Peugeot...Seat Leon...Renault Fluence برجاء المشاركة

السلام عليكم
كنت محتار بين كام عربية كدا يعنى فى خلال 5 اشهر ربنا يسهل واجيب حاجة من دول
الميزانية يعنى فى حدود 150 الف... وممكن يكون مستعمل نظيف - محتاجها تكون اتوماتيك - عائلية - وعالية شوية من على الارض
انا عارف العربيات اللى هقولها مختلفة... ولكن انا طالب منكم الترشيح مين احسن ؟؟؟
عزم الموتور - ثبات - امان - توكيل - رفاهية و اوبشن - قطع غيار

1- بيجو 407 عربية بحس انها بتاعت بشوات 2008-2009
بس فعلا هوا فى منها ديزل اتوماتيك و لا بيبقى مانيوال؟؟


http://photo.netcarshow.com/Peugeot-...9_photo_0e.jpg

http://photo.netcarshow.com/Peugeot-...9_photo_10.jpg


2- سيات ليون2010-2011 بس معرفش مدى وسعها تشيل 3 ورا مستريح ولا ايه؟؟


http://photo.netcarshow.com/Seat-Leo...0_photo_2c.jpg


http://photo.netcarshow.com/Seat-Leo...0_photo_28.jpg

3-بيجو 308 2010-2011 شايفها عربية حلوة ... بس ياريت لو حد جرب العربية يدينى خبرته

http://photo.netcarshow.com/Peugeot-...2_photo_01.jpg

4- فلوانس 2010-2011 عربية عالية شوية ومرحومة من المطبات ... بس معرفش ايه مشاكلها

http://photo.netcarshow.com/Renault-...0_photo_05.jpg

http://photo.netcarshow.com/Renault-...0_photo_08.jpg


سمعت ان المازدا الجديدة نازلة بتكنولوجيا جديدة بس اللى اعرفه ان المازدا واطية قريبة من الارض ومش واسعة اوى من ورا....

اتمنى مشاركتكم الفعالة ...مستنى ردودكم

على فكرة انا بتكلم على 308 sw

:11:

:11:

انا بقالى فترة عاوز اشترى سيارة فى مصر علما بانى عايش وبشتغل فى دبى وبطبيعة الحال مش هقولكوا على العربيات فى الامارات بصراحة حاجة تشرح القلب اعلى مستوى سيارات وعلى فكرة انا معايا هنا تويتا كورولا 2008 ومازدا 6 2005 وممكن كنت انزل الكرولا لانى المالك الاول ليها بس بصراحة مردتش وفضلت انى اشترى الراااااااااااااااااااائع ة اوكتافيا a5 وده لعده اسباب :-
1- العربية ما شاء الله سمعتها حلوة جدا فى مصر وسعر اعادة البيع حلو جداااا
2- تحس وانت راكب العربية انك راكبة حاجة فخمة جدا وده يرجع للخامات المصنع بيها التابلوة على عكس التيوتا كرولا 2008
3- العربية عالية عن الارض وفى نفس الوقت ثاااااااااااااابتة جداااااااااا وده يرجع لانظمة التعليق فيها الممتازة
4- فيها تكنولجيا وامكانيات تحفة زى كمبيوتر الاعطال-حساب الكيلو متر المتبقى على حسب كمية البنزين - تحديد اقصى سرعة ممكن تمشى بيها -التحكم من التارة فى الكاسيت والسى دى والصوت -زرار لمعرفة ضغط الاطارات - وحاجات تانى انا مش فاكرها
5-صاج العربية قووووووووى جداااااا وبيستحمل كتير ده حتى الفوانيس الامامية ضد الكسر وبتستحمل زى الصاج
6-الشنطة بتاعتها واسعة بطريقة غريبة جداااا 560 لتر يعنى تشيل فيها زى ما انت عاوز
7-ده غير الرفاهيه اللى فى العربية من تلاجة وكراسى جلد وفتحة سقف وجى بى اس وكاركيت وتلفزيون ووصلة يو اس بى و اى بود وايه يو اكس والحاجات الخرجية زى الجنوط وحساسات المطر والزينون ونظام التحكم فى الاضاءة وحاجات كتيرر
8-ثبات العربية على السرعات العالية ومتحسش اصلا انك بتجرى بيها خااااالص لانى موتورها بيولد اقصى عزم يعتبر عند 4100 لفه
9-قطع غيار العربية رخيصة مش غالية زى ما فى ناس بتقول وفى منها تايوانى وتركى والمانى واصلى وبتتباع فى كل مكان
10- مراكز الخدمة بتاعتها حلوة جدا وفيها ناس محترمة بصراحة بتحاول تساعدك
وده كل اللى انا فاكرة من اللى خالنى اشترى الاوكتافيا a5 وعلى فكرة انا جبتها مستعملة موديل 2007 بس ماشية 41 الف بس يعتبر كسر زيرو

