الموضوع: الجزء التاني من اهم موضوعات الكروز....

يا استاذة سوزان

احنا كدة بردو موصلناش لحاجة........يعني هي المشكلة دلوقتي كلها ان احنا بنمدح في العربية ديه.....!!!!

ده احنا وصلنا لدرجة اننا بنقول لحضرتك حتعملي ايه مع منصور ؟؟ عشان تاخدي حقك و احنا حنساعدك عشان تاخدي حقك عشان احنا في مننا اللي حصلتله مشاكل و في الاخر خد تعويض من منصور

حضرتك بتردي علي جزئية ليه محطناش موضوع( الكروز بتبطل ) و سيبتي الجزئية الاهم و هي طلبي ليكي انك تعملي موضوع مفصل باللي حصل مع رفع اي اوامر شغل او اي مستندات و الخطوات اللي حضرتك ماشية بيها لحد دلوقتي ...عشان ننصحك تتحركي ازاي عشان لينا تجارب كتير مع التوكيل..
لكن لو حضرتك قولتيلي انك لسة معملتيش حاجة و ماشية بالعربية كدة و خلاص .....و كل اللي بتعمليه هو الذم في العربية ديه......يبقي معلش ديه كدة تبقي غلطتك و مش غلطة منصور ولا العربية

احنا مقولناش ان احنا مش مصدقينك ...ولا حندافع علي العربية ولا منصور......هو ايه مصلحتنا من الدفاع عن العربية او منصور ؟؟؟!!!!

حاجة اخيرة .....حضرتك بتقولي اللي ساكت عن الحق شيطان اخرس...........يا فندم هو احنا بنجيب تقارير من برة ولا بنقول كلام اعلانات....يا فندم المواضيع اللي بنعملها ديه اصحاب العربية اللي بيعملوها ...يعني تجارب شخصية..........في المنتدي دلوقتي اكتر من 30 او 40 عضو معاه الكروز و محدش قال حاجة وحشة عنها....مفيش غير استاذ فتحي و ده كان في 2009 وكمان حضرتك..... بس الفرق ان استاذ فتحي شارك المنتدي في مشكلته......لكن حضرتك مش عايزة تشاركينا في حاجة ....و عايزانا في الاخر نعمل مواضيع عشان نشتم في الكروووز ........!!!!!

يا فندم.....احنا اللي عايزينه ان احنا نفيد الناس ..و نساعدهم اما ييجوا يشتروا عربية...و نساعدهم لو حصلتلهم مشكلة.......و احنا من اول ما حضرتك اشتركتي في نايل موتورز و احنا بنعرض عليكي المساعدة..........بس بدون جدوي منك للأسف........مش عارف ليه ؟؟!!

المشاركة الأصلية كتبت بواسطة salome

واضح جدا ان حضرتكو مبتعرفوش تدفعو عن الحق زي ما بتعرفو تدفعو عن الكروز بدليل ان اللي يحب يعمل تقرير موضوعي عن حاجه لازم يقول مميزتها وكمان يقول عيوبها لو كانت عيوبها دي قليله مع انها مش قليله وعيوب كمان خطيره وبتهيالي ان اعضاء الشيفروليه كلهم يعرفو كويس اد ايه الناس اللي اشتكت ومش محتاجه تكون المواضيع منتهيه زي ما دكتور فوزي بيقول
مع ان فيه كتير مواضيع منتهيه زي موضوع الكروز بتبطل اللي عمله استاذ محمد فتحي وانتهي بانه عمل حادثه بسبب العيب اللي موجود فعربيات كتير ومنها عربيتي والراجل باع العربيه خرده بتهيالي دا موضوع كان اتفتح واتقفل في المنتدي علي العموم انا خلاص فهمت يا جماعه ان حضرتكو مبتحبوش الاراء اللي بتختلف مع ارائكو وبتهللو بس للناس اللي بتعمل دعايه للعربيه
بس بفكركو ان الساكت عن الحق شيطان اخرس متبئوش عارفين انها عربيه ممكن تموت اللي ركبها وتفضلو تقولو دا عيب فردي
امريكا سحبت الاف العربيات علشان شخص واحد عمل حادثه بالعربيه
لنا الله

المشاركة الأصلية كتبت بواسطة salome

في حاجه اخيره انا قلت ان العربيات اللي انا اعرفها بس ست عربيات فيها العيب دا
مش معني كده ان دي كل العربيات اللي فيها مشكله
اعتقد ان توكيل شفروليه بس هوا اللي يقدر يعرف عدد العربيات اللي رحتله بالشكوي دي وكون اني اعرف سته اعتقد ان العدد ممكن يكون بالمئات علي اقل تقدير

لو حضرتك قريتى أغلب مواضيع القسم كويس ، حتعرفى إننا موضوعيين جداً فى سرد مميزات وعيوب أى عربيه ، وموضوع الكروز المانيوال بالنسبه لينا فى القسم عضوين بس إشتكوا منه ( حضرتك وأستاذ فتحى ) .

ولو حضرتك قريتى المواضيع المثبته حتلاقى جواها مواضيع عن مشاكل برضه مش عن مميزات بس .

