هايل يا خلووووووووووووووووووووود
هايل يا خلووووووووووووووووووووود
ايه اسعار الحاجات دى يا خلود لو هانجيبها من برة ؟
شكرا كتير يا خلود بس ليا سؤال
مثلا كرنك 250 فاير و4 بيلات وباقى القطع دى هاتيجى جديدة منين على حسب ما سمعت ان قطع غيار البايك اقل من 600 cc الشركة وقفت انتاجه يعنى هاتيجى مستعملة كلامى صح ولا خطأ ولو جديدة يبقى السعر كام ولو مستعملة يبقى السعر كام ومنين
المشكلة يا محمد يا عزيزى مش فى القطع .. هى موجودة برة اه ومش صعبة بس المشكلة فى الثمن يعنى انا كنت بتكلم مع دياب من شوية على الجوال وقالى ان انت كده لو هاتجيب سبايك و بى ال وكرنك انت ممكن توصل لـــ 5000 جنيه بعد الشحن والجمارك يعنى لو اشتريت محرك استيراد هيكون افضل ده غير انه متفتحش ..
يا جماعه الموضوع ابسط من كده بكتير و مش محتاج الا تغيير الجزاء المعيوبه
والشركات المصنعه للموتوسيكلات عامله حساب ان السبايك بتبوظ وعشان كده نزلت سبايك سمكها اكتر من الاستاندر
وعمرى ما سمعت ان الشركات المصنعه بتوصى بتغيير الكرنك الا لما يكون باظ خالص
(والدليل تصنيعها لسبايك بسماكات مختلفه تناسب عدد خرطات الكرنك )
والا مكنتش عملت غير السبايك الاستاندر
ولو الظروف اضطرتنا اننا نغير كل الحاجات اللى خالد قال عليها
يبقى نغير الموتور ارخص
تحياتى
العمده
شكرا يا ديبو على المعلومات القيمة يعنى المشكلة كلها فى الشخص اللى بيعمل العمرة ودرجة حرفيته ومدى فهمه لحالة البايك لو تمام يبقى كل حاجة اتحلت لو مش تمام يبقى عليه العوض فى الموتور صح الكلام ومتنسوش عايز اسماء لاحسن ميكانيكية بتعمل عمرات لموتور البايك فى مصر
كل الفكرة ان لو السبيكة باظت اكيد هتبوظ ركبه الكرنك ال فوقها علطول فابالتالى هيكون الكرنك باظ بس بردوا لو السبايك جاية من بره بمقاسات اكبر لازم بردوا يكون الكرنك موجود فى اللحظة دى علشان السبايك تتضبط عليه لان الشركة لما صنعت السبايك بسمك اكبر اكيد متعرفش كل كرنك بيبوظ بتبقى حالته ايه يعنى مش كل الكرنكاك هتبوظ او هتتخرط او جسمها هيخف بالدرجه ال تتلائم مع السبيكة الجاهزة من الخارج ومينفعش ان يتجلخ من جسم السبيكة علشان تتضبط مع الكرنك .......
