لو عندك او ناوي تشتري سوزوكي سويفت يبقي لازم تقري النصائح دي

**furp** · 21-04-2008 11:24 PM

المشاركة الأصلية كتبت بواسطة hazem_khidr

اهلا و سهلا بيك اخي ابو بودي
بالنسبه للكلام دا طبعا كلام فارغ
انا عندي سنتر في عربيتي (بتاع بلادها) و كذا واحد مركبين سنتر و انذار و مافيش ادني مشكله .
يعني هيا فيه منها نازل كده و كمان فيه ناي مركبه يبقي ليه لاء بقي.
السنتر بيبقي ستاندر بيركب علي معظم العربيات و تمنه في حدود 80 جنيه و الانذار برضه استاندر بيركب علي اي عربيه.
شوف حد تاني يركبهولك لانه مافيهوش اي فن

طبعا كلام استاذ حازم مظبوط

وانا دلوقتي بشد العربيه وجبت سنتر وانذار ومفيش اي مشكله في التركيب بالعكس السويفت من العربيات الي بتتمتع بالمرونه وبتتناسب مع الاضافات

وعموما انا جبت السنتر ب80 جنيه وكمان جبت انذار ولف 160 جنيه

ومتقلقش إن شاء الله هيركبم وكله هيبقي تمام

وبالتوفيق

**thegoodhacker** · 22-04-2008 12:47 AM

الف شكر علي تلك النصائح الهامة .......
عاوز اسال حضرتك عن اسعار قطع الغيار بتاعة السوزوكي سويفت عاملة ازاي ويا ريت لو تديني امثلة للاسعار

**furp** · 22-04-2008 01:16 AM

المشاركة الأصلية كتبت بواسطة thegoodhacker

الف شكر علي تلك النصائح الهامة .......
عاوز اسال حضرتك عن اسعار قطع الغيار بتاعة السوزوكي سويفت عاملة ازاي ويا ريت لو تديني امثلة للاسعار

السلام عليكم اخي العزيز

هقولك دلوقتي بعض اسعار قطع الغيار وإن شاء الله تفيدك

فانوس كريستال خلفي كامل ب75
جوز مساعدين امامي 450
كبلن صيني 90 جنيه
كبلن تايواني 120 جنيه
فانوس امامي ب45 جنيه
الاسكترا تايواني ب350 جنيه
جوز المقصات كاملين- بالبيض- ب300 جنيه
تيل فرامل خلفي ب 80 جينه

يعني دي شويه حاجات انا عارفها وبرضك من عارفها من كلام استاذ حازم خضر وياريت هو كمان يدخل يرد علينا ويزود لنا باقي قطع الغيار

واتمني اكون افدك

**thegoodhacker** · 22-04-2008 01:21 AM

جزاك الله خيرا و هي اسعار ما شاء الله كويسة اوي

**furp** · 22-04-2008 01:29 AM

المشاركة الأصلية كتبت بواسطة thegoodhacker

جزاك الله خيرا و هي اسعار ما شاء الله كويسة اوي

ربنا يكرمك ياخي العزيز

ولو محتاج اي حاجه وبتفكر في السويفت ابقي ابعتلي وانا تحت امرك في اي حاجه

وربنا يوفقك للعربيه الي بدور عليها لاني عارف انك بدور بقالك فتره وزهقت من الاسعار المبالغه فيها في الفيات

فربنا يوفقك ويكرمك

**abobode** · 22-04-2008 05:45 AM

المشاركة الأصلية كتبت بواسطة hazem_khidr

اهلا و سهلا بيك اخي ابو بودي
بالنسبه للكلام دا طبعا كلام فارغ
انا عندي سنتر في عربيتي (بتاع بلادها) و كذا واحد مركبين سنتر و انذار و مافيش ادني مشكله .
يعني هيا فيه منها نازل كده و كمان فيه ناي مركبه يبقي ليه لاء بقي.
السنتر بيبقي ستاندر بيركب علي معظم العربيات و تمنه في حدود 80 جنيه و الانذار برضه استاندر بيركب علي اي عربيه.
شوف حد تاني يركبهولك لانه مافيهوش اي فن

شكرا لردك ياعمونا طمنتنى ربنايطمنك ياريت لو تعرف نوع كويس او واحد كويس يركبهم فى محيط طنطا واجوارها

**ashrafsakka** · 28-08-2009 04:03 PM

شكرا جدا على النصائح الجميلة دى وربنا يجازيكم كل خير

**ferfer** · 31-12-2009 03:52 PM

سلام عليكم
انا الصراحه اول مرة ادخل المنتدى وفرحت اوى لما شفت ناس بتحب السويفت كده لانها فعلا عربيه محترمه وحمالة قسيه زى مابيقولوا وانا معايه سويفت بقالى 4 سنين والحمد لله عمرها ما عملت اى حركة نداله معايه والحمد لله بعملها صيانتها باستمرار.
بالنسبه لموضوع الصاج بتاعها انه ضعيف والحاجات دى لزق فيها لانها من اول عربيات الجيل الجديد اللى نزلت مصر ساعتها مكناش نعرف غير الللادا والفيات والمرسيدس التمساحه والبيجو ال504 فطبعا كل الناس قالت عليها انها ورق ساعتها بس لما تيجى تبص الوقت على معظم العربيات الجديدة تلاقى دا شىء عادى ومحدش بقى يتكلم عليه.
لكن الاهم من الصاج هو الشاسيه وانا شايفه ما شاء الله كويس جدا وقوى فعلا وده المهم.
وبالنسبه للعيوب اى عربيه بتظهر فيها مشاكل مع الوقت نتيجة الاستهلاك وانا الصراحه مشفتش فيها اى عيب مزمن بمعنى ان الحاجه اللى بعملها صح مبترجعش تانى.
وفى النهايه انا سعيد بمعرفتكم ومستعد لاى تعاون ان شاء الله على اد ما ربنا يقدرنى.

**mohamedhamam** · 01-01-2010 04:39 PM

شكراً على هذا الموضوع الرائع

**muhmado_furp** · 05-01-2010 04:33 PM

يااااااااه ياجماعه
التقرير ده عمله من زمان اول ماشتريت العربيه السويفت
وكان الواحد لسه بيقول ياهادي في العربيات
وراحت السويفت وجت التمبرا مكانها
بس الصراحه معرفتش قيمتها غير لما اتباعت