حادثة جديدة علي الدائري النهاردة الصبح

**eldell** · 10-05-2011 06:05 PM

سيبكم بقى من الحادثه دلوقتى البحث عن نوع العربيه العربيه ديه نوعها ايه عشان صحبى بيقولى مش صينى وانا بقول صينى حد خبير يفدينا بقى

**mahfouz1983** · 10-05-2011 06:15 PM

أعلنت شركة "هورس موتورز" وكيل سيارات "جاك" الصينية في مصر عن طرح السيارة B-Class الجديدة في السوق المحلية بسعر منافس للغاية.

وذكرت الشركة أن السيارة الجديدة تتميز بوجود محرك "ميتسوبيشي" بسعة تبلغ 1488 سي سي وينتج 104 حصان عند 6000 د.ق يبلغ عزم الدوران 130 نيوتن عند معدل دوران متوسط 4500 د.ق.

وملحق بالمحرك ناقل حركة يدوي من خمسة سرعات تحقق من خلاله السيارة 175كم/ساعة كسرعة قصوى ، كما يساعد على ثباتها في السرعات العالية وجود عجلات رياضية قياسية 16 بوصة.

السيارة متوافرة في طراز وحيد بسعر 69.900 جنيه كاملة لفترة محدودة ، إذ يتوافر بها مرايات وزجاج كهربائي ، ونظام صوتي متكامل يتكون من راديو CD ، وmp3 ، USB بجانب سماعات ونظام تكييف هواء أوتوماتيكي ونظام تدفئة الزجاج الخلفي لإزابة الصقيعو و إمكانية فتح الشنطة وخزان الوقود من الداخل.

سعر منافس سيزيد قريبا

أما من ناحية الأمان ، فتوفر B-Class باقة جيدة للأمان تضم فرامل مزودة بنظام منع الإنغلاق EBD-ABS ووسادة هوائية للسائق ونظام استشعار خلفي للعوائق وعجلة قيادة آلية وأقفال أمان مركزية وأحزمة أمان ثلاثية نقاط التثبيت ، ذلك فضلا عن الدعامات الفولاذية التي تحيط بجسم السيارة.

يذكر أن "هورس موتورز" تقدم سيارتها الجديدة بضمان ثلاث سنوات أو 100.000 كم أيهما أقرب ، وقد فتحت باب الحجز للسيارة على أن يتم تسليم الدفعة الأولى في 15 مارس المقبل حتى أول أبريل 2010 ، وذلك حسب اتصال أجراه ContactCars.com. بمسئولي "هورس موتورز".

**ابو حسين** · 10-05-2011 07:30 PM

ربنا يستر طريقنا جميعا آمين

**dr_abooody** · 10-05-2011 11:35 PM

الحتة دة عند منطقة سما بيعدي فيها ناس كتير دة غير ان الطريق تقريبا فية عيب فني العربيات بتندفع من علية جامد اوي تبقى ماشي 90 فجأة من غير بنزين تلاقيها 130 دة غير ان الطريق بيلف بطريقة خطيرة التريلات بتتقلب انا شوفت تريلة بتتقلب قدامي الطريق مش مظبوط يا ريت كلنا نهدي نمشي 80 في الحتة دة بالذات و نخلى بالنا

**eldell** · 11-05-2011 12:03 AM

المشاركة الأصلية كتبت بواسطة dr_abooody

الحتة دة عند منطقة سما بيعدي فيها ناس كتير دة غير ان الطريق تقريبا فية عيب فني العربيات بتندفع من علية جامد اوي تبقى ماشي 90 فجأة من غير بنزين تلاقيها 130 دة غير ان الطريق بيلف بطريقة خطيرة التريلات بتتقلب انا شوفت تريلة بتتقلب قدامي الطريق مش مظبوط يا ريت كلنا نهدي نمشي 80 في الحتة دة بالذات و نخلى بالنا

+111111111111111111
فعلا الحته ديه نازله شويه لتحت بتديلك دفع جامد للعربيه والملفات بتبقى خطيره والاوحش والاوحش الرمل الى بيبقى على الطريق والله ببقى خايف لحسن العربيه تلف وانا باخد الملفات فربنا يسترها على الجميع

**bassem_sams** · 11-05-2011 12:22 AM

العربيه سوداء نوعها صينى و اسمها جاك b15

**M.Elgergawy** · 11-05-2011 12:26 AM

العربية دي زي ماقولت b class وهي صيني والوكيل بتاعها شركة جاك واول لما نزلت كانت ب 70 الف
عارفين دلوقتي سعرها كام ؟؟؟ 85 الف جنيه يعني زادت 15 الف في سنة
بس بصراحة اللي اشتراها ب 70 الف فلت بيها
لانها عربية ماشاء الله جامدة جدا
وموتورها زي بتاع الميراج الاصلي