شيفرولية افيو اوتوماتيك

**etsh1413202** · 09-05-2011 09:14 PM

بسم الله الرحمن الرحيم

كنت عايز اسأل على الافيو الاوتوماتيك.... اخبارها ايه مع الناس الى مجرباها
يعنى الفتيس عامل ايه والتسارع بتاع العربيه ..... الثبات

استحمال الغ\عفشه مع مراعاه ان ظروف شغلى صعبه ..... طرق غير ممهده كتير ومسافات كبيره كل يوم مش اقل من 200 كيلو

**mhmdalsaadany** · 09-05-2011 09:20 PM

حضرتك كدا متهيئلي عايز جيب اقل واجب هههههههههههههه
اعلا بيك يا فندم في القسم وان شاء الله ملاك العربيه يفيدوا حضرتك
بس هو مبدئيا الثبات والعفشه والاعتماديه مش هتفرق من مانيوال او اوتوماتيك

**eng_sherif_00** · 12-05-2011 12:30 PM

المشكلة ان الاتوماتيك تقفيل مصرى

**aymanmaly** · 12-05-2011 01:19 PM

للاسف معرفش حد راكبها اتوماتيك
بس هو فية افيو اتوماتيك :-)))
من قال لا اعلم فقد افتى
بالتوفيق فى القرار السليم

**joe_techno** · 12-05-2011 02:06 PM

هو انا بصراحة معرفش ايه نظام الافيو الاوتوماتيك بس انا معايا المانيوال و الثبات معقول جدا لحد 140 بعد كده منصحكش و لو زي ما حضرتك بتقول كده طرق غير ممهده الافيو مش هتنفع مع حضرتك خالص لاني عفشتها ناشفة جدا و هتعزبك
و بالتوفيق في الاختيار

**memo823000** · 12-05-2011 02:58 PM

هما نوعين ملهومش تالت
يالانسر بومة استعمال نظيف اتوماتيك
يالوجان مانيوال زيرو (وعلى فكره انا سوقتها ماشاء الله فتيسها ناعم جدا جدا وتكييف تلالالالالالالالالاجه بمعنى الكلمه ماشاء الله
دول يعتبرو افضل عربيتين من ناحية كل حاجه
ولونى افضل اللوجان لان بجد عفشتها ماشاء الله قويه وعالية وناعمة ومش ناشفه لانها معمولة للطرق المصرية مخصوص وتوكيلها ممتاز وسعرها حنين جدا حوالى 68 الف لانها ضمن الاتفاقيه
4 زجاج كهرباء
كاسيت سى دى
فوج لايت
كمبيوتر رحلات
1600 سى سى
كوتش رومانى مقاس 185/65/15 يعنى البروفايل على 65 يعنى مفيش احساس بخشونة الطريق وكمان ثبات

لاكن الافيو الاتوماتيك تقفيل مصرى بكوتش صينى مقاس 14 ناشف وسىء جدا واحساس بخشونة الطريق متنفعكش خالص لاعفشه ولاثبات ولا اداء قوى ولا استحمال وتكيفها تعبان مش قوى ولا حاجه ومحتاج تربط عفشه كل 5000 كيلو والزوايا مشمظبوطه وارتفاع فى الار بى ام وسقسقه وتخبيط على السرعات (لانها مع كذا واحد صاحبى ومخنوقين منها جدا لاكن مفيش ملهمش حيله)

الله المستعان

**Ahmed_Ezz** · 12-05-2011 05:08 PM

انا اللى سمعته من ملاكها صحابى شباب يعنى بيفركوها انها حلوة معاهم و التقفيل مصرى بس نضيف انا ركبتها و سقتها كام مرة و بجد عجبتى جدااااااااا و ده راى و الله اعلم و ربنا معاك ان شاء الله

**mohamedibk** · 20-05-2011 10:42 PM

اكنر من ممتازة انا لسه من حوالى اسبوعين شارى العربية مستعملة 2008 بسم الله ما شاء الله الاوتوماتيك اكثر من ممتاز
فى حين انا كنت ناوى على زيروو لانوس مانول
ولكن الاوتوماتيك عملى بالنسبة لى جداً ومطلوب فى زحمة اليوم
فاانا بئولك ان الافيو من العربيات الجميلة جدا وعملية جداً ومشاكها بسيطة جداً زى اى عربية
واوتوماتيكها حيعجبك اوى
مافيهوش اى مشاكل او عيوب تزعل