الكرنك طاقم البيلات بالسبايك بيعمل حوالى 3500 جنيه دهه بالنسبة لبتاع ال 400 فاير جديد عند مجدى زيدان
لانى غيرت كرنك لموتور 400 فاير وجبتلها كرنك كامل بسبيكه ببيلاته بيبقى ملفوف باستريتش علشان مافيش حاجة تحرك من مكانها
تحياتى خلوووووووووود 2010
لالا هتكون غالية جدا ده كده يبقى موتور استيراد افضل على الاقل بتقفيل بلاده
من مصر انا جبت كرنك 400 فاير بسبايكه ببيلاته عمل 3500 جنيه من مجدى زيدان
بس غريبة قطع غيار ال 400 فاير موجوده اكتر من قطع غيار ال 400 العاده وسعر قطع ال400 الفاير ارخص بحوالى 500 جنيه بالنسبة للكرنك بمشتملاته فى العاده بيعمل حوالى 4000 جنيه يمكن علشان اعطالها قليلة فقطعها غالية ولا ايه مش فاهم الفكرة ؟
بس يامحمد التاكل فى الكرنك مقاساته بتكون دقيقه جدا جدا استحاله الشركة المصنه للسبيكة هتكون عامله المقاسات ديه لان لو كده يبقى هتعمل كل طقم سماكته تختلف عن ال قبله بمقدار 1من مائة وحتى واحد من الف .........الاحسن يتشاف الكرنك ويتوزن على مخرطة الكرنكات وبعدين تتقاس الخلوصات وتتعمل عليها السبيكة وبكده يبقى الشغل تمام لان انت ممكن تلاقى كل ركبة من ركب الكرنك بمقاس مختلف عن الاخر يبقى ازاى هتيجى على طقم سبيكة مقاسه هيكون مش متضبط عليه مع ان المقاسات مختلفه اوك انا معاك بس ياترا هتبقى كل فرده من فرد السبيكة مضبوطه مع الركبه ال تحتيها .........اكيد لا طبعا لان ممكن تلاقى ركبه اكبر من ركبة بفارق 1 من مائة 2 من مائة واكيد طقم السبيكة هيجى كل فرده سبيكة فيه بنفس المقاس بمعنى ان مقاس الطقم السبيكة مقاسه واحد بس ممكن كل طقم مقاسه مختلف بس الطقم نفسه هتكون مقاساته اد بعض ارجو وضوح الصورة ............كل المعنى ان لازم يبقى الكرنك موجود لحظة خرط السبيكة علشان الخلوصات ..............لان الشركة العملت السبيكة عملت منها مقاسات مختلفه اوك بس ركبة الكرنك هتلاقى واحدة زياده ربع مللى وواحده نص مللى واى كرنك كبيره ثلاث خرطات وكل خرطة ربع مللى يعنى لو ركبه جابت مللى يبقى غير كرنك وال سهل جدا انها تيجى لو لدع سبيكة اثناء السير ال هوا لازم الموتور يقف فى نفس اللحظه ال لدعت فيها السبيكة وطبعا الموتور عقبال ما يقف من حركه الموتوسكل هيكون جاب ال مللى كامل فشكرا للكرنك .............خالد2010
بقولكوا ايه انا هقوم انام بكره نكمل لو كنا من اهل الدنيا
تمام يا خلوووووووووووووووووود تصبح على خير ... وننتظر مداخلة دياب
الموضوع اسهل من كده بكتير وهنا بيبان اللى عنده خبره
انت لو فيه تاكل ف الكرنك بتخرطه كله بسماكه واحده يعنى مش تخرط ركبه وتسيب ركبه (مينفعش)
وبتظبط الخرط على مقاسات السبايك اللى بعد الاستاندر ف اول خرطه
وهكذا
أضافة بسيطة للمعلومات القيمة:
ركب الكرنك يبقي مطلي هارد كروم و كذلك السبيكة و نظرية التشغيل أن في طبقة زيت رقيقة جدا بين الكرنك و السبيكة
المصنع يبقي عارف سمك طبقة الهارد كروم علي الكرنك كام مللي و بالتالي ينتج سبائك مناسبة بعد الخرط مثلا .10 و .20 و .30
