ناوى أعمل صيانة للعفشة وعاوز أعرف الخطوات إيه خاصة أنى أول مرة أنزل عفشة وياريت تعرفونى اللى المفروض أعمله
وأسعار جلب المقصات وأجيبها جديدة ولا إستيراد
عرض للطباعة
ناوى أعمل صيانة للعفشة وعاوز أعرف الخطوات إيه خاصة أنى أول مرة أنزل عفشة وياريت تعرفونى اللى المفروض أعمله
وأسعار جلب المقصات وأجيبها جديدة ولا إستيراد
أقولك يا باشا انا بعمل اية
بروح عند واحد او اتنين بتوع ظبط زوايا موثوق فيهم . واقولهم بصولى على العفشة وقولو محتاجة اية
اللى بيقولو علية بنزل سرور فى شنبليون واجيب الحاجة جديد واركب عند العفشجى
هاتسألنى انت مابتروحش عند عفشجى وأسأله لية . لانى ماعرفش غير اتنين واحد رخيص بس بيعمل شغل عليا على الفاضى . والتانى غالى قوى من غير سبب
فانا بجيب الحاجة واقول للاولانى ركب ومالكش دعوة
وهاقولك على اسعار العفشة :
2 بطاحة مساعد 140 جنية
2 جلبة مقص كبيرة 80 جنية
2 جلبة مقص صغيرة 60 جنية
2 طبق مساعد 70 جنية ( ده الطبق اللى بيتربط فية المسمار من فوق عند الكبوت - الصنايعية بيسموة ترابة )
اما المساعدين أمامى نوعهم مونرو جبتهم من مركز بيع لمونرو فى التوفيقية ب 500 جنية بالضمان لمدة عام صناعة اسبانى .
المصنعية من 80 الى 100 جنية
طقم تيل فرامل خلفى 160 ج
وش كوبلن خارجى 40 جنية
مش فاكر البارات والبيض بكام
شكرا يا نجم بس البارات دى ايه ووظيفتها ايه
استنى الاستاذ طنانى يشرحلك كل حاجة فايدتها اية ؟
البارات دى مسئولة عن الاتزان الامامى فى العربية
تمام
بس بقى اللذيذ فى الموضوع تلاقى بتاع عفشة يقفلها صح
من غير ما يعك
لو فى القاهره كنت ظبطت معاك
شكرا يا طنانى باشا وأنا لما أروح لبتاع العفشة هكلمك عشان تفهمه يعمل أيه
ماشى يا باشا
للعلم انت كلمتنى النهارده بس التليفون قطع شحن
و حلف يمين ما هو قايم
انا لسه واصل المكتب عشان طول النهار فى الشارع
و هاحطه لسه على الشحن
أنا كنت بكلمك أطمن على سعادتك لأنى مش هعمل العفشة الأن الوقت معايا قافش
انا اسف يا باشا