لو شغلت التكييف فى الشتاء دافئ هل يحافظ على الفريون ولا لازم اشغل البارد
لو شغلت التكييف فى الشتاء دافئ هل يحافظ على الفريون ولا لازم اشغل البارد
بعيدا عن شتاء او صيف
انا سمعت انه لازم التكييف يشتغل علي فترات
مش عارف بصراحة بس سؤال حلو
التكييف السخن ملوش اى علاقة بالتكييف البارد... دى دايرة و دى دايرة
لازم تشغل التكييف البارد مرة كل اسبوع فى الشتاء
MMamdouh
الاثنين دائرة واحدة
والمفتاح الي في التابلوه الي بيحول من بارد لسخن بيحرك بوابة لمرور الهواء الي خارج من البلاور بعد ما يعدي علي الثلاجة بيمر في مجري ثم الي سربنتينة السخن الي بيمر فيها مياه تبريد المحرك
لو انتا مشغل مفتاح A/c الكباس هيعمل ويمر هواء البلاور علي البارد الاول ثم يمر علي الساخن ودي معمولة للموازنة بين البارد والسخن كي تتمكن من ضبط درجة حرارة المقصورة
طالما عندنا دايرة فريون و دايرة لسربنتينة السخن يبقى ازاى الاتنين دايرة واحدة؟؟؟؟؟
MMamdouh
انا اللى اعرفة ان تكييف البيوت اللى هو بارد ساخن بتبقى الفكرة انه يقدر يعكس دايرة التبريد للتحويل من ساخن وبارد واعتقد ان نفس الفكرة فى تكييف العربية
اليك بعض الاسئلة فيها الرد علي سؤالك
اللانوس فيها اثنين بلاور واحد للسخن وواحد للبارد ؟
اللانوس فيها سربتينة واحدة ولا اثنين واحدة للسخن ووحدة للبارد ؟
الفكرة ان الي بيشغل التكيف امامه اختيار من ثلاثة اختيارات
1 - مروحة فقط
2- بارد
3- دافئ
مروحة فقط عن طريق مفتاح البلاور علي سرعة مناسبة يختارها المستخدم دون الضغط علي مفتاح a/c
بارد عن طريق مفتاح البلاور علي السرعة الناسبة التي يختارها المستخدم مع الضغط علي مفتاح a/c
دافئ عن طريق مفتاح البلاور علي السرعة المناسبة التي يختارها المستخدم دون الضغط علي مفتاح a/c وبالطبع تحويل مفتاح الحرارة من الازرق الي الاحمر كليتاً
ولكن ممكن اني اشغل البلاور علي اي سرعة مع الضغط علي مفتاح a/c واحول مفتاح الحرارة الحرارة علي الاحمر
والوضع ده هيخلي الهواء بتاع البلاور يمر علي سربنتينة الثلاجة وبها ضغط فريون اذا الهواء سيبرد ثم يمر علي سربنتينة السخن وبها ماء ساخن درجة حرارته 96 درجة مؤية ثم يخرج من الهويات الي المقصورة
لا واحد بس
اقتباس:
اللانوس فيها سربتينة واحدة ولا اثنين واحدة للسخن ووحدة للبارد ؟
اتنين (عشان كدة قلت ان التكييف دايرتين منفصلتين)
كدة دى دايرة مستقلة قائمة بذاتهااقتباس:
والوضع ده هيخلي الهواء بتاع البلاور يمر علي سربنتينة الثلاجة وبها ضغط فريون اذا الهواء سيبرد
و ادى الدايرة التانية و برضة دى دايرة مستقلة قائمة بذاتها... يبقى التكييف دايرتين منفصلتين ولا دايرة واحدة؟؟؟؟اقتباس:
ثم يمر علي سربنتينة السخن وبها ماء ساخن درجة حرارته 96 درجة مؤية ثم يخرج من الهويات الي المقصورة
انا بقى حسالك سؤال واحد فقط لاغير... اللانوس اللى بتنزل من غير تكييف.. بيبقا فيها تكييف سخن ولا لا؟؟؟
لو الاجابة نعم يبقى التكييف عندنا دايرتين منفصلتين زى ما بقول
مش حقول لو الاجابة لا يبقى ايه لان الجابة نعم
MMamdouh
يا استاذ محمد ممدوح وانت بالفعل استاذي
التكيف بينقل من السخن للبارد عن طريق بوابة في الفبر الخاص بمجاري الهواء
ولكن هناك مروحة واحدة هي الي بتدفع الهواء وحسب مروره علي اي من السربنتينتان
اما سخن واما بارد
ومعلش انا في المكتب ومعنديش الكاتلوج هنا لما اروح هبين النقطة دي علي كتالوجات السيارة
انا عارف موضوع البوابة... انا قصدى ان دايرة السخن حاجة و البارد حاجة تانية مش زى تكييف البيت... بالتالى تشغيل التكييف السخن فى الشتاء لن يغنى عن تشغيل التكييف البارد بشكل دورى لضمان عدم تلف الاويل سيلات
MMamdouh
حوار هادف بين الاستاذ محمد والاستاذ طارق
ياريت كل الاعضاء يكون نقاشنا بهذه الطريقه
السلام عليكم
لو كان الكباس بتاع التكييف ليه دور في عملية تسخين الهواء وان السربنتينة بتاعة البارد هي برده اللي بتشتغل في حالة التدفئة يبقي نقدر نقول انهم دائرة واحده انما ده مش صح والصح ان دائرة التسخين بتيجي عن طريق مياه تبريد الموتور
