شكرا Jeans Car وشكرا ا/كريم منير

بسم الله الرحمن الرحيم

بعد لف وقراية كتير ومقارنة اسعار وجودة شغل.قررت والحمد لله اننى لازم اغير الكسوة اللى كنت عاملها واللى كان الغرض منها حماية الفرش الفابريقة وللاسف زى ما هتشوفوا فى الصور انها ولا حمت ولا غيره وبل بالعكس دمرت الكنبة والكراسى.

رحت ل Jeans Car بعد ما شفت الشغل الرائع اللى عملوه الاعضاء هنا ومع انه مش رخيص ولكن بحسبة كدة اننى بوظت فرش وحشو كرسى فابريقة فى سنة اودام اننى عملت فرش جلد هيحافظ على الكراسى والاهم الراحة اللى حاسس بيها دلوقتى وانا سايق وضهرى مش متنى ولا رجلى واجعانى.

اتفقت مع ا/ عبد الفتاح لما روحت المحل وعلى فكرة هما 3 اخوات ماسكين المحل وربنا يباركلهم.التلاتة ذوق جدا وخدومين جدا وفعلا تحس انك بتتخدم من ناس مش غرضها البيع وخلاص.

اتفقنا على السعر والخامة وتفاصيل الخياطة وكان التركيب النهاردة الساعة 1 روحت وفى ظرف ربع ساعة كان الكراسى والكنبة مفكوكين وبدا العامل فى تظبيط الارضية.

الصور : (قولوا ما شاء الله) :16:

ده شكل الكسوة القديمة : ولاحظوا التقفيل التعبان اللى كذا مرة روحت للركبه عشان يظبطه ولا فائدة :

http://img171.imageshack.us/img171/819/oldw.jpg

وده بعد ما العامل شال الكراسى وبدا يقص الجلد:

http://img690.imageshack.us/img690/2940/emptys.jpg

وديه الفضيحة اللى عملها اللى ركب الكسوة فى الكنبة وللعلم انا تقريبا مفيش حد عندى بيستخدم الكنبة :

http://img38.imageshack.us/img38/8596/sofabad.jpg

http://img703.imageshack.us/img703/35/badie.jpg

http://img862.imageshack.us/img862/4806/img0290qj.jpg

وهنا قرروا فى Jeans car انهم لازم يفكوا الفرش الفابريقة ويرجع يحشى الكنبة تانى وتتظبط عشان الجلد يتشد عليها كويس.

وده شكل الكنبة بعد ما اتشدت واتركب عليها الجلد :

http://img534.imageshack.us/img534/8205/newsofa.jpg

وركب بقية الشغل وهنا كانت المفاجاة بالنسبة ليا اننى حاسس اننى راكب عربية جديدة ومرتاح وحاسس اننى عالى على الكرسى غير الكسوة اللى كنت تقريبا يوميا بعدل وضع الكرسى عشان ارتاح .

http://img96.imageshack.us/img96/3681/interiorsi.jpg

http://img594.imageshack.us/img594/1028/newbm.jpg

http://img685.imageshack.us/img685/4253/img0307u.jpg

وهنا بقى الطارة الجديدة الهدية وهى مش جلد زى الكراسى ولكنها جاهزة من العلبة وعلى فكرة انا متفقتش على شغل الهاند بريك ولكن الحاج احمد مدير المحل قال للعامل يعملى واحدة وطلعت زى ما انتوا شايفين فى الصور .

http://img840.imageshack.us/img840/5...ringwheelf.jpg

التركيب اخد حوالى 4 ساعات ونص وطول الوقت وانا قاعد عندهم والناس مبتبطلش تضحك فى وشك ولازم تشرب حاجة ولما تخلص الحاجة كل اخ فيهم يسالك ها شربت حاجة .

الحاج احمد مش بتاع مكتب .بمعنى انه عينيه على الصنايعى وهو شغال ويقول ملاحظاته ويقيم الشغل للصنايعى قبل ما حتى افكر اقوله على اى حاجة.

