الموضوع: عبير سبب المشكلة

مع احترامى لكل البنى ادميين بالله عليكم المراة اللى اسمها عبير دى من طريقة كلامها وافكارها واضح انها انسانة بسيطة جدا وغير متعلمة ويعنى موضوع اعتناق الاسلام ده بصراحة انا حسيت انها موش قضية حياة او موت بالنسبة لها يعنى ممكن تكون فيه خلفيات اجتماعية وراء الموضوع اصلا زى سوء معاملة جوزها والدنيا اسودت فى وشها فوجدت فى التحول للاسلام مخرج من حياة البؤس والجحيم اللى عايشاه ولكن فى النهاية ان بعض الظن اثم وربنا يهديها ويثبتها ان كانت مخلصة بس السؤال الان
يعنى كان الموضوع يستاهل الفيلم الفاشل ده كله والناس اللى ماتت واصيب من الجانبيين؟
ويعنى الاخوة السلفيين بعد ما سمعوها وشافوا افكارها السطحية دى هل الان مقتنعين انه الموضوع كان يستاهل المظاهرات والشحن الفظيع ده وتحويل الموضوع الى قضية عقيدة ودين وجهاد الى ما غير ذلك وعبير دى اصلا ربما تكون ماعندهاش فكرة عن كل الكلام ده
يا جماعة من الان فصاعدا نفسى بقى نشعر اننا عايشين فى دولة وتحت سيادة القانون واللى عنده مشكله يسيب الحكومة هى اللى تتصرف وتعيد الحقوق لاصحابها حتى ولو فيه تاخير
البلد الان على المحك وتحيط بها الاخطار من كل جانب
وعبير دلوقت خرجت طيب اضافت جديد الان للاسلام والمسلمين؟
اهدوا شوية وارحمونا من قلة العقل هتودوا البلد فى داهية

يعنى أية سلفى !؟ انا غير معترف أساسا ولا بالسلفية ولا بالأخوان المسلمين
أحنا مسلمين "سنه" و مفيش حاجة أسمها أجتهادات و دة مدرسة و دة مدرسة لأن الكلام دة هوا إلى بعد فتره طويله بيخلى فيه سنه و شيعه و فرق تسد

و طبعا موضوع إنها تتخطف مرفوض تماما و المفروض كان يتم أتخاذ أجراء قانونى و أمنى فى أسرع وقت قبل كمان المتظاهرين أو المخربين ماتوصل للكنيسه و كل العاملين بالكنيسه يتحقق معاهم من أول أقل عامل لحد الكبير بتاعهم

موضوع الأخ إلى أسمه ياسين إلى قال أنه جوزها و مطلعش جوزها دة و خلى الناس كلها تولع و دماغها تغلى زى براد الشاى المفروض برضة يتحقق معاه كويس جدا و يتعرف بالظبط أنتماءة لأى طائفة أو لأى حزب و دا الاكيد أنه منتمى لحزب أو جماعة أو تيار و يتحقق معاه و مع إلى سانده و ساعدة فى العمليه دى كلها

بالنسبه لرامبو إلى طلع من البلكونة دة و طلع عنده ترسانه أسلحه من غير تحقيق ولا بتاع المفروض "أعدام رميا بالرصاص" من غير تفكير ولا وجع دماغ و إلى مش عاجبه يبقى أعتراض على سيادة القانون وياخد إلى فيه النصيب

و المفروض أى حد يخرج عن سيادة القانون ياخد بأوسخ جزمة لكن بالقانون مش بالدراع خلوا البلد تنضف بالعقل و بالأصول و المفروض يكون فيه تحرك أسرع من كدة الأجراءات القانونيه و أجراءات الضبط و الأحضار و المداهمات و الكلام دة كله عشان لو عملية خطف حصلت يبقى فيه أستجابه سريعة