سماعات الباب الجانبيه صوتها مش عجبنى هل اغيرها هى واللى فى الشنطه
ولو اغير اللى فى الباب...... اجيب مقاس ايه ......... وماركه ايه ......... ولا الصينى شغال وخلاص
والسماعات الخلفيه ..... اجيب مقاس ايه ......... وماركه ايه .........وها يكون سعرهم كام
عرض للطباعة
سماعات الباب الجانبيه صوتها مش عجبنى هل اغيرها هى واللى فى الشنطه
ولو اغير اللى فى الباب...... اجيب مقاس ايه ......... وماركه ايه ......... ولا الصينى شغال وخلاص
والسماعات الخلفيه ..... اجيب مقاس ايه ......... وماركه ايه .........وها يكون سعرهم كام
سماعات الباب 4 بوصة حسب ما افتكر و سماعات ورا 6.5 بوصة
يفضل تركب ورا سماعات بيضاوى
MMamdouh
الباب 4.5 بوصة
طيب بالنسبه للنوع ايه ولا الصينى شغال
sony
السونى افضل ولا البيونير
بعد اذن صاحب الموضوع...
مقاس السماعات الامامية للنوبيرا 2 المصرى كام لو سمحتوا...
شكرا,,ومتأسف على اقتحامى للموضوع يا استاذ mahdyez...
اعتقد البايونير صعب انك تلاقى منة اصلى او تايلندى بالنسبة للباب
لذلك رشحت لك السونى ولكن البايونير ممتاز
الصيني مخلاش
وفيه منه درجات
استنضف جوز صيني يكونوا برق جلد مش كرتون وجوان كاوتش مش سفنج هيشتغلوا معاك تمام
ووفر واستمتع
هات سماعات بايونير او كينوود
MMamdouh
بص هي سماعات الباب بتكون 10 سم بس أنا مركب سماعات 16 كنوود
سماعات الباب 10 سم انا مركب سوني ب 115 ج وصوتها حلو و لما تركب السماعات و انت بتغسل العربية متخليش الراجل يغسل الباب من جوة علشان ده الي بيبهدل السماعات
سماعات الأمام 13 سم و الخلف 16 سم
انا ركبت سماعات بايونير صينى 10 ايه رايكم
سمعات قدام 10 سمعات ورا 16 هات بيونير عن تجربه هتلاقي مقاس الباب في منه فتنامي بس ما تجبش 10 هات 13 هايقولك مش هايركب وهايركب وكلام فاضي كتير خدهم وروح لواحد محترف شويه هايشلك بظبط 2 ملي من العبله الفبر اللي راكب عليها السمعات وهتنزل السمعات الجديده وهتفتح مكان للمسامير ابعد بنص ملي عن القديم كله ده في العلبه الفبر وهتركب تمام والمش هاتيجي ناحيه الزجاج وهاتشتغل زي الفل لو عاوز تريك دماخك ومش فارق اوي معاك الصوت هات 10 سم بس هتلافي في فراغ بينها وبين العلبه الفبر وده طبعا مش هايخلي الصوت بكفائته
السماعات ال10سم كلها تعبانة أووووووى . . . السؤال هل يمكن تركيب سماعات 16سم فى الباب الأمامى . و ياريت يكون حد جرب فعلاً.
يا جماعة بصراحة أنا حاسس ان الموضوع فقد أهميتة ياريت لو حد ذو خبرة يقولنا الاتي:
1-مقاس السماعات المثل للبابين والرف الخلفي
2-بالنسبة للرف الخلفي هل يفضل المدور ولا البيضاوي (ولو بيضاوي ياريييييييييييييييييييييي يييييييت ليه)انا مش شايف سبب منطقي !!
3-السوق موجود فية سوني و كينوود وبايونيير أيهما أفضل مع بلد المنشأ(وياسلام لو حدود تقريبية للسعر يبقي باشا)
4-ايه الفرق بين ال 2 واي لحد ال5 واي والدبل بيز!!!! أنا مش فاهم
وكل ما أروح لحد يعد يعجن ولا هو ولا انا فاهميين اي حاجة لحد ما زهت وشكلي هكبر دماغي لعدم توافر المعلومات ولا إيه مش عارف.