ولو متابعه مواضيع النصح بالكروز كويس ، حتلاقينا بنرشح الأوتوماتيك منها مش المانيوال .

وإحنا مش محتاجين ( نهلل ) للدعايه زى ما حضرتك وصفتينا ، لإننا مش بنقبض من منصور .

وأغلب التعليقات بتبقى للردود الهجوميه اللى مش مستحبه ، وأكيد حضرتك فاكره موضوع ( popeto ) ، وياما ناس كان عندها مشاكل فى أوبترا أو أفيو أو سبارك حتى وكنا واقفين معاهم وبنجبلهم الحل لغاية عندهم .

وأستاذ أيمن ( منسق القسم ) كان عرض على حضرتك المساعده وإنتى تجاهلتى هذه المساعده ، لإنه نفسه كان عنده مشكله فى الأوبترا ومسكتش لغاية ما جاب حقه من التوكيل ، ومع ذلك كان موضوعى جداً فى سرده لمشكلته ومرجعش يشتم فى العربيه أو التوكيل .

وعايز أفكر حضرتك ، إنك كنتى بتفكرى قبل كده ترجعى المانيوال وتاخدى عربيه كروز أوتوماتيك وتدفعى الفرق ، وده مش معناه إن الكروز عربيه واحشه ، ده معناه إن المشكله اللى فى عربيتك المانيوال هى السبب مش كل الكروز .

بس أنا عندى سؤال ... لو حضرتك شايفه إن الكروز اللى معاكى ممكن تموت اللى راكبها يبقى ليه لسه راكباها لغاية دلوقتى ؟!!

وإذا كانت مشكلتك مع منصور يبقى تاخدى حقك من منصور ، مش مننا إحنا ، مع إننا مستعدين كل الإستعداد إن لو فى إيدينا أى مساعده ليكى حنتقدم بيها ومش حنبخل ، لأننا هنا بنتعامل بروح المحبه والصداقه بدون أى إستفادات أو مصالح شخصيه .

وبالتوفيق ، ويا ريت تكون وجهة نظرنا وصلتلك .

المشاركة الأصلية كتبت بواسطة salome

دكتور فوزي
اولا شكرا رد حضرتك
العفو يا فندم انا تحت امرك
ثانيا انا مش عاوزه منكم انكو تزمو ولا تشكرو فالعربيه انا كل اللي عاوزاه ان لما حد يكتب اهم مواضيع عن الكروز يكتب الكويس ويكتب كمان العيوب علشان دا ممكن يكون سبب في ان حد يشتري العربيه او ميشتريهاش
والله يا فندم احنا كنا ممكن نحط موضوع الاستاذ فتحي.....و لكن احنا ملقيناش حد تاني كتب في المنتدي انه حصله المشكلة ديه غير حضرتك...غير ان استاذ اشرف قال انه غالبا المشكلة ديه في حوالي 3 عربيات في مصر اللي كانوا في الدفعة الاولي 2009.....فا مينفعش احذر و اخوف ناس من حاجة فردية......خصوصا ان الحاجة ديه خطيرة...و في نفس الوقت كل الناس اللي معاها 2010 و 2011 محدش اشتكي....!!
اما اني قلت الساكت عن الحق شيطان اخرس فانا قصدي ان كل الناس اللي فنتدي شيفروليه عارف كويس اوي اد ايه فيه ناس اشتكت منها
اقسملك بالله منعرفش حد غير استاذ اشرف و حضرتك
ولما صاحب الموضوع كتب بس المميزات محدش حاول يقول زي ما فيه مميزات برده فيه عيوب لان الموضوع كان اسمه اهم الموضوعات عن الكروز مكنش اهم مميزات الكروز
اما بخصوص اانكو تساعدوني اعمل ايه اظن انا تجربتي مع المنتدي خلتني اخد قرار اني معتمدش علي حد وبتهيالي حضرتك فاكر ايه اللي حصل لما رفعت امر شغل بتاع عربيتي علي المنتدي
ايوة يا فندم فاكر ....و موضوع حضرتك باظ ساعتها لأن كان فيه عضو غير محترم هو اللي بوظ الموضوع...و اكيد حضرتك فاكرة ان احنا عرضنا عليكي المساعدة في الموضوع قبل ما العضو ده دخل و بوظ الموضوع بعدم احترامه لأي شخص
انا كل اللي حصلي من مشاركتي معاكم الهجوم عليا ومعتقدش ان فيه حاجه اكتر ممكن كده ممكن تقدموهالي مع احترامي لكل الاعضاء
والله يا فندم انا مش عارف اقول لحضرتك ايه ؟؟ بس حضرتك لو قلبتي في مواضيع القسم حتلاقينا كلنا بنساعد بعض...طبعا حضرتك لكي كامل الحرية.....و بردو لو حضرتك احتاجتي مساعدة كلنا مش حنتأخر
و نصيحة اخيرة : متتنازليش عن حقك ...و اوعي توصلي لمرحلة يأس مهما كان.......الصبر ثم الصبر و هما اللي في الاخر حيزهقوا عشان سمعتهم و حتاخدي حقك منهم....بالتوفيق ان شاء الله