للى حابب يعرف انا كنت عامل الكسوة او التلبيسة عند Spare Car اللى فى امتداد رمسيس

واخيرا

مشكورين طاقم Jeans Car وشكر خاص للاستاذ كريم منير اللى كل الناس فى المحل هناك بيشكروا فيه.

ولو محتاجين اى تفاصيل او اسئلة يا جماعة اسئلوا بس.

ماشاء الله تبارك الله
ربنا يباركلك ويباركلهم

اتكلف كام ياعزيزي؟؟


تحياتي

الله يباركلك واتكلف 1600 بس خد بالك ان السعر ده بعد تخفيض نايل موتورز وتخفيض شخصى من اصحاب المحل واللى الاتفاق كان الاتى :

الفرش - الطارة-الارضية-الشنطة واتضاف عليه الهاند بريك.

والاسعار لحاجة كويسة بالنسبة للفرش من اول 900 لحد 1200 وده من غير الخياطة الدوبل اللى عملته.

وبالنسبة للارضية من اول 250 لحد 450 وبرده حسب جودة الجلد.

اقتباس:

---

المشاركة الأصلية كتبت بواسطة emo_ayman

الله يباركلك واتكلف 1600 بس خد بالك ان السعر ده بعد تخفيض نايل موتورز وتخفيض شخصى من اصحاب المحل واللى الاتفاق كان الاتى :

الفرش - الطارة-الارضية-الشنطة واتضاف عليه الهاند بريك.

والاسعار لحاجة كويسة بالنسبة للفرش من اول 900 لحد 1200 وده من غير الخياطة الدوبل اللى عملته.

وبالنسبة للارضية من اول 250 لحد 450 وبرده حسب جودة الجلد.

---

انا عارف ان اسعارهم اعلى بكتير من غيرهم لكن كمان متأكد ان شغلهم محدش بيعمل زيه اطلاقا ماشاء الله عليهم وفعلا لا يقارن بحد

بحب الناس اللي تشتغل وتتقن شغلها ما شاء الله مهما كلف...

ابقى قولنا اخبار الجلد في عز الظهر ايه؟؟؟
لاني بفكر جديا في تغيير الفرش لجلد....



وألف مبروك مره تانيه..

تحياتي

انا معايا اسكودا اوكتافيا a5 وهيه نازلة الكراسى جلد بس ايه موضوع ان الارضية تبقى جلد ده طيب والجلد ده هيستحمل وممكن صورة للارضية عند حضرتك ولو تقولى فين عنوانهم

اقتباس:

---

المشاركة الأصلية كتبت بواسطة hm414

انا عارف ان اسعارهم اعلى بكتير من غيرهم لكن كمان متأكد ان شغلهم محدش بيعمل زيه اطلاقا ماشاء الله عليهم وفعلا لا يقارن بحد

بحب الناس اللي تشتغل وتتقن شغلها ما شاء الله مهما كلف...

ابقى قولنا اخبار الجلد في عز الظهر ايه؟؟؟
لاني بفكر جديا في تغيير الفرش لجلد....



وألف مبروك مره تانيه..

تحياتي

---

بص يا عزيزى انا كنت عامل حسابى على حاجة زى كدة.وانه ممكن يسخن العربية فى الحر وعشان كدة عملت معظمه بيج ولو لقيت العملية صعبة جدا هحط عراقة على الكرسى.

وهجرب فى عز الضهر وهقولك حاضر.

وربنا يباركلك ومشكور لذوقك.

اقتباس:

---

المشاركة الأصلية كتبت بواسطة samoreception

انا معايا اسكودا اوكتافيا a5 وهيه نازلة الكراسى جلد بس ايه موضوع ان الارضية تبقى جلد ده طيب والجلد ده هيستحمل وممكن صورة للارضية عند حضرتك ولو تقولى فين عنوانهم

---

الجلد فيه منه 3 درجات عندهم وانا اخترت اتقلهم وبالطبع اغلاهم وكان هاممنى انها تستحمل.

انا زهقت من الموكيت وتنضيفه وريحته لو وقعت حاجة فى العربية وكل كام يوم انضف بالهوفر فى البنزينة.مع الجلد هى فوطة مندية وامسحها هتبقى تمام.

