فية اللينك دة بة معلومات كثيرة
http://www.saaid.net/Doat/ahdal/115.htm
عرض للطباعة
فية اللينك دة بة معلومات كثيرة
http://www.saaid.net/Doat/ahdal/115.htm
:)
و عشان كده ذكرت الملحوظة دى فى ردى السابق
و للعلم حد الردة كان مطبق فى العهد القديم فقط .. أى قبل مجىء السيد المسيح.اقتباس:
ملحوظة: مناقشتى هذه بالمقارنة بفكرى الليبرالى فقط و ليس بعقيدتى ... وجب ذكر ذلك منعاً لسوء الظن.
و وجود حد ردة فى المسيحية أصلاً مشكلتين فى بعض ... مشكلة لتطبيق الحرية الدينية المطلوبة من السلفيين بالنسبة لكاميليا و عبير .. لأن كده هيبقى من حق المسيحيين تطبيقها عليهم ... و مشكلة لتطبيق الحرية الدينية بمفهومها اللى ذكرته فى ردى السابق.
لكن أنا هنا لا أقارن زى ما قلت لحضرتك.
بص يا مينا
لو واحد مش عاوز يظل على دين معين سواء اسلام او مسيحية
يبقى مش ح ينفع اننا نبقيه على دينة بالعافية
لو واحد مسلم واعلن انه ح يبقى مسيحي .... يتفضل مع السلامة ....
لأنه ببساطة حتى لو ارغمته على العدول عن رأية باي اسلوب .... سواء ترغيب او ترهيب .... ح يبقى معتنق دين هو مش مؤمن بيه
العبرة مش بالعدد
العبرة بالايمان
....
انا ليا اصدقاء كتيييير مسيحين وابحبهم واحترمهم واقدرهم وانت واحد منهم
من اللي شفناه على مدار الايام الماضية
انا باقولك بقناعة .... ولو انت عندك اعتراض ياريت توضحه
انا لا انكر ان المسلمين اخطأو بلجوئهم لمحاولة حل الامر عرفيا وان كانو فعلوا ذلك بدون نية اعتداء
لكن تعالى للجانب الآخر
هل وجود اسلحة لدي الكنيسة شيء مقبول .... سواء في الكنيسة او في المباني التابعة لها او في بورسعيد زي ما سمعت في الفيديوهات ؟؟؟؟؟
هل اختطاف الكنيسة لمواطنين شيء مقبول ..... سواء كانو مسيحيين او مسلمين ؟؟؟؟
يعني حضرتك تقبل ان الكنيسة تختطفك وتحبسك فيها لأي سبب من الاسباب ؟؟؟؟ هل هذه هي تعليمات المسيح عليه السلام ..... الذي بعثه الله رحمة منه .... هل هذه هي روح التسامح التي نادى به سيدنا عيسى عليه الصلاة والسلام ؟؟؟؟
هل لما رأس الكنيسة يرفض تطبيق القانون على الكنيسة ده صح ؟؟؟
ولو رفض انه ينصاع للقانون ..... المفروض انا اعمل ايه كمسلم ...... آخد حقي بدراعي وتبقى غابة
هل يصح ان ينادي بعض المسيحين بتدخل اجنبي في مصر لحمايتهم ؟؟؟؟
ردا على سؤالك بوضوح انا عن نفسي لن اتمسك بمسلم تخلى عن دينه ...... يروح مطرح ماهو عاوز .... ح اكون حزين عليه ....لكن مش ح اخطفه عشان يرجع عن قراره
....
من شاء فليؤمن ومن شاء فليكفر ... زي اللآية دي ما بتقول ...... والحساب عند الله مش عند البشر
وَقُلِ الْحَقُّ مِنْ رَبِّكُمْ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ إِنَّا أَعْتَدْنَا لِلظَّالِمِينَ نَارًا أَحَاطَ بِهِمْ سُرَادِقُهَا وَإِنْ يَسْتَغِيثُوا يُغَاثُوا بِمَاءٍ كَالْمُهْلِ يَشْوِي الْوُجُوهَ بِئْسَ الشَّرَابُ وَسَاءَتْ مُرْتَفَقًا
للأسف يا مينا .... وانا باقول للاسف
مع تقديري لجميع زملائي واصدقائي المسيحين
العديد من القيادات المسيحية ........ القيادات وليس المسيحين عامة
العديد منهم ليس على قدر المسئولية التي استئمنهم رعاياهم عليها
ليسو حريصين على امن المسيحين في مصر .... ليسو حريصين على وحدة البلد
احنا كان عندنا شجاعة وكثير من المسلمين نادو بتغيير قيادات الازهر بعد الثورة
ياريت تعملو نفس الشيء ....
