للعقلاء فقط - اضراب الاطباء

**Medicalist** · 10-05-2011 07:21 PM

على فكره انا مخلص بقالى سنه وشهرين اساسى المرتب بتاعى 160 جنيه اول ما قبضت قبضت 308 دلوقتى 344 بعد 15 فى الميه وما اعرفش ايه ؟ هل يكفونى بنزين عربيه كل يوم سفر 30 كيلو رايح و 30 كيلو جاى ولا اكل فى النباشتيه ولا حياتى العاديه ولا لبس ولا ايه ؟ ولا تحضير الماجستير ولا ولا ؟
هل يعقل انه الاطباء هيتحطوا فى الفئه التالته فى المرتبات الى هتنزل قريب ؟
على فكره شباب الاطباء راحوا للدكتور عصام شرف وخدوا ميعاد وما قابلهمش وانتظروه من الصبح للبالليل وكرروها تانى و خلى السكرتير يقابلهم يعنى مش فارقين معاه

**Medicalist** · 10-05-2011 07:22 PM

على فكره انا عايز اضيف حاجه برضه اغلب العلاج الى فى المستشفيات منهوب الى هو العلاج المجانى الى احنا شغالين فيه والموضوع ده صعب تسيطر عليه لانها ثقافه شعب
وانتم فاهمين وعارفين

**Medicalist** · 10-05-2011 07:27 PM

ودلوقتي استجابات الحكومة بقت احسن من الاول بكتير وبقى في مرونة

لا يا باشا الحكومه ولا استجابت ولا حاجه وزير الصحه اول ما استلم قالك طبيب التكليف هياخد 1200 و النايب 1500 وبعدين من فتره قالك لا الكلام ده مش هيحصل

ليه مصممين نتعامل بالطريقة القديمة والاعتصامات

لا والاجمل يا اخي
عامل اعتصام في المستشفيات الحكومة
لكن مستشفيات القطاع الخاص ولا يقدر
وتلاقي الدكتور من دول ما شاء الله شغال الصبح في حكومة وعامل إضراب ومنفض للدنيا مريح من الشغل مهو إضراب بقى على هواه وبلليل تلاقيه رايح عيادته الخاصة اللي بياخد من وراها فلوس على مزاجه وكله نشاط وحيوية

منطق غريب جدااااااااااااا

انا قلت لحضرتك هل يستوى ده بده ؟ مش تناقض ولا منطق غريب والله لانه فيه ظلم واقع عليك وانت شغال فى المستشفى المريض عايز منك الكشف والتحاليل والعلاج لكن فى العياده مالوش غير الروشته و يتصرف فى تحاليله بره و دواه

**megamoudy** · 10-05-2011 07:28 PM

اه حاجة قليلة الادب اوي ............ وفي واحد بيفتي ع النت بيقول البدكاترة واكلينها والعه كل شهر بيزيدو 500 جنيه ههههههههههه شوفته الهبل

والمفروض يقللو المرتبات بتاعتهم

واصلا مش كل الطلبات بتاعت فلوس

انا كل مانزل ام الاستقبال ده سوري ف اللفظ ........... بيكون فيه خناقات والدكاترة كفرة ونعد نتشتم ومطلوب مننا نركز

من اسبوع طبيبة امتياز ف استقبال الجامعه اضربت من راجل ها نقول كمان

**نور القمر** · 10-05-2011 07:40 PM

المشكلة مش الاعتصامات او الاضرابات
المشكلة في التوقيت
يعني الحكومة مش ملاحقة والحمل كبير وتقيل
ومفيش حاجة هتتحقق بين يوم وليلة
نزود الاعباء على الحكومة باضرابات فئوية ليه
في الولويات للحكومة

**dr.amr** · 10-05-2011 07:45 PM

المشاركة الأصلية كتبت بواسطة نور القمر

المشكلة مش الاعتصامات او الاضرابات
المشكلة في التوقيت
يعني الحكومة مش ملاحقة والحمل كبير وتقيل
ومفيش حاجة هتتحقق بين يوم وليلة
نزود الاعباء على الحكومة باضرابات فئوية ليه
في الولويات للحكومة

عارفه ليه

علشان برضو عمال النضافه زادو

والممرضات زادو وكل ده في نفس التوقيت

نخيلي لما الممرضه تاخد 1100 جنيه

والدكتور 300 جنيه

**نور القمر** · 10-05-2011 07:52 PM

1100 !! ده بعد الثورة اكيد .. بس عملوا اضرابات بردو ولا جات ازي
طيب كنتم وقفتم معاهم بالمرة في مظاهراتهم
طيب متعرفش تجيبلك وظيفة ممرضة
مصر دي بلد عجيبة
بس بردو مش وقته خالص
يعني الحكومة هتجيب الفلوس دي منين في ظل الكساد الاقتصادي في مصر والبطالة ووقف الحال
مهو مفيش في حل غير طبع فلوس ورق لارضاء الناس
عارف يعني ايه نطبع ورق فلوس بدون غطاء حقيقي ؟

**dr.amr** · 11-05-2011 02:15 AM

المشاركة الأصلية كتبت بواسطة نور القمر

1100 !! ده بعد الثورة اكيد .. بس عملوا اضرابات بردو ولا جات ازي
طيب كنتم وقفتم معاهم بالمرة في مظاهراتهم
طيب متعرفش تجيبلك وظيفة ممرضة

مصر دي بلد عجيبة
بس بردو مش وقته خالص
يعني الحكومة هتجيب الفلوس دي منين في ظل الكساد الاقتصادي في مصر والبطالة ووقف الحال
مهو مفيش في حل غير طبع فلوس ورق لارضاء الناس
عارف يعني ايه نطبع ورق فلوس بدون غطاء حقيقي ؟

أصدر الدكتور منير فخرى عبدالنور، وزير السياحة, قرارا وزاريا بتحديد حد أدنى لأجور المرشدين السياحيين, بلغت قيمته 300 جنيه لليوم و200 جنية لنصف اليوم

**casperinoo** · 11-05-2011 02:52 AM

انا النهارده اضربت من اول مارحت المستشفي لحد اول عيان جيه ...حوالي نص ساعه كده :)
الصراحه مقدرتش وكل الاطباء معانا كده ..
واللهي لو تم تحسين اوضاع الاطباء ...اول ناس هتستفيد هم الناس الغلابه ..
لو فضل الوضع علي ماهو عليه هستقيل واريح دماغي