المشاركة الأصلية كتبت بواسطة ashouhdy
أنا مع صاحبة الموضوع نور القمر
هو اية اللى نلم بعضينا ونطلع كأننا رايحيين فى معركة ... هو كل ماواحدة تدى تليفون مهما كان السبب او المخطط الناس حتتلم بالالاف ويهتفوا ويطلعوا
دة اسمة تهريج و فوضى ... فين دور الدولة و هيبيتها فين القانون والقضاء دى حاجة مفزعة و مروعة ذنبهم اية سكان المنطقة يتقتلهم و يتروع امنهم ... تخيل انت فى شارعك فى بيتك دة بيحصل حتكون مبسوط وهو اية اللى عايز أختى ؟؟
مهما كان الخطأ مهما كان مخالفة القانون مهما كان الاحتجاز صح او غلط ... الحل ميبقاش بالفوضى واللمة والدراع ... دى بلد ليها سيادة قانون ... انا كل مامشى بالعربية الاقى ناس متجمعة و ترهيب وقرف ... والنهاردة عند ارض الكوتة فى المعارض فى المنشية الناس بتجرى و تتقول للعربيات لفى وارجعى واقفلوا الازاز وحاجة قمة فى الفوضى والترويع وناس بالمئات متجمعة وبتهتف و ولا حد عارف مين دول مسيحين مسلمين بلطجية الله اعلم ... السبب الفوضى و التراخى وعدم تغليظ القانون فى المواقف اللى ذى دى ... مين اللى ادى الحق لأى حد انة يتجمع بالالاف او حتى المئات ويعملوا اللى عايزينوا ... دة اسمة تهريج وفوضى وأنا مع المجلس العسكرى فى توقيع أقصى العقوبة وعدم الافراج عن البلطجية والمتظاهرين اللى خالفوا القانون ... لازم يكون العقاب راااادع عشان الحال يمشى