الموضوع: الحمد لله غيرت علبة الشكمان وعلبة البيئة

ألف مبروك ياباشا علي العلبة الخلفية وعلي حشو علبة البيئة انا من حوالي شهر فضيت علبة البيئه بردة لما اتسدت بس النصاب ولا المغفل مش عارف مقاليش ان انا ممكن احشيها حاجة وبعدين سمعت موضوع الحشو ده وطبعا الصوت ايه حكايه وبعدين كان نفسي اعرف الحكاية دي تتكلفلها كام عموما انت شجعتني كدة ان انا أعملها وابقي عاف الحدود علشان ما يدحكش عليا شكرا

المشاركة الأصلية كتبت بواسطة cars sniper

10000 مبروك عالعلبة وربنا يبارك فيها ويحميه من المطبات اللذيذة بتاعتنا
انا بردو لسة من اسبوع مغير علبة الشكمان الخلفية بعد صوت التربو اللى زاد اوى لدرجة انه يخليك تتهز هههههه والحمد لله من يوم ماغيرتها معنتش باحك فى مطبات سبحان الله مع انها اوطى من الاولانية

انا كانى كنت ماشى منغير شكمان اصلا فكان عندى الصوت بيهز الجسم فعلا
وربنا يحميهيا من المطبات

بالنسبة للسعر فمن عند توكيل ابو اليزيد كانت العلبة المصرى ب200 جنيه وكان ممكن ينزلهالى لغاية 180 ودى كانت شكلها حديد ومدهون رصاصى
لكن جبت السعودى ب 230 جنيه وماحولتش افاصل بصراحة ودى خامتها احسن ..مش مدهونة لكن متجلفنة و صاجها اقوى

لما روحت بقى لبتاع الشكمان اكدلى ان علب الشكمان بتاع النوبيرا 1 مختلفة عن ال 2
وورانى دى ودى فعلا فى اختلاف
وبتاع ال 1 مش تصنيع ابو اليزيد وعليها علامة الدايو

وبالنسبة للمنافولد وبما ان حضرتك نوبيرا وان زى حالاتى فأكيد مسامير المنافولد هاتكون شكل النجمة وعيبها انك مش هاتعرف تشوف شكلها من غطا الكبوت ودى الغلطة اللى انا عملتها وفكيتها بمفك صليبة لغاية مابريت الراس ودلوقتى مركبه بمسمار واحد...وغير كدة فيه حتة جلدة على شكل حلقة ممكن لما تشيل المنافولد تكون لازقة فى مكانها وتقع على الارض فياريت حضرتك متنسهاش وتتأكد انها فى ايد حضرتك عشان ماتضيعش لانها رفيعة وصغيرة
والحكاية سهلة جدا وبسيطة وان شاء الله مش هتواجه اى مشاكل

انت تقصد انى افك المنافولد نفسة

المشاركة الأصلية كتبت بواسطة zakar0tta

ألف مبروك ياباشا علي العلبة الخلفية وعلي حشو علبة البيئة انا من حوالي شهر فضيت علبة البيئه بردة لما اتسدت بس النصاب ولا المغفل مش عارف مقاليش ان انا ممكن احشيها حاجة وبعدين سمعت موضوع الحشو ده وطبعا الصوت ايه حكايه وبعدين كان نفسي اعرف الحكاية دي تتكلفلها كام عموما انت شجعتني كدة ان انا أعملها وابقي عاف الحدود علشان ما يدحكش عليا شكرا

والله نفس اللى حصل معايا
بعد ما جبنا العربية بفتر بدا يكون كان فى خبط ورزع تحت
والدى خدها وراح عملها
ومن ساعتها وصوت عالى وخشن

الله يبارك فيك واى حاجة تانى انا تحت امرك

المشاركة الأصلية كتبت بواسطة alynubira

هو فعلا الفيوم فيها صنايعيه كويسين ممكن تقولنا فين فى الفيوم
ومعلش مين اشطر ميكانيكيه فى الفيوم
جزاكم الله خيرا

تعالى وانا اوديك عند المكانيكى اللى معاملة
وهو ممتاز جدا وعنده ضمير فى الشغل
هم اثنين اخوة ابو هشام وايمن

المشاركة الأصلية كتبت بواسطة mahmoudysf

مبروك عليك العلبة الجديدة

الله يبارك فيك