الموضوع: بفكر اشترى النترا الشكل الجديد اتوماتيك ارجو المساعده من خبراء النترا

هتلاقيهم لسه نايمين ....
اتقل شوية وهتلاقي الردود اللي نشفي غليلك ما تستعجلش

المشاركة الأصلية كتبت بواسطة احمد المصرى

السلام عليكم


انا حاليا معايا نيسان صنى وكنت بفكر انى اغير واجيب النترا 2007 او 2008 الشكل الجديد واتوماتيك بس عرفت من واحد صحبى ان النترا فيها اكتر من فئه عايز اعرف اذاى افرق بينهم


ثانيا :- انتم ايه رايكم فى الانترا يعنى الصالون واسع ومريح ولا صغير ومتعب قطع الغيار رخيصه ولا غاليه ثبات العربيه كويس ولا مش تمام فرامل العربيه كويسه ولا ضعيفه يعنى عايز نصضيحه منكم وانا عارف انكم مش هتتاخروا عليا


ثالثا:- لو عربيه النترا الشكل الجديد 2008 مثلا واتوماتيك ونظيفه تقريبا سعرها يكون كام بمعنى لو معايا 75 الف مثلا ممكن اجيب بيهم اى فئه من الانترا وتكون تقريبا موديل كام وحالتها ايه


والف شكر يا شباب

بص يا باشا الالنتر ثبات جامد +صالون واسع+ عزل صوت وحراري رائع+تجميع رهيب

بس عيبها حاجه واحده وهي عيب الكوري عموما

فراملها بتزحف زحف بغباء

+قطع الغيار الاصليه غاليه بالنسبه للكوري

يعني مثلا طقم الدبرياج(بليه+اسطوانه + ديسك) ب1171جنيه

ماستر دبرياج سفلي ب جنيه450

كارتيره عجل شمال ب172 جنيه

كل ده عند مستر غبور

انا بقول لحضرتك اللي غيرته في عربيه صاحبي بنفسي مش سالته

ولك حريه الاختيار

وتقبل تحياتي

المشاركة الأصلية كتبت بواسطة hany_roland

بس اعتقد قطع الغيار كتير برة التوكيل وأرخص من غبور بكتير ومرطرطة في التوفيقية تحديدا عند الاخلاص في مول التوفيقية ومحل تاني جنبه
وربنا ان شاء الله يكرمك ويكرمني بواحدة كويسة

انا بتكلم علي الاصلي يا باشا

ما انا لقيت طقم دبرياج تصنيع بير السلم ب 500 جنيه

ماستر دبرياج سفلي تحت بير السلم 125 جنيه

المشاركة الأصلية كتبت بواسطة احمد المصرى

معلش مش قادر احدد فراملها بتزحف اذاى يعنى تقصضد ضعيفه ولا مش هتسعفك فى اى حاجه حصلت فاجئه ولو قرناها مثلا بفرامل النيسان صنى مين يكون احسن

انا الصراحه ما سوقتش النيسان

بس مشكله الالنترا مع كبس الفرامل الجامد بتروح تفضل تزحف علي الارض نتيجه ان الاربع فرد بيكلبشو في
الارض

لكن هي لمستها في الفرامل قويه

مجر ما تلمس الدواسه تكفي لقدام

لكن مشكلتها الازليه الزحف