المشاركة الأصلية كتبت بواسطة aymanmaly
و عليكم السلام و رحمة الله و بركاتة
انا مركب فى سيارتى الاوبترا مكن رفع للاربع ابواب و شغال على ريموت العربية
و مش بتحتاج جهاز انزار
دة واحد اما مش فاهم اما عايز يبيع وخلاص
يستحسن تبعد عنة مع احترامى الكامل لاسم المحل الى حضرتك ذكرتة
نيجى لانواع مكن الرفع
فية نوعين من مكن الرفع
الوع الاول بيرفع كل زجاج على حدي يعنى زجاج ولما يخلص يرفع الثانى و هاكذا
النوع الثانى بيرفع الاربع ابواب مع بعض
فية ناس بتفضل النوع الاول علشان مايحملش على كهرباء السيارة
اما عن نفسي فانا مركب النوع الثانى
طيب نيجى للسعر
كل 2 باب بيشتغل بجهاز واحد و ثمن الجهاز الواحد حوالى 50 ج
طيب لو عايز تركب للاربع ابواب ؟
هاتركب جهازين و التكلفة حوالى 100ج
و السعر دة شامل التركيب
بس تبقى تراضى الفنى ب 10ج
طيب اية احسن نوع ؟
فى مكن الرفع مافيش ماركات معروفة
حاول تجيب الكورى
طيب هاتجيب منين ؟
اما شارع دمشق مصر الجديدة او التوفيقية وسط البلد بس انصح بشارع دمشق
و بالتوفيق فى القرار السليم