يبقي كدة دول دائرتين منفصلتين
واحده بتاعة التبريد بتشتغل مع كباس التكييف
وواحده بتاعة التسخين بتشتغل مع مياه تبريد الموتور ودي انا ممكن اشغلها من غير المروحه وانا ماشي علي الطريق السريع بفتح بوابه الهواء الخارجي واحول الهواء علي المنطقه الحمراء وبكده بيجيلي هواء ساخن من بره العربيه
دائرة التبريد ليها سرنتينة امام الردياتير
و دائرة الدفاية ليها سربنتينة اخرى خلف الطابلو و بتسخن من دورة مياة تبريد المتور اى بيمر فيها مياه سخنة من الردياتير
البلاور واحد و بتحول بين الديرتين عن طريق البوابة
يبقا بسم الله الرحمن الرحيم --- الاجابة دائرتين :)))
يا جماعة انا علي حسب فهمي ممكن اشرح استاذ طارق قصده ايه
اللي فهمته ان استاذ ممدوح وطارق صح
تقدروا تقولوا زي فكرة الحنفية فيها ماء بارد وماء ساخن
الماء البارد دائرة منفصلة عن الماء الساخن ولكن الاتنين بيبقوا دائرة واحدة عند نقطة تلاقي الحنفية
واللي بيخلطهم الخلاط
فلو انا مشغل السخان هيكون فيه ماء ساخن بس مش هينزل من الحنفية غير لما احولها ناحية الساخن
حد فاهم حاجة
نفس الفكرة
لو انا مشغل الكومبريسور هيكون فيه تبريد للهواء وفي نفس الوقت لو حولت البوابة ناحية السخن تجيب هواء ساخن وتخلط البارد بالساخن
الفكرة بقي في النهاية في حاجة..لو فيه حساس حرارة في الصالون الكمبريسور في الشتاء هيعمل ايه
هنظبطه علي ساخن فهيحس ان الحرارة المطلوبة اعلي من حرارة الصالون فبالتالي هيقف
ولا هيفضل شغال ويشتغل مع السخن عادي لانه مالوش دعوة ببكرة تحويل السخن والبارد لان كل وظيفتها هي الخلط وليس ظبط حرارة المقصورة فبالتالي الكمبريسور هيفضل شغال
حد لسه فاهم حاجة ولا انا بفتي.....انا مش بفتي انا بس بتخيل
الاستاذ الفاضل اساتذي محمد ممدوح
انا لا اختلف معك احنا عندينا دائرتين للحصول علي
اما حرارة عالية ( سربنتينه بها ماء ساخن من مياه التبريد ) او حرارة منخفضة ( سربنتينة الفريون الي هيا الثلاجة )
هناك مصدر واحد لدفع الهواء ( مروحة البلاور )
لو شغلت مفتاح المروحة الي هوا اربع درجات دون الضغط علي مفتاح a/c سيندفع الهواء داخل مجاري الهواء داخل التابلوه ثم الي المقصورة
هذا الهواء بالفعل مارر علي سربنتينة الثلاجة ولكن دون تبريد لان الثلاجة ليس بها تبريد لعدم عمل كباس الفريون
لو حولت هذا الهواء الي سربنتينة الساخن الي بدورها بها ماء ساخن ( مياه تبريد المحرك ) سيخرج الهواء ساخن اما لو تخطيت سربنتينة الساخن دون المرور عليها ودا عن طريق المفتاح الي نصف تدريجه احمر والنصف الثاني ازرق
سيخرج الهواء بنفس درجة حرارة مصدره ( المقصورة او خارج السيارة ) حسب مفتاح اعادة التدوير علي اي وضع
لو شغلت مروحة البلاور علي اي درجة وشغلت مفتاح a/c الكباس سيعمل ويبرد سربنتينة الثلاجة ويمر عليها الهواء ليبرد ثم يندفع منها الي اما مباشرتاً الي المقصورة لو المفتاح بتاع درجة الحرارة الي نصف تدرجه ازرق والنصف التثني احمر مضبوط علي اللون الازرق او سيمر اولاً علي سربنتينة التدفئة لو هذا المفتاح علي النصف الاحمر
اذا لو جعلت مفتاح الa/c علي وضع تشغيل ووضعت مفتاح درجة الحرارة علي اقصي الاحمر وشغلت مروحة البلاور من مفتاح السرعات
سيمر الهواء الخارج من البلاور علي الثلاجة ثم علي سربنتينة التدفئة ثم الي المقصورة
وهذا الوضع لو استخدم في الشتاء يجعل الكباس يعمل ويحافظ علي اويل سيلاته
وممكن استخدام هذا الوضع لتقليل حرارة المحرك لو زادة عن الطبيعي لاي عطل ما ولكن مؤقتا
وحتي لا نثير جدلاً وضعت تحت مؤقتاً خط ولابد من وضع عشرة خطوط اسفلها
وهذا الحوار الذي يدور بيننا انا اول المستفيدين منه لكي اتعلم من سيادتك شياءً مما قد اكون اجهله
الله ما اعلمنا ما ينفعنا وادراء عن امتنا الفتن
السلام عليكم
بدايه اوضح لكم الاتى :-
1 - الفريون عنصر غازى مضغوط فى حاله غازيه وقت الشحن او التركيب.