و للعلم في منطقة باسوس قرب القناطر في ناس متخصصة في تزويد الكرنك بطبقة الهارد كروم (لو تجاوز نسبة الخرط المسموح بها) و ده ناجح في المعدات الثقيلة لأنه أوفر بكثير من تغيير الكرنك
أعتقد أن عملية تزويد الكرنك لا تصلح للبايكس لأن مواتيرها لفات سريعة جدا
و نقطة أخري مهمة و هي أن بلوك الموتور الألومينيوم مع الحرارة يحدث به بعض الأعوجاج البسيط جدا مما يؤدي أنك تبقي خارط الكرنك 100% و السبائك جديدة و تفاجئ بأن بعد الرباط ركبة قافشة أكتر من الأخري
لذا الميكانيكي الشاطر لازم يراجع نسبة الخلوص لكل ركبة علي حدة و لو لزم الأمر يصحح نسبة الخلوص الناتج عن أعوجاج البلوك و هنا الخطأ الشهير حيث يقوم الميكانيكي بصنفرة السبيكة أو الكرنك مما يؤدي لتأكل طبقة الهاردكروم و فشل العمرة بعد فترة قصيرة
الحل الصحيح أنك تعمل أستعدال للبلوك زي كده عملية مسح وش السلندر و كذلك الخراط يستطيع أستعدال الكراسي و مراجعة أستدارة الكراسي
و طبعا لا تنسي السبيكة الجانبية لأن تأثيرها هام جدا
الغلطة الأخيرة هي أنه لازم تغيير طرمبة الزيت أو علي الأقل أصلاحها حتي تضمن ضغط زيت جيد بعد العمرة
و برضه من الأخطاء الشائعة أنك تغمر السبيكة من غير ما تعمر السلندرات
علشان الموتور يعيش لازم تغيير البساتم (بتكون عملت بيضاوي) أو لو مش متوفرة ممكن أنك تعمل شمايز جديدة بعد ما تضبط الداير بتاع البساتم و طبعا طقم شنابر جديد و عيش يا معلم مع موتورك الزيرو
تحياتى للاخ تيتو تقريبا نفس المعنى ال انا اقصده انك هتجيب طاقم السبيكة الجديد وال مقاسه المصنع غيره طبقا لظروف التشغيل ال مر بيها المحرك وطبعا الكرنك لو اتخرط الخرطه والركبه تم طلائها تانى هتشتشغل بس مش هترجع زى الاول بمعنى ان الموتور صوته هيخشن لان اكيد بعد رباط مسامير الكراسي هتيجى تلف الكرنك هتلاقيه يلف نص لفه خفيف ونص لفه تقيل وده ال بيخلى صوت الموتور مش بيرتل كويس او مش واقف سلنسيه تمام بس ميتهيئليش ان البلوك ممكن يحصل فيه انعواج لان الزيت دائما بيبقى مغطى منطقه الكرنك بالكامل علشان كده لو الفارغه اتكسرت او الكارتيرة حصل فيها شرخ بتتلحم على البارد علشان البلوك ده مش بيستحمل درجه الحرارة العاليه
قصدى ان لما السبيكة بتتصنع لازم يكون الكرنك موجود علشان الخراط يضبط الخلوصات قصدى بخرط السبيكة ال هيا وقت تصنيعها
خلوووووود2010
بجد الواحد بدا يستفاد من الموضوع ده بطريقة جميلة جدا بجد الحمد لله فهمت حاجات كتير
انا بقى وبلا فخر مش فاهم حاجه خالص فى الموضوع :) بس ده طبعا مش عيب فى الموضوع ده عيب فيا انا
دي شهادة أعتز بها من حضرتك
و بجد أنا أستفدت كثيرا من خبرة حضرتك و مجهودات حضرتك القيمة مع الجميع و لمجرد حب المساعدة لا غير
لذا أرجو تقبل تحياتي و تقديري لشخصية محترمة مثل حضرتك
علي حسب ما فهمت من مشاركة الأخ خالد : هو يقصد أنه بيرسل البلوك و الكرنك للخراط و يقوم الخراط بتجليخ و أستعدال الكرنك (اذا لزم الأمر) ثم (و خد بالك من دي) يقوم الخراط بتوفيق طقم سبيكة و أحيانا يقوم بقص سبيكة المصانع الحربية
طبعا ده منتهي العك لأن الخراط مش عارف مواصفات المصنع و