الموضوع: ياريت الناس تخلى بالها وهيا بتركن فى اى مكان

كلامك صح فعلا وطبعا لا غبار عليه
ربنا يبارك فيك

شكرا على التنبيه والنصيحة

جزاك الله كل خير

كلام ف الجون

كلامك 100 100 الله يجزيك خير

تمااااااااااام

جزاك الله كل خير

حب لاخيك ما تحب لنفسك

كلامك صح انا بتخنق من الحوار ده

كلام مظبوط 100 100

ربنا يبارك فيكم يا جماعه وديما منصورين بأذن الله
وانا سعيد انى شايف ناس قلبها على عربيات غيرها وعامله حساب لربنا
ولغيره
وربنا يقدركم ديما فى نشر الخير

و حتى لو امفيش غير صف تانى اركن بعيد عن العربيات و مكتركنش ورا واحد راكن صف تانى قبلك و سيب رقم تليفونك على حتة ورقه تحت المساحه او على الشماسه من جوه

كلام تمام بارك الله فيك

ضوع مهم جدا بارك الله فيك انا كمان عندى اكصدام باظ من اللى بيريح عليه وهوا بيركن مع انى والله ببقى حريص جدا جدا وانا بركن عشان مخبطش عربية حد لدرجة انى مكتفتش بالسنسور بارك فركبت كاميرا خلفيه كمان ياريت كلنا نكون حريصين على عربيات بعض جزاك الله خيرا مرة اخرى

يا سيدى يكسروا الاكصادم ويجرحوا زى مهما عاوزين لان امرو سهل
بس ميجوش جمب صاج العربيه

والله انا الحوار ده كان منرفزنى جدا جزاك الله كل خير على الموضوع ده عشان كتير انزل الاقى العربيه مخبوطه فحرام بجد

فكرتنى ايام لما كنت بركنها تحت البيت كنت لازم انزل القى فانوس ولا جمب متجرح حتى طاسات العجل متكسره

ياباشا هاتقول لمين بس
هنا في مصر الكل ماشي بمبدأ (صدرها للي يقدرها )
واللي بيقدروا كتير اووي زي بتاع الادا دا :d

طب الواحد يعمل ايه بس يشترى عربيه حديد فى حديد ويمشى يبلطج ولا يركب نقل دبابه ويزنق بالصندوق

لسة شايف واحد معاة مرسيدس القديمة كلها حديد وعايز يركن بين عربيتيين وواضح اوي انها مش هتجيبة وانا ماشي بقول الحمدلله مش انا الي راكنة قدامة ولا وراة .. الله اعلم العربيتيين الي وراة والي قدامة حصل فيها اية وخصوصا كان راجل كبير ..
بستغرب اناا اوي من الناس الي لازم ترجع لحد ما تريح ع العربية الي وراة ودي عادة يعني هو قاصد يريح علشان يعرف انة وصل بعد كدا يعدل ويرجع يريح حاجة الصراحة ........................* خالص !!

الى يديقك اكتر انك بتقول راجل كبير يعنى مش هتقدر تزعق او تعمل حاجه
ولو جيت اتكلمت تلاقى واحد طلعلك يقولك عيب ده راجل اد ابوك وراجل كبير ميقصدش

سبحان الله ولا اله الا الله
اهو انا النهاردة كنت لسة كاتب المشاركة الي انا رجعت خدتها اقتباس دي
بعد ما كتبتها دخلت لبست ونازل اروح شغلي
نزلت ، لا اله الا الله ، لقيت العربية مخبوطة وهي واقفة تحت البيت الاكصدام والرفرف والفانوس متفشفش
لا اله الا الله يمهل ولا يهمل
سبحان الله امبارح لقيت واحد راكن مكاني فركنت فحتة تانية بردو قدام البيت بس علي الرصيف المقابل
وحصل الي حصل ، ولا حول ولا قوة الا بالله
والله المستعان

لا حول ولا قوه الا بالله العلى العظيم قدر الله وما شاء فعل
بس انت مغلطش وموقفك كان رجولى وصح
ومعلش هوا نصيب

البيانات الشخصية
الحالة

رابط المشاركة
طيب أنا لسة راجعة من برا دمى محروق من الموضوع دا

عايزة أخد ملف يمين وعربيات راكنة يمين و تاكسى بيرجع لورا عشان ياخد زباين عند الملف و لما طلع سيادته

جيت ألف ألاقى عربية كمان راكنة الناحية الشمال جنب الجزيرة الوسطى وطبعا كنت هاخبط فيها لكن فرملت والعربية وقفت

اللفة كدا صعبة ولازم أرجع ورا واعدل نفسى

ورايا تاكسى تانى لازق فى العربية طيب أعمل أنا دلوقت !!!!!