2 - يمر الفريون بنوعيه المعروفين 12 او 134 داخل دوره داخل حوض السياره من مواسير و خراطيم و كباس و منظم و فلتر و داخل المقصوره من سربنتينه الومينيوم فى اغلب الاحوال.
3- و طبعا جزء كبير من هذه المواسير و الخراطيم متصل ببعض عن طريق حاكمات تسريب ( اورينجات او اويل سيلات ) و هنا الجزء الاول .
4 - الجزء الثانى فى الكباس .
و اوضح :-
عند عدم استخدام دوره التبريد لمده اكثر من 3 الى 4 اسابيع بيحصل ان المادة الزيتيه اللى بتتحط مع الفريون مع الشحن ( لازم ناخد بالنا كتير اوى عند الشحن و دى بتتحط بالجرام - كميه مدروسه يعنى ) بتعمل تشحيم و تزييت لهذه الاويلسيلات و بتحافظ على موانع التسريب و ثانيا بتحافظ على بلوف الكباس الكاوتش و تحميها من التشقق.
علشان كده مافيش ابدا من وجهه نظرى حاجة اسمها تزويد بوء او اؤين قبل الصيف .
الصح ان مستوى الفريون و كميته ثابته لو الدايره سليمه و الاويلسيلات تمام و المطبات قلبله ( انت فى مصر ) انما لو التبريد ضعف يبقى فيه تسريب و لازم نكشف عليه و نعرف نعالجه.
و ممكن نعمل اختبار التبريد بوضع ترمومتر تبريد ديجيتال فى فتحات التهويه و نشغل التبريد على السلانسيه لحد الكباس ما يفصل كذا مره و نقيس الاصول القراءه من من 4 الى 6 تبقى الدنيا تمام .
الخلاصه
نشغل دوره التبريد ( الكباس على البارد ) كل 4 اسابيع علشان نعمل عمليه تزييت لموانع التسريب اللى تم الاشاره اليها علشان الدوره تبقى مضبوطه ان شاء الله .
اما بخصوص المناقشه المفيده و المتحضره عن دوره التبريد بين الاعضاء المحترمين او ضح لكم مايلى :-
ايه الفرق بين العربيه اللى فيها مكيف هواء او اللى مافيهاش ؟؟؟
الفرق كما اشاروا الزملاء اللى قبلى فى الكباس و سربنتينه البارد و الفلتر ( باختصار مجموعه التبريد .
لكن الكل مشترك فى السخن اللى هو سربنتينه التابلوه و البلاور ( المروحه ) و فتحه دخول الهواء الخارجى و مفاتيح التحكم ( بدون زرار ac )
يعنى لو شغلت المكيف ac و لفيت مفتاح بكره ضبط درجه الهواء ( اللى نصها احمر و الجزء الثانى ازرق ) على الجزء الاحمر و الكباس هيشتغل صحيح بس الهواء يخرج سخن لانه فاتح صمام دخول المياه الساخنه اللسربنتينه اللى جوه التابلوه. و العكس لما نلف البكره ناحيه الازرق يتقفل صمام دخول الماء الساخن و نبتدى نشعر باهواء البارد
انا بس موش هاضيف حاجه لان الزملاء الافاضل عملوا اللازم بس اسمحولى اشكر كم على رقى الحوار .