يا باشا برده انا شغلى فى السعودية.... وفعلا لا مجال للمقارنة بين سيارات الخليج ومصر للاسف من حيث السعر
وربنا يباركلك فى العربية

ايه ياجماعة ... هوا انا فى قسم طبق اليوم ولا ايه
هوا دا مش قسم المقارنات؟؟؟
طب اللى معاه اى عربية من دول يقولى عاملة معاه ايه؟؟؟
اظن اسئلة اسهل من كدة مفيش

طبعا من غير كلام ال 407 افضلهم
بس عشان مستعمله و ديزل وقطع غيارها غاليه فأنا استبعدها الا لو لاقيت حاله زيرو منها
بعد كدا انا شايف ال308 والفلونس
الاتنين ممتازين جدا
الفلونس توكيل افضل
البيجو ماتور اقوى وتعليق افضل من الفلونس
المهم انت اركب العربيتين وشوف اللى انت مستريح فيهم
لان هما شبه بعض فى اكتر من حاجه
زى اعاده البيع اللى فى الضياع

انا شفت من شوية على اليو تيوب ان sw 308 بتكون 7 اكب ؟؟؟ الكلام دا فى مصر ولا لأ؟؟

أنا شايف إنه ال 407 شكلها قرب يقدم ده غير إن فعلا قطع غيارها ممكن متكونش متوفرة و غالية و ده لندرة العربية

بالنسبة للليون هي مبدئيا مش هتنفع عشان حضرتك عايز عربية عائلية و حتى لو كانت واسعة ماظنش إنها هتبقى ف وسع ال 308 الستايشن و الفلوينس و ال 407

ال308 معرفش عنها حاجة عشان مش متابع البيجو زي باقي العربيات

من رأيي الفلوبنس أنسب حاجة عربية إبتدت تنتنشر و مسمعناش حد بيشتكي منها ده غير إنها عائلية و واسعة و حديثة لسة نازلة مش بقالها فترة زي الباقيين

و ألف مبروك مقدما

طلما حضرتك مصمم على عربية من دول يبقى طبعا طبعا سيات ليون عربية ملهاش حلل وجملية جدااا فى كل حاجة

الفلوينس و الميجان 3 الجديدة اختيارات مناسبة جدا للطرق المصرية و توكيل محترم و مريح و الاسعار معقولة
اى استفسار نحاول نفيد ان شاء الله

الفلوانس أفضلهم

السلام عليكم..هم كلهم سيارات جميلة جدا..كنت أفضل ال308 بس قطع غيار بيجو الجديد مش موجود..أفضل لحضرتك الفلوانس..بالتوفيق بإذن الله

والله انا قاعد بدور على النت على اى معلومات ولقيت

http://photo.netcarshow.com/Peugeot-...2_photo_05.jpg


[IMG]http://www9.0zz0.com/2011/05/12/11/675248238.jpg[/IMG]


واضح ان 308 اعرض من ليون ... فهنشيل الليون من المقارنة
و فى اخ قال ان 407 ابتدت تقدم ... مش عارف انتوا ايه رايكوا؟؟؟
وعايز اعرف فعلا 308 sw بتشيل 7 راكب؟؟؟؟

الى اعرفه من ايام ال 307
انها بتنزل 5 راكب
ولو عاوز تخليها 7 راككب
بتشترى الكرسيين الخلفيين وتبقى 7 راكب
بس فىه ناس كتير مش بتشتريهم عشان بيحتاجو الشنطه اكتر من مكان الركاب
وممكن تشترى كرسى واحد بس وتبقى 6 راكب
يعنى حسب احتياجاتك

اقتباس:

---

المشاركة الأصلية كتبت بواسطة smartchoice

الفلوانس أفضلهم

---

:16:

أوافق بقوة

أؤيد بشدة

انا معايا فلواينس والعربيه الحمد لله ممتازه

انا معايا عربية فلوانس بقالها سنة مشفتش منها حاجة عربية واسعة و كماليتها كويسة اوى و ثباتها رائع
و توكيلها محترم جدا جدا