عايز مساعدتكم يا رجالة في تسعير عربية هوندا اكورد 91 اوتوماتك فول اوبشن حالة نظيفة جدا؟ بكاااااااااااام سعرها في الوقت الحالي؟؟؟؟؟؟؟؟؟
عرض للطباعة
عايز مساعدتكم يا رجالة في تسعير عربية هوندا اكورد 91 اوتوماتك فول اوبشن حالة نظيفة جدا؟ بكاااااااااااام سعرها في الوقت الحالي؟؟؟؟؟؟؟؟؟
تعمل في حدود من 45 الى 50 ألف جنية
نصيحة لحضرتك بلاش تبيعها لانك مش هتلاقى زيها تانى العربية ممتازة ماشاء الله وفيها اوبشنز عصرية كتير
ربنا يكرمك فى بيعها
ولو أنه خساره بجد
العربيه دى ماشاء الله عليها
تمام كدة زى ماقال محمد نبيل
وفية واحد فى المنتدى بردة عايز يشترى واحدة ممكن تعرضها علية
تعرفوا يا جماعة انا اشتريت هوندا اكورد لية ؟؟؟؟
اولا لان في ناس نصحوني بيها بشدة خصوصا الموديل دة بالذات
ثانيا لاني كنت عايز عربية اوتوماتك وتكييف ثلاجة وباور وثابتة علي السرعات وعفشة حلوة وسعر معقول
فسبحان الله اتجمعت كل المميزات دي فيها ودخلت دماغي بقوة
عربية ثباتها عاااااالي جدا جدا جدا ما شاء الله علي السرعات العالية والمنحيات تحفة بجد
قوة ماتور ما شاء الله
تكييف تلاجة بجد
عفشتها ممتازة جدا
لكن مشكلتي الوحيدة معاها الا وهو البنزين لان انا بمشي كل يوم تقريبا من 100 الي 150 كيلو وهيا طبعا 2000 سي سي وبالتالي بتصرف معايا كتير بنزين
بالحق انا اشترتها ب50 الف بالحق واول ما جبتها جبتلها شوية حاجات وصلت 52 الف
دي كل القصة يا جماعة
اية رايكوا يا هونداوية بقي ابيعها ولا لا؟؟؟؟
انا بصراحة رأييى لو المشكلة بتقتصر على البنزين بس متبيعهاش واحتفظ بيها وحاول تشوف حل لمشكلة البنزين عن طريق متخصصين فى محركات الهوندا لكن البيع بسبب مشكلة واحدة ممكن تتعالج قدام المميزات الكتير دى كلها اللى صعب تلاقى زيها اعتقد يبقى خسارة بس ربنا يوفقك للخير