-
استفسار عن الفلاتر
انا عربيتي الشاهين 1600 سي سي موديل 2006 عامله 36000 ومن ساعة ما جبتها مغيرتش فلتر الهواء بس كان الميكانيكي بينظفه بالهواء اما فلتر البنزين مغيرتهوش خالص والعربية معايا من سنتين
فكنت عايز اعرف تغيير فلتر البنزين مهم ولا استنى لما يحصل فيه حاجه؟؟؟
وهل تغيره هو وفلتر الهواء هيأثر في سحب العربية وعزمها وسرعتها ونعومتها ولا طالما كويسين مغيرش حاجه لان التغيير مش هيفرق؟؟؟
-
ياريت الرد النهرده لاني رايح التوكيل بكرة فممكن اجيب فلتر البنزين والهواء وانا هناك بالمرة
-
أنا عايز اعرف أراءكوا انتو كمان يعنى اللى غير فلتر حس بتغيير ولا لأ ووقت ما غير الفلتر كان بايظ ولا هو غيره في معاده وحسيتوا بفرق ولا لأ؟؟؟
-
انا مركب فلترين بنزين ( الإتنين بعشرة جنيه )ورا بعض فى سكة خرطوم البنزين ..وبغريهم مع غيار الزيت كل 2000كيلو تقريباً
فلتر الهواء ( بعشرة جنيه)..لو غيرته هايفرق جداً فى سحب العربية
وتشعر بالإحتراق الكامل للبنزين ويقلل جداً من الدخان الأسود من الشكمان..بغيره تقريباً كل عشرة الآف كيلو
الكلام ده من تجربتى الشخصية.....وطبعاً فى زملاء بالمنتدى معلوماته أفضل من بكتير
-
2000 كيلو للبنزين و 10 للهوا دا شوية جدااااااااااااااااااااااا اا
بعدين فلترالهوا بيتفك في اي محطة بنزين و يتنضف بالهوا و خلاص و ممكن غيره كل 20 الف و يمشي انما كدا تبذير جامد
-
يعنى تغيير فلتر البنزين طالما كويس ملهوش لزمة اما فلتر الهواء اغيره افضل ولا انفخه بالهوا وخلاص؟؟؟
-
يا جماعة فلتر الهوا بيتغير لما يتقطع جزء فية غير كدة بيتنضف بالهوا لكن البنزين ممكن يتغير كل 20 إلف أو لما تحس بشىء غريب فى العربية فى السحب ويستسحن قبل ما تغيرة تحط عبوة منظف البنزين على تفويلة وبعد كدة تغيرة
-
اشمعنى احط علبة منظف بنزين؟؟؟
طيب انا عندي الشاهين موديل 2006 وعامله حوالي 36000 ومغيرتش حاجه
وحاسس ان العربية مش زي الاول وهي جديده فأغير وخلاص ولا اعمل ايه؟؟؟
-
بص يا باشا فلتر البنزين مش غالى و 36 إلف حلو قوى علية رائى نضف الدورة بالعبوة دية وبعد كدة غيرة وخليك فى المضمون
-
ميرسى لرد حضرتك
وانا فعلا نويت اغيره افضل بدل ما تعلمها في طريق سفر ولا حاجه
Content Relevant URLs by
vBSEO 3.6.0 PL2