اسف جداجدا لكتر الأسئلة بس بيتهيالي لو لقينا إجابات واضحة لكل الأسئلة دي الصورة هتوضح عند الكل ويبقي الموضوع كامل متكامل
هو أصلاً اللي راكبين أصلي في العربية نوعهم إيه؟؟؟؟
أنا شايف إن صوتهم كويس و حلو.....لو إن عندي سماعة الباب اليمين ساعات بتوش مع الصوت الإهتزازي العالي شوية (يعني على تردد معين منخفض و علو صوت عالي)
بنسبه لما يخص السياره فهتلاقي اجابه هنا لاكن الافضل انك تروح قسم الصوتيات عشان تستفيد اكتر بموضوع الصوت عمتا المقاس الامثل 10 سم للباب 16 سم للرف الخلفي لكن انا ركبت 13 في الباب عشان ماسبش فراغ بين السماعه والعلبه وفتحت حاجه بسيطه جدا في العلبه حوالي 3 ملي دائي من المحيط وغيرت اماكن المسامير حوالي نص ملي وطبعا التعديل ده كله في العلبه الفيبر يعني ماجتش نحيه اي حاجه في العربيه وعلي فكره ده كان تحدي للمحل اللي بيبيع ويركب ولا داعي لذكر اسماء لانه قالي عمرها ما هتركب
الفرق بين البيضاوي والدائري ان حجم الرق بيكون اكبر والمقصود بيها انها تبقي واخده من طول الرف علي اساس ان في مسافه في الطول لاكن مفيش مسافه في العرض فبيكبر الطول وبتبقي السماعه بيضاوي طبعا هايدي مساحه اكبر للرق لاكن انا جربت السمعتين وانا بشتري لان الراجل حاول يقنعني بالبيضاوي وانا بصراحه مكنتش ناوي افتح خاصه ان في جريده الشنطه الحديد ماشيه تحت السمعات ولقيت لا فرق يذكر بين السمعتين مع العلم ان وات البيضاوي كان حوالي الضعف والسمعتين بنفس التمن
انا بصراحه بفضل البيونير عمتا كل واحد جرب سماعه هايقولك انها افضل سماعه لان الموضوع فيه عامل نفسي كبير اني جبت احسن حجه لاكن عمتا لو قريت الموصفات من وات وديسي بيل ونسب الدوستورشن او تشوه الصوت والنويز او الضوضاء هتلاقي ان افضلهم البيونير وانا بصراحه عجبني صوتها جدا مش هاقولك انه افضل حاجه طبعا لاكن ممكن اقول انه 70 % من افضل صوت سمعته في حياتي لاكن في نظري برده وده رائي شخصي انها افضل من كل المقرنات الاخر في السوق حاليا
علي فكره ما تخفش من موضوع 70 % ده لان حكمي بيبقي صعب شويه علي الحاجه عشان انا بقارنها بمستويات عاليه اوي انا سمعتها لاكن هي بنسبه للي في السوق 100 %
البيونير في منها صيني وفيتنامي وتايلاند ويباني لاكن اليباني صعب شويه دلوقتي وعمتا كلهم كويسين جدا فرق في التشطيب بس هتلاقي نفس الصوت لاكن شكل لزق الرق والكون مختلف شويه الفتنامي مثلا انظف من الصيني من التفنيش بس لاكن الكوليتي هو هو انت بتشتير توكيل
الفتنامي 10 سم حوالي 90 جنيه وال 13 حوالي 120 بس كل ده وان واي
الصيني 4 واي 16 سم ب 350 جنيه
الاسعار ديه من حوالي 8 شهور وتقريبيه لاني مش فاكرها اوي
الفرق بين ال 1 واي 2 و3 و4 اماكن مخارج الصوت يعني السماعه 1 واي مفهاش غير الرق العادي ال 2 واي ممكن تلاقي رق وتويتر 3 واي ممكن تلاقي 2 تويتير في سمعات فيها ميد رنج واتنين تويتر غير رق اللي بيبقي مركز علي انه يكون بيز اوي ادخل قسم الصوتيات هاتستفيد اكتر في النقطه ديه