واضح جدا للعيان مدى العلاقة التي كانت ومازالت تربط هذه القيادات بالقيادات السابقة في مصر .... مبارك واعوانه
لا تنظر للامور بالعاطفة الدينية فقط ..... انظر للاحداث ... واحكم بعقلك مش بعاطفتك ... ح تشوف حاجات مختلفة
مرحبا اخى العزيز انا معاك فى بعض ما قلته ولست معك فى البعض الاخر وهو الاتى
1- لايوجد اى اسلحة فى اى كنيسة او مبنى تابع لها ومن حق النيابة تفتش جميع الكنائس ولاديرة والمبانى التابعة لها وموافقون على تطبيق القانون اذا ظهر خلاف ذلك اما بعض المسيحيين العاديين وبعيدا عن الكنائس زى باقى المواطنين المصريين لديهم اسلحة مرخصه ومعظم الشعب المصرى اشترى اسلحة بعد الثورة لمواجهة الانفلات الامنى وهذا ليس له علاقه بالكنيسة لاننا نؤمن بأن الله هو الذى يحمى وليس البشر او السلاح
2- حضرتك ذكرت ان الكنيسة خطفت احب اقولك ان عبير ذكرت ان اللى خطفها اهلها وناسها ودول ناس صعايدة وبنتهم قاعدة عند واحد مش جوزها وزواجها الاول ما زال قائما انت لو مكانهم وصعيدى قفل تعمل ايه ورغم ذلك ان اسجل اعتراضى على هذا الفعل
3- الكنيسة رفضت تطبيق حكم المحكمة لان الحكم يلزم الكنيسة بأن تسمح لشخص بالزواج مرة اخرة رغم ان زواجه الاول مازال قائم مما يعنى انه سيصبح متزوج من زوجتين وطبعا الشريعة المسيحية لا تسمح بتعدد الزوجات وسوف اعطى حضرتك مثال لو كانت مصر دوله عدد المسيحيين فيها اغلبية هل يجوز ان يصدر حكم يلزم المسلمين بعدم الزواج سوى زوجه واحدة فقط رغم ان شريعتهم تسمح بذلك طبعا انت كمسلم لا تقبل ذلك لان الزواج والطلاق امر دينى بحت واللى مش عاجبه احكام دينه يشوفله طائفه اخرى او دين تانى صح ولا غلط
3 - فعلا نادى البعض بالحمايه الاجنبيه وده قمة الخطأ لان زى ما قلت الحامى ربنا لكن هم وجهة نظرهم ضغط الدول الاجنبية على الحكومة المصرية لمحاكمة المسئول عن التطرف وليس تركه وسأنه كما حدث فى كنيسة صول مع مراعاة ان دى تانى كنيسة تتحرق بسبب التراخى فى حل المشكله طبعا انا لا ابرر قيامهم بما فعلوه لكن صدقنى دول عقولهم ذهبت بهم الى ذلك العمل لكن باقى المسيحيين يريدون ان تحل المشكله بأيدى المصريين جميعا دون اى تدخل الذى سوف يضر المسيحيين قبل المسلمين
مسلم ومسيحى ايد ولحدة
مصر ستظل في امن الله ورعايته لأنها مهد الاديان وكنانة الله في ارضه
والله الذي نصرنا على التتار وعلى اليهود وعلى حسني مبارك .... ان شاء الله ح يحفظ مصر من كل الفتن
لكن لازم نتعلم من اللي حصل واللي بيحصل
يا عزيزي دي مش اول مرة لا آخر مرة ناس ح يدخلوا الاسلام .... الموضوع ده موضوع يومي ومتكرر في مشيخة الازهر ... اذا كان الاعلام لا يتداول ذلك فده مراعاة لمشار المسيحيين ولعدم اثارة اي فتن .... لكنه موجود رسميا وموثق ..... مش معقول كل ما يحصل حاجة زي دي القيامة تقوم ..... لازم يبقى فيه آلية قانونية لهذا الامر
[youtube]http://www.youtube.com/watch?v=GWI6P9fX_0Y&feature=related[/youtube]
الحرية الدينية بممارسة شعائر الدين ايا كان .. و التحول من دين لاخر بعيدا عن الاسلام ..لكن الاسلام له احكام ...
و بالمناسبة هرجع تاني لكون الاحكام ديه في دولة اسلامية ..يعني ده حكم من احكام كتييييير لازم تكون موجودة
مش ده بس ... يعني مفيش فقير ..مفيش مظلوم ...و انا مش بحلم ...حصلت في سنتين بس في عصر ما و ما كانوش لاقيين حد ياخد الفلوس ....
و تاني مش اللي يرتد يموت تاني يوم ... فيه فرصة للردجوع و ياخد فرصته و براحته خالص ياخد احسن معاملة يايرجع يا يطبق عليه القانون ...و طبعا ده المجاهر كمان ...
اما حكاية ان غير المسلم لا يحترم هدف الدولة فده مش موجود ..لانه ببساطة ما بيطلعش يقول حاجة معارضة
للاسلام في العلن بغرض الطعن فيه و التشكيك فيه ..مش مسموح اصلا ...ده اولا ...
حكاية المسلم الاصلي حاسس انه اتخدع و فيه حاجة احسن ...عشان يدخل الجنة في الاخر ...يؤمن باللي هوه عايزه بس ما يقولش ... لانه المفترض اننا بنتكلم عن واحد ساب الاسلاب و اقتنع يدبن تاني هيدخله الجنة ..خلاص يستحمل و ممكن يسافر و يعيش مع اقرانه من اصحاب هويته الجديدة ....
لان المسلم لو مكانه هيعمل نفس الكلام .. لانه مقتنع ....
انا شايف الموضوع بسيط و منطقي و مش فيه ظلم لاي حد صراحة ...