنت برده هشتريها و أزود عليها دلوقتى كنت هجيب الإليجانس الأوتو الهاى لاين

**tamerosman** · 10-05-2011 10:11 PM

الجين شكلها سبور و مميز عن البرسونا
ر
طبعا برسونا اليجانس شكلها شيك بس الجين 2 اكثر تميزا كشكل عن اى عاربية تانية فى السوق و تعتبر فئة بذاتها ( سبورت سيدان)

طبعا برسونا اليجانس تعتبر شكل جديد و مريايتها اكبر ( مرايات الجين صغيرة و تحتاج تعود)

انا كنت محتار بين جين 2 و برسونا اليجانس بس كان نفسى اركب عربية سبور و ده طبعل صعب المنال فى مصر علشان اى عربية سبور مش هتقل عن مليون جنيه نفسى و بالتالى اتجهت للجين و طبعا السبيويلر و سحبتها من وراء قمة الرياضية