دمتم بود
دلوقتي فهمت قصدك يا استاذ محمد ممدوح
انتا فهمت كلامي ان نشغل البلاور ونظبط بكرة الحرارة علي الساخن دون تشغيل زرار a/c
انا قصدي هو تشغيل البلاور وضبط بكرة الحرارة علي الساخن وتشغيل زرار a/cكي يعمل الكباس لان عربيتنا مفيهاش سنسور حرارة يطفي الكباس
يارب اكون كدا استطعت الحصول علي الخلاصة من هذا الموضوع
ولو هناك خطاء انا في انتظار التصحيح
لا لسة برضة فيه عدم توافق فى افكارنا....
انا كل اللى بتكلم فيه ان صيانة التكييف تحتاج تشغيل الكومبريسور و دة مش متاح الا من خلال تشغيل التكييف البارد
التكييف السخن ملوش اى دور فى الموضوع دة ولا فائدة من تشغيلة خلال الصيانة
MMamdouh
اسئلك سؤال لو سمحت لي يا استاذ محمد
كيف اشغل كباس الفريون بتاع التكيف ؟
شغل مروحة التكييف مع ضغط زر A\C
MMamdouh
مش عارف تحديدا لانى مجربتش...
بس عموما حيبقى هوا لا بارد تلج ولا سخن نار لان كدة الهوا البارد اللى خارج من على التلاجة بيتعرض لسخونة سربنتينة السخن و الهوا بعد ما برد ارتفعت درجة حرارتة
الناتج حيعتمد على مدى كفائة التكييف البارد و مدى حرارة المية فى سربنتينة السخن
MMamdouh
طيب و ايه الحكمة من الهواء الدافىء فى الموضوع؟؟؟؟؟؟؟
MMamdouh
انا اللى فهمتة انه عايز يشغل التكييف سخن عشان كدة قولت مينفعش
عموما بغض النظر عن اى حاجة تانية الكومبريسور لازم يشتغل لعمل الضيانة الدورية لدورة التكييف... حرارة الهوا اللى خارج من فتحات التكييف متفرقش فى حاجة
MMamdouh
الحمد لله
كدا وجهات النظر تقاربت وكنا احنا الاثنين صح بس كان الاختلاف مفيد للوصول الي معلومات مفيدة لنا وللاعضاء
شكراً جزيلاً علي السماح لي بهذه المحاورة معك استاذي الفاضل ((((((((( محمد ممدوح ))))))))))
دا انت اللى استاذى يا طارق باشا
MMamdouh
اسمحولى اضيف نقطة صغيرة
كفاءة اى منظومة بتعتمد على انا بدفع اية او اعطيها اية واخد منها اية , يعنى الكفاءة = خرج \ دخل
بالتالى لو طبقنا المعادلة دى فى موضوعنا هنلاقى احتمالين ( الهدف فى النهاية تشغيل التكييف كل فترة للحفاظ على دايرة التكييف)
1- اشغل التكييف كل اسبوعين حتى لو العربية واقفة لمدة 10 دقايق واطفية وشكرا
2- الحل التانى انى اشغل التكييف وانا ماشى مع ظبط مفتاح الحرارة لأقصى الوضع الاحمر لخروج الهواء السخن ( فى الحالة دى دورة التكييف ملهاش لزمة لأن الهوا مش هيعدى على مبرد التكييف تماما زى ما الف السويتش لأقصى الازرق بيبقى فى الحالة دى سربنتينة السخن ولا كأن لها وجود)
فى الحالة دى انا دافع بنزين زيادة ومحمل على موتور العربية وفى نفس الوقت استهلاك لدايرة التكييف دون جدوى لأن فى النهاية انا واخد هوا سخن وبالتالى كفاءة المنظومة منخفضة
الهدف من تشغيل التكييف انى احافظ على الاويلسيلات والخراطيم من الجفاف والتشقق يعنى انا مش محتاج اكتر من 10 دقايق كل اسبوعين علشان الزيت يعدى فى الدايرة كلها ويعمل تزييت لأجزائها الداخلية
وعذرا على الاطالة ..
بصراحه المناقشه دي عجبتني اوي وكان عندي سؤال كده لولبي برضه يخص الموضوع ده شويه
انا معايا عربيه فيرنا اولا وبصراحه مبعرفش امشي براحه (مرض السرعه) المهم مع السرعات العاليه الشباك بيدايقني وبحس اني بصدع منه فكنت عايز اشغل البلور (المروحه) وقفل الشبابيك واسحب الهواء من بره الصالون (مش تقليب لهواء الصالون) زي ماهو من غير تبريد اوتسخين يعني من ماشغل التكييف ولا سربنتينه ميه التبريد تفتح بردو
يعني هواء طبيعي من بره من غير كمبرسور ولا مرور لمياه تبريد الموتور ( مش عارف حد فاهمني ولا انا كده بهذي)
وياريت اللي يرد علي يقولي هل جربها قبل كده ولا لأ .
وشـــــــــــــــــــــــ ـــــــــــــــــــكرا
انا معظم سواقتى فى الشتاء على الوضع دة
MMamdouh