الصورة هصورها لما انزل حاضر.

تعرف مدينة نصر كويس ولا تعرف حاجات معينة عشان اوصفلك من عندها ؟

اعرف عباس العقاد وسيتى استارز

وده طبعا بيبقى جلد طبيعى

اقتباس:

---

المشاركة الأصلية كتبت بواسطة samoreception

اعرف عباس العقاد وسيتى استارز

---

حلو اوى.اخر عباس العقاد فيه كالتكس-اجبارى يمين هتمشى علطول لحد ما تقابل محطة شل على يمينك وبعدها حى مدينة نصر وهتوصل هنا لميدان خش يمين هتلاقى بنزينة شل تانية خش من بعده يمين وهتلاقى تقاطع -عدى التقاطع هتلاقى المنياوى بتاع بطاريات وكاوتش وبعده سوبر ماركت صغير -Jeans Car هو المحل اللى بعد السوبر الماركت.

اقتباس:

---

المشاركة الأصلية كتبت بواسطة samoreception

وده طبعا بيبقى جلد طبيعى

---

جلد المانى ومش متاكد انه 100% طبيعى ولاننى مدخن فكنت مهتم انه ميتلسعش لو وقعت عليه سيجارة او طافية وده اللى جربته بعم ما مشيت من عندهم وجربهولى الاستاذ عبد الفتاح قبل ما اشترى.

الف شكررررر يا استاذ ايمن

اقتباس:

---

المشاركة الأصلية كتبت بواسطة samoreception

الف شكررررر يا استاذ ايمن

---

لا شكر على واجب يا افندم ومشكور لذوقك.

تقرير رائع و الف مبروك
:)

اقتباس:

---

المشاركة الأصلية كتبت بواسطة tlrsiap

تقرير رائع و الف مبروك
:)

---

مشكور يا افندم على ذوقك.

وده صور شكل الارضية الجلد :

http://img703.imageshack.us/img703/4029/floorside1.jpg
ومعلش ملحقتش امسح الارضية من علامات الدواسة عليها

http://img852.imageshack.us/img852/1929/floorfront.jpg

بسم الله ماشاء الله, شغل عالي قوي.
ربنا يباركلك فيه

اقتباس:

---

المشاركة الأصلية كتبت بواسطة mahmoud_afifi

بسم الله ماشاء الله, شغل عالي قوي.
ربنا يباركلك فيه

---

ربنا يخليك يا افندم ومشكور لذوقك.

الف مبروك للفرش الجلد شيك جدا ربنا يباركلك

اقتباس:

---

المشاركة الأصلية كتبت بواسطة chicobon

الف مبروك للفرش الجلد شيك جدا ربنا يباركلك

---

الله يخليك يا افندم ومشكور لذوقك.

اقتباس:

---

المشاركة الأصلية كتبت بواسطة hm414

ابقى قولنا اخبار الجلد في عز الظهر ايه؟؟؟

---

بما ان النهاردة الجو حر والشمس قوية فكان ده احسن اختبار للفرش .

ركنت العربية ساعة تقريبا وروحت عملت كام مشوار ورجعت لقيت الكرسى بتاعى متشمس تمام تمام.قلت بس الفرن اشتغل :oops1:

اول ما فتحت الباب طلع صهد والكرسى حطيت ايدى عليه لقيته سخن ولكن لما قعدت كان دافى :16:.

مش عارف هل السبب انه لونه بيج فمسخنش اوى ولا عشان مطبطن باسفنج . بس الجلد مسخنش للدرحة انك متقدرش تقعد عليه . :16:

الف مبروك ربنا يباركلك مشاء الله شغل جميل جدا

اقتباس:

---

المشاركة الأصلية كتبت بواسطة mishooo77

الف مبروك ربنا يباركلك مشاء الله شغل جميل جدا

---

الله يبارك فيك ومشكور على ذوقك.

