شكر خاص جدا للعضو gtx295

**KHALED2010** · 10-05-2011 12:33 PM

ياجماعه احنا معانا هنا عضو نادر جدا جدا انك تلاقى شخص زيه اليومين دول بجد انا مش عارف اقول ايه ولا ايه ......الموضوع بدايته من يوم ما انا عطلت على الصحراوى بتاع الاسكندرية ساعتها الراجل جالى حوالى 180كم فى الطريق ورجعنا بال250 فاير بتاعته وبقى يوميا يجيلى يفضل معايا ونروح نجيب قطه غيار للريس بالعربية او بالريس وبصراحه الراجل مسبنيش خالص ولا يوم وكمان هوا فى اخر سنة فى طب القصر العينى وعنده امتحانات وبصراحه مسابنيش خالص ولا يوم بجد ياجماعه هيا دى الناس ال الواحد يتشرف انه يعرفها بجد ربنا يباركله ويكتر من امثاله يارب وانا من هنا بقوله يا دكتور محمد انا مدين ليك بحياتى بجد وباى حاجة انا امتلكها فى الدنيا دى كلها تحت امرك وبجد ربنا يباركله دكتور محمد ده غير ادبه واخلاقه بجد والله انا مطلعتش من دنيتى دى غير بالراجل ده بجد تحياتى ليك يامحمد اخوك خالد

**gtx295** · 10-05-2011 08:12 PM

العفو ياخالد أنا ماعملتش غير الواجب....وبعدين مفيش حاجة باقية غير العمل الصالح...

+ان أكيد لو أنا عطلت في يوم من الأيام(بعد الشر يعني)أنت هتكون أول واحد هيجيلي^^...

وربنا يباركلك في مكنتك الجديدة ويبعد عنك العين..ويبعدك عن الميكانيكية^^

ملحوظة: احذف ال cbr 400 واكتب 250 عادة

**alfath8** · 10-05-2011 11:17 PM

افعل ما شئت كما تدين تدان
اقسم بالله ان الله لا يضيع اجر من احسن عملا لازم تلاقى نفسك خدمت اخ ليك فى اى موقف كان فيه محتاج لمساعدتك لازم ربنا ييسرك فى شدتك من يفرج الكرب عنك وبشكرالدكتور محمد على وقفته الجميلة واخلاقه الطيبة اللى نادرة طبعا فى الزمن ده

**mahgary** · 10-05-2011 11:26 PM

عارف ياخالد الحياه دى مثل حلقه تفعل اى شى سوف يرد اليك دلوقتى او بعد شويه المهم عريجع لك عريجع لك
انا ساكن فى الهرم يعنى جنب الصحراوى ماشى ياعم خالد
طبعأ بشكر د / محمد على المجهود فى هذا الوقت ربنا يوفقك فى حياتك

**Alandalusi** · 11-05-2011 12:21 AM

الحمد لله علي كل شئ
وكلنا لازم نساعد بعض

**gtx295** · 11-05-2011 12:24 AM

وبشكرالدكتور محمد على وقفته الجميلة واخلاقه الطيبة اللى نادرة طبعا فى الزمن ده

ده بس من زوق حضرتك..وكلنا اخوة ولازم نقف مع بعض في الشدة..

طبعأ بشكر د / محمد على المجهود فى هذا الوقت ربنا يوفقك فى حياتك

جزاك الله كل خير على الدعوة الجميلة ده..وربنا يوفقك ويستر طريقك ان شاء الله .

**KHALED2010** · 11-05-2011 01:56 AM

المشاركة الأصلية كتبت بواسطة gtx295

العفو ياخالد أنا ماعملتش غير الواجب....وبعدين مفيش حاجة باقية غير العمل الصالح..

.

+ان أكيد لو أنا عطلت في يوم من الأيام(بعد الشر يعني

)أنت هتكون أول واحد هيجيلي^^...:copy of m-s5:

وربنا يباركلك في مكنتك الجديدة ويبعد عنك العين.

.ويبعدك عن الميكانيكية:copy of majd(4):^^

ملحوظة: احذف ال cbr 400 واكتب 250 عادة :oc_sun1[1]:

اللهم امين ياحبيبى وان شاء الله ربنا مايجيب اى اعطال لاى حد
ماشي هحذف ال 400 واكتب 250

**SaberMan** · 11-05-2011 03:04 AM

المشاركة الأصلية كتبت بواسطة khaled2010

ياجماعه احنا معانا هنا عضو نادر جدا جدا انك تلاقى شخص زيه اليومين دول بجد انا مش عارف اقول ايه ولا ايه ......الموضوع بدايته من يوم ما انا عطلت على الصحراوى بتاع الاسكندرية ساعتها الراجل جالى حوالى 180كم فى الطريق ورجعنا بال250 فاير بتاعته وبقى يوميا يجيلى يفضل معايا ونروح نجيب قطه غيار للريس بالعربية او بالريس وبصراحه الراجل مسبنيش خالص ولا يوم وكمان هوا فى اخر سنة فى طب القصر العينى وعنده امتحانات وبصراحه مسابنيش خالص ولا يوم بجد ياجماعه هيا دى الناس ال الواحد يتشرف انه يعرفها بجد ربنا يباركله ويكتر من امثاله يارب وانا من هنا بقوله يا دكتور محمد انا مدين ليك بحياتى بجد وباى حاجة انا امتلكها فى الدنيا دى كلها تحت امرك وبجد ربنا يباركله دكتور محمد ده غير ادبه واخلاقه بجد والله انا مطلعتش من دنيتى دى غير بالراجل ده بجد تحياتى ليك يامحمد اخوك خالد

لازم أشكرك يا دكتور على الموقف ده , حاجه فررح لما أشوف الجدعنه دى :b4_611:
من فرج على مؤمن كربة من كرب الدنيا فرج الله عليه كربة من كرب يوم القيامة

أسأل الله العظيم أنك توفق فى الأمتحانات أن شاء الله .