عايز اجيب m11 وبجد محتار فعلا لان الفلوس اللى معايا ماتجيبش اكتر من الرينج ده والاختيارات مش كتير افيدونى افادكم الله
عرض للطباعة
عايز اجيب m11 وبجد محتار فعلا لان الفلوس اللى معايا ماتجيبش اكتر من الرينج ده والاختيارات مش كتير افيدونى افادكم الله
الرينج ده هيبقى قدامك فيه رينو لوجان و بروتون ساجاو ام 11 و بلاش لانوس و فيرنا و كلام ده ده
انا اتحطيت في نفس الحيرة دي من اسبوعين و اخترت الام 11 الحمد لله :d
طبعا في اللي يقدر يفيدك اكتر مني في الاختيار بس انا حبيت اذكر خيارات اخرى و ان شاء الله ربنا يوفقك في اختيارك مهما كان
تسلم يا ابو حميد بس المشكلة لما الواحد يفكر يبيعها تفتكر ليها سوق فى المستعمل ولا لأ؟
نصيحة لوجه الله
ابعد عن الاسبرانزا نهائى
انت مش لاقى الفلوس
ادفع فلوس فى عربية تستاهل وتمانها فيها
انا متشكر جدا لكل الناس اللى اهتمت لانى فعلا عاوز اعرف العيوب والمميزات قبل ما اخد القرار والواضح ان فى ناس مع وناس ضد
لو ناوي تشتري اسبيرانزا ام 11 يبقى المفروض تجيبها على انها هتكمل معاك للآخر ان شاء الله لكن لو ناوي تجيبها و تبيعها بعد فترة سعرها في اعادة البيع هيبقى صعب اوي فبلاش تجيبها لو ناوي تبيع بعد فترة و تغير
العربية ما شاء الله عليها ممتازة بكل ما تحويه كلمة ممتازة من معاني و على فكرة دي تجربتي الشخصية معاها مش كلام ناس ولا واحد صاحبي معاه العربية ولا الكلام ده
بس لو حبيت تشتريها بس اختار المكان عشان في معارض بتستلم العربية و السلام و في معارض بتفحص قبل الاستلام و لو في عيوب يقولوا لا مش عايزينها و اعتقد ان من المعارض دي ابو غالي .. و نفس الكلام في معارض ابو الفتوح عشان المصنع بتاعهم لو في حاجة بيغيروها هما منهم للمصنع مباشر
و اسف للاطالة
تسلم يا حبيبى بس المشكلة انها فعلا اكتر عربية مثيره للجدل انا شخصيا ميال ليها جدا بس الخوف من فكره الصينى فبحاول اجمع اكتر اراء عنها:Copy of majd(4):
ان شاء الله ربنا يوفقك في الاختيار بس اهم حاجة لما تنوي تقدم على خطوة الشراء بقى بغض النظر عن نوع العربية تكون مقتنع بيها 100% و تصلي استخارة و بجد ربنا مش هيجيبلك حاجة وحشة بعد الاستخارة :) و بالتوفيق ان شاء الله
انا كنت فى نفس الحيرة دى من 4 شهور تقريبا و فاضلت بين كل العربيات اللى اتقالت دى و لكن و بعد الاستخارة جبت ال ام 11.. من 3 شهور و الحمد لله العربية معايا ممتازة فكرت فى اللى انا محتاجه و لقيت انها مناسبة لية جدا أولا من حيث الشكل هى أحسن علربية فى السعر ده.. الموتور قوى (1600 سى سى) العفشة و التعليق و الفرامل ممتازة ... التابلوه رائع التكييف حلو جدا.. الحمد لله.. انا بتكلم عن عربيتى و ما ليش دعوة باللى بيرزع فى عربيته و يجى يقزل وحشة و الحمد لله ما قابلتنيش اى مشكلة.. مركز الصيانة ممتاز مش عارف أقول عليها ايه تانى عشان فيها مميزات تانى كتيييير.. و أى استفسار ما عنديش اى مشكلة و ربنا يوفق اللى بيفكر فيها فى الاختيار و القرار
معايا العربية من اسبوعين والحمد لله جميلة باستثناء بعض الملاحظات انا شايف انها بسيطة وهتتحل فى صيانة الالف باذن الله