ارجو اني اكون اجبت عن كل الاسئله علي قدر ما اعرف وما استطيع :b4_611:
الف شكر علي الاهتمام والرد المحترم دة واضح انك لفيت كتير علي موضوع السماعات ده:16:
طبعا انا عارف ان قسم الصوتيات لا يعلي عليه بس هما هناك بيتكلموا في كلام عالي قوي انا كان قصدي ان يبقي الموضوع فيه الخلاصة لليوزر العادي اللي عاوز صوت محترم من غير بفه جي ام وصب وبازوكا والحاجات دي
عموما الف شكر تاني وعلي فكره انا كنت امبارح في العمرانيه وسئلت عند واحد مشهور هناك المفروض ان أسعاره زي التوفيقيه ولقيت الأتي
1- سماعات بيونير بيضاوي تايلاندي 400وات 3 واي ب335 جنيه
2- سماعات كينوود بيضاوي اندونيسي باين او ماليزي مش فاكر 400 وات 3 واي ب 335 جنيه برده مع تاكيده ان الكينوود احسن
وعموما لو وصلت لأي اسعار تانيه هؤلوكم وياريت اللي يعرف حاجه تانيه يقوول:Ka_che1[1]:
سؤال أخير اللي انا فهمته من كلامك اني اجيب سماعات دائرية ومقلقش الصوت هو هو لان بردةكل الناس مصممة ان البيضاوي احسن لكن انا مش عاوز اقطع في الرف ؟!
شكرا لزوق حضرتك
بنسبه للفرق بين السمعات المدوره والبيضاوي فانا لا اجد فرق اطلاقا يستحق الفتح في الصاج
انا جبت كاسيت بايونير 5250sd وسمعات بايونير 16 خلفيه 13 قدام بصراحه الصوت رائع جدا بنسبالي ومش بقدر اعلي الكاسيت عن النص من قوه الصوت صوت نقي تماما والالت مفسره بدون اي دوستورشن او نويز والصوت واضح جدا علي اوطي درجه زي اعلي درجه
ولما كنت عند الراجل قارنت بين البيضاوي والمدور حضرتك ممكن تعمل كده خليه يسمعك ديه وديه وقارن بين الاتنين في البيونير والكينود او اي مركات اخري مقتنع بيها قارن الاول بين المدور والبيضاوي وبعدين بين المركات نفسها حتي تقتنع بيشيئ انت معجب بيه مش من كلام حد طبعا الصوت مش هايبقي زي العربيه لان السماعه من غير علبه بتنزل كتير جدا من الصوت فرق كبير لما تركب في العربيه لاكن هاتعرف تقارن بين السمعات علي نفس الوضع
وانا بصراحه مش مقتنع بالبيضاوي والفتح في الصاج علي الفرق اللي انا شوفته
الكاسيت امكنياته سي دي وفلاشه وكارت ميموري قوه 50 وات في اربعه فيه تحكم للصب ووفر وفيه 5 باند اكوليزر وفيه كميه تحكم في الصوت رائعه وشاشاه جرفك ورموت كنترول وفيه 6 مخارج بري امبليفير 2 صب و4 سمعات يعني لو عاوز تشغل جي ام او صب ووفر وفيه تحكم ليهم من جوه الكاسيت وفيه تحكم في الايبود والايفون الكاسيت كان عمل حوالي 1350 بس بيتهيئلي ان تمه زاد كتير علي كلام واحد لسه سائل عليه
لو لقيت مستعمل كويس مفيش مانع بس لازم تتاكد انه كويس ولازم تاخده من حد يكون باين ان استعماله كويس وتعرف سبب البيع لاكن انا شخصيا افضل الجديد
ده لينك الكاسيت علي السيت بتاعه
DEH-5250SD (Archived) - Pioneer Australia
هو نوع السماعات الأصلية في النوبيرا إيه؟؟؟