بسم الله ما شاء الله, شغل باين ان نضيف و زوقك في اختيار اللون كان موفق الى حد كبير. أنا ان شاء الله ناوي أروح لهم بس بعد مجدد التراخيص .... بس حهرجعلك بعد متكون هرست الفرش على موضوع السخونه عشان انا الحته دي بذات اللي مخوفاني و كمان مش عاوز احط عراقه بعد الفرش :Ka_che1[1]:

وطبعا تقرير ممتاز :16:

اقتباس:

---

المشاركة الأصلية كتبت بواسطة theprofessiona

بسم الله ما شاء الله, شغل باين ان نضيف و زوقك في اختيار اللون كان موفق الى حد كبير. أنا ان شاء الله ناوي أروح لهم بس بعد مجدد التراخيص .... بس حهرجعلك بعد متكون هرست الفرش على موضوع السخونه عشان انا الحته دي بذات اللي مخوفاني و كمان مش عاوز احط عراقه بعد الفرش :ka_che1[1]:

وطبعا تقرير ممتاز :16:

---

ازيك يا عزيزى ايه اخبارك.ركبت الفوجات ولا لسة؟انا بفكر فيهم تانى؟ههههه

مشكور على ردك وذوقك وبالنسبة للون انا كان اودامى اختيارين فى الرسمة واما الالوان كانت كتير فبعد مشاورات لقيت انهم احسن لونين يمشوا مع اللون الداخلى والكحلى الخارجى.

وحاضر هنقع العربية فى الشمس وارجعلك تانى.ههههه

واتفضل يا باشا جرب السخونة بنفسك فى اى يوم تكون معدى جنبى ولا حاجة.

مبروك يا باشا .
سؤال صغير . متعرفش اذا كانوا بيعرفوا يشدوا جلد علي القوايم و التابلوه ولا لأ

الف مبروك
تحفه ما شاء الله

اقتباس:

---

المشاركة الأصلية كتبت بواسطة mohamedhfz

مبروك يا باشا .
سؤال صغير . متعرفش اذا كانوا بيعرفوا يشدوا جلد علي القوايم و التابلوه ولا لأ

---

الله يباركلك.وانا سالت على التابلوه وقالوا انهم مبيعملوش التابلوه ولكن مش متاكد من القوايم وافتكر انهم ممكن يعملوا القوايم لان الجلد اللى فى الارضية مشدود بالفيبر اللى فى الارضية وهما كدة كدة بيفكوا القوايم اللى تحت عشان يشد الارضية بيها.

اقتباس:

---

المشاركة الأصلية كتبت بواسطة miss_mona

الف مبروك
تحفه ما شاء الله

---

الله يبارك فيك ومشكورة لذوقك.

الف مبروك ياباشا وبصراحة تحفة

اقتباس:

---

المشاركة الأصلية كتبت بواسطة ahmedabutaleb

الف مبروك ياباشا وبصراحة تحفة

---

الله يباركلك وعقبالك بامر الله. :)

الف الف مبروك على الكراسي والفرش وربنا يباركلك فيه وعقبال ما تجيب ازيرا
والله هما شغلهم فوق الرائع واخلاقهم وذوقهم حاجة مش طبيعية في الزمن ده
انا بشوف اصحاب محلات كماليات تعبانة حاطين استيكرات ومرايات تدخل تكلمه حاطط رجل على رجل ويكلمك من طرف مناخيرة وحاجة اخر قلة ادب ولا يفقه اي شيئ عن مقابلة العميل والمعاملة

ربنا يباركلهم

اقتباس:

---

المشاركة الأصلية كتبت بواسطة karim_monir

الف الف مبروك على الكراسي والفرش وربنا يباركلك فيه وعقبال ما تجيب ازيرا
والله هما شغلهم فوق الرائع واخلاقهم وذوقهم حاجة مش طبيعية في الزمن ده
انا بشوف اصحاب محلات كماليات تعبانة حاطين استيكرات ومرايات تدخل تكلمه حاطط رجل على رجل ويكلمك من طرف مناخيرة وحاجة اخر قلة ادب ولا يفقه اي شيئ عن مقابلة العميل والمعاملة

ربنا يباركلهم

---

ربنا يباركلك يا استاذ كريم وفعلا اول مرة اقابل ناس فى مصر بيعرفوا يبيعوا صح. :16: