السلام عليكم يا أحلى أعضاء
محدش يعرف مرور مدينة نصر بقى عامل إزاى بعد الثوره علشان أنا ميعاد الفحص جه من يوم 3-5 وأنا لسه مروحتش
هل لسه مهندسين الفحص بياخدوا رشاوى ؟؟
عرض للطباعة
السلام عليكم يا أحلى أعضاء
محدش يعرف مرور مدينة نصر بقى عامل إزاى بعد الثوره علشان أنا ميعاد الفحص جه من يوم 3-5 وأنا لسه مروحتش
هل لسه مهندسين الفحص بياخدوا رشاوى ؟؟
مرور مصر الجديده عادي جدا و عموما موضوع الرشاوي ده اتكل علي الله و روح رخص مافيش اي جديد
المفروض انت ما تديش .
وكل ورقك لازم يخلص مادام سليم .
والله اللي اقدر اقولهولك انهم زي ما هم في كل حته بس بايدك انك ما تديلوش
يعني انا مثلا رحت ارخص وافحص والمهندس والست جننوني علشان عايزين فلوس
http://www.nilemotors.net/Nile/211115-a.html
بس انا كنت باااارد وحرقت دمهم
انا كنت في مرور بين السرايات من يومين (يوم السبت)
عايز اقولك انه زحمة بطريقة لا تتخيله وخصوصا وانت بتحاول تتطلع شهادة المخالفات لدرجة اني مشيت وماعملتش حاجة
عادى انا روحت رخصت ومدفعتش جنيه رشوه والموضوع كله اخد ساعتين
اهم حاجه انك تكون عندك نيه انك متدفعش
والله مرور السويس بقى زى الفل ماخدش مننا ربع ساعه كنا مجددين رخصة العربية وماشيين مخلصين
طيب وايه اخبار مرور بولاق والجزيرة ؟
اعتقد ان المرور اتغير
انا روحت مرور مدينة نصر عملت شهادة مخالفات لعربيتي تمهيدا اني هجدد ان شاء الله ومدفعتش غير الخمسة جنيه بتاعة الخدمة وخدت بيها ايصال كمان
ووالدي لما راح يجدد رخصته الخاصة في مرور شبرا الخيمة مخدش فيه غير نص ساعة تقريبا وفيه سرعة في الخدمات حاليا افضل بكتير من زمان
الحمد لله رخصت بس أخدت وقت بس كلهههههههههم عاوزين فلوس بس انا ايه حرقتلهم دمهم لدرجة ان فى ناس كنت بعاملها بالربع جنيه الراجل كان عاوز يموتنى بس كان فى واحد كده فى شباك التجديد قعد يقولى ها فيييين فييييين
روحت راجع لورا وبكلمه من بعيد علشان أسمع الناس راح كش وقالى طيب استنى بره والرخصه هاتجيلك
لازم ياجماعة كلنا نتحد في موضوع عدم دفع الرشوة ده مهما حصل
لأن المفروض الناس دي اللي بتقبل السحت علي نفسها من بعد الثورة قلت الفلوس اللي كانوا بينهبوها مننا بدرجة كبيرة ولازم تتمنع خالص علشان يتعودوا علي كده لأنهم من طول المدة اللي كانو بيلهفوا الفلوس دي إعتبروها جزء لا يتجزء من دخلهم الشهري وظلموا معاهم كل الشرفاء اللي بيتعففوا عن ذلك واصبحت صفة ملازمة لكل من يعمل بالمرور أنه طالب رشوة
ولازم نسارع بالإبلاغ فورا عن أي حالة نلاحظ فيها محاولاة استغلال للحصول علي الرشوة دي
وربنا ينظف بلدنا من كل الفاسدين المفسدين
طيب أنا لو حد وقفلى الدنيا فى المرور بسبب الرشوة اروح اشتكى لمين ؟
مجدد الرخصة من اسبوعين مدفعتش جنية واحد و الامور طبيعية جدا و لم اصادف اى مشكلة و خلصت بسرعة
الحمد لله روحت جددت رخصة العربية النهاردة فى مرور الجزيرة المرور مكانش فيه ضغط عليه والموظفين كانوا بينجزوا ومتعاونين جدا وخلصت التجديد فى حوالى ساعة