الراكب اللى جنب السواق اللى ورايا جه يتخانق معايا و كان موقف ..........

بجد موضوع الركن دا موضوع مهم جدا جدا

بقى صعب دلوقتى انك تقولى لحد اتكلم براحه او حتى تحولى انك تفهمى حد او حتى حد من نفسوا يفهم
والحاجه الاصعب ان ديما بيبصوا لسواقه السيدات على انها وصمه عار فى المجتمع

وكل واحد عاو زيطلع ويجرى
زمان كنا بنقف للناس عشان تعدى الطريق ولاما تحبى تقطعى طريق تلاقى الناس بتقف عشان تعدى
ولو حبيتى تطلعى من الحاره اليمين للشمال او العكس محدش بقى يدى فرصه

ده غير الظروف الى احنا فيها دلوقتى مخليه البلد مهزله وكل واحد ليه قانون خاص بيه
لو هقولك على نصيحه متحوليش تبصى او تشوفى تصرفات الناس الى بره فى موقف زى ده
خليكى هاديه عشان تعرفى تتصرفى بدون توتر ولو حد جه اتكلم معاكى سيبك منوا مع العلم انى لو فى موقف زى ده
مش هتكلم من العربيه دنا هنزل من العربيه والى عندى من غل وغيظ وقرف من الناس هطلعوا في اى حد

90 % من الخبطات اللى فى العربية و هى واقفة
حسبى الله و نعم الوكيل

متزعلش نفسك وفكرتنى بواحد صحبى بيقولى عشان تريح دماغك خبط العربيه عشان متديقش لما تلاقيها مخبوطه من حد غريب

فعلا الراجل قعد طبعا يسب للى بيطلعوا رخص للستات و الحكومة اللى مش عارفة أيه مع العلم إن القسم فى نفس الشارع

وما كنش حد طبعا بيفتح بقه قبل كدا ... و يهلل للداخلية و الحكومة والكلام الكبير دا

ده واحد مغلوب على امروا من النوع الى شايف كل حاجه بايظه ومفيش امل انها تتعدل
ودلوقتى اى حاجه بايظه هيقولوا حكومه وداخليه

رغم اننا لو بصينا بره هتلاقى ان فى زحمه واكتر من عندنا بس فى احترام بين الناس

دا حتى فى واحد نزل من عربيته يقوله على العربية اللى راكنة غلط قدامى و يروح يشوف صاحبها الغلطان ولا حياة لمن تنادى

هو مشحون من الستات و خلاص ... مش عارفة ليه الرواسب النفسية دى !!!

واحدة ست جدعة (ربنا يكرمها ) تطوعت و نزلتنى و رجعت ورا و ظبطت العربية و طبعا وسعوا لها شوية

ههههههههه اكيد ده مضروب قبل مينزل من البيت او منفسن عشان انتى راكبه عربيه وهوا بيدفع فلوس فى تاكس
بس والله لو بصيتى لنص الكبايه المليان هتلاقى ان فى ناس حولت انها تساعدك سواء من الى حوال يفهمه او من الى حولت تظبطلك العربيه

معاك حق ...أنا غلطت نفسى إنى كنت بأفهمه ... و أنا من الأول أدخل على أى ملف على الواسع وعلى أقل من مهلى

عشان البهوات اللى بيركنوا فى الملفات و الدورانات ... حسبى الله ونعمى الوكيل ... ربنا يسترها معانا جميعا

معلش من انتى لوحدك الى دمك بيتحرق كل يوم فى السواقه ومش انتى لوحدك الى بتغلطى بس كل واحد بيبرر لنفسوا هوا ليه عمل كدا بغض النظر صح ولا غلط
وحولى فعلا تكونى هاديه وسيبك من كلام اى حد عجبوا يستنى يستنى مش عجبوا يخبط دماغوا فى الحيطه واهم حاجه الهدود
وانتى كان بامكانك اكيد ترجعى وتدعى بس التوتر الى حصل بسببهم هوا السبب