إضافات البنزين!!

**A.Saad** · 11-05-2011 11:05 AM

المادة دى بتتحط اثناء التموين
يعنى تمون شوية وتحطها وتكمل
واعملها واهلك التفويلة علشان ما تقعدش فى العربية كتير

**samirsaid1** · 16-05-2011 05:18 PM

طيب نوع اية الكويس عن تجربتكم الشخصية

انا حد من الزملاء نصحنى بـ max44

بس مالقيتوش الاقيه فين او ايه البديل من خلال تجربتكم

وشكرا

**basemsaeed** · 19-05-2011 01:32 AM

يا جماعة انا سألت واحد صاحبي شغال في مصر للبترول على الحكاية دي
و حذرني من استخدام الاضافات دي الا بعد الرجوع للمهندس في التوكيل اللي بيكون فاهم الماتور كويس و اجزاءه
لان الاضافات دي فيها مواد ممكن تأثر على الماتور و طبعا من ماتور لماتور تفرق
و برده من اضافات لاضافات تفرق
فخلي بالكم و اسألوا مهندس احسن و خليه يشوف العبوة لانها عليها المكونات و المواد اللي فيها قبل ما تحطوا
و يقولكوا هل مناسبة للماتور بتاعكم ولا لا

اللهم بلغت اللهم فاشهد

**mario_9111** · 22-05-2011 11:20 PM

انا بستعملها علشان انا بمون 80 بس كل فترة 6 شهور تقريبا

**HANZALA** · 31-05-2011 02:53 PM

السلام عليكم
عزيزي migos لي تعليق على التوقيع لأن الاية في سورة الذاريات رقم 21 تقول " وفي انفسكم أفلا تبصرون " فبرجاء التصحيح
مع الشكر

**auto5truck** · 31-05-2011 03:43 PM

المشاركة الأصلية كتبت بواسطة dr_ahmedrady

يعنى ايه اضافات البنزين؟؟

هو حتى البنزين بقى فيه اضافت
ناقص كمان يطلعلنا بنزين بودرة

البنزين بالطبيعة بيكون فية أضافات و هى اللى بتحدد درجة الأوكتان بتاع البنزين المعروفة بالدرجات 80 - 90 - 92 - 95

المشاركة الأصلية كتبت بواسطة aymanmaly

قصد حضرتك
اضافة البنزين الخاصة بتنظيف دورة البنزين ؟

ما فيش حاجة أسمها منظف لدورة البنزين لأن البنزين فى حد ذاتة منظف و مذيب عضوى و أى حاجة غير عضوية لابد من تنظيفها بطريفة ميكانيكية يعنى تتفك و تتنفخ بهواء مضغوط مثلا

و هنا أحب أقوللكم أن المواد الموجودة فى البنزينات هى عبارة عن بضعة أضافات زيادة عن الموجود فعلاً فى البنزين بتقوم بأسراع الأشعال مما يزيد من قدرة المحرك بشكل طفيف و ده اللى بيدى أنطباع لدى السائق بأن الدورة سلكت أصل الموتور فاق و لكن هو كل اللى عملة أنه أنة زودلة شوية مواد تحسن خواصة و هى عامة ليست مضرة كما يوهم البعض و خصوصاً فى التوكيلات و لكنها للأمانة الشديدة مصاريف زيادة يعنى وجودها مش بيوفر فى أستهلاك البنزين نهائيا فمعنى كده أنك بتدفع تمن البنزين و تمنها فى أن واحد بدون أستفادة فعلية.

**zeznia** · 31-05-2011 09:27 PM

ياجماعه شركة موبيل بتنتج النوع ده من الاضافات
وهو كويس وانا بستخدمه فعلا وبيجيب نتيجه ايجابيه
بس زي ما العمده ماقال كل 40000 كلم فقط
وعلي تفويله كامله
واعتقد انها مش مصاريف وبس بل انه من الضروري استخدمها حسب التعليماااااااااات
تحياتي

**aymanmaly** · 01-06-2011 12:15 AM

المشاركة الأصلية كتبت بواسطة auto5truck

البنزين بالطبيعة بيكون فية أضافات و هى اللى بتحدد درجة الأوكتان بتاع البنزين المعروفة بالدرجات 80 - 90 - 92 - 95

ما فيش حاجة أسمها منظف لدورة البنزين لأن البنزين فى حد ذاتة منظف و مذيب عضوى و أى حاجة غير عضوية لابد من تنظيفها بطريفة ميكانيكية يعنى تتفك و تتنفخ بهواء مضغوط مثلا

و هنا أحب أقوللكم أن المواد الموجودة فى البنزينات هى عبارة عن بضعة أضافات زيادة عن الموجود فعلاً فى البنزين بتقوم بأسراع الأشعال مما يزيد من قدرة المحرك بشكل طفيف و ده اللى بيدى أنطباع لدى السائق بأن الدورة سلكت أصل الموتور فاق و لكن هو كل اللى عملة أنه أنة زودلة شوية مواد تحسن خواصة و هى عامة ليست مضرة كما يوهم البعض و خصوصاً فى التوكيلات و لكنها للأمانة الشديدة مصاريف زيادة يعنى وجودها مش بيوفر فى أستهلاك البنزين نهائيا فمعنى كده أنك بتدفع تمن البنزين و تمنها فى أن واحد بدون أستفادة فعلية.

معلش ارجوا ان حضرتك تسمحلى بالاختلاف معاك لان البنزين فى مصر مشكلة كبيرة
حضرتك انا بنظف فلتر البنزين كل 5000 كم وطبعا بينزل مواد سوداء و طبعا الفلتر بيحجز جذء و ليس كل و بالتالى بيتسرب جذء منها الى التانك لانة المخزن بتاع البنزين و بالتالى المواسير ثم الرشاشات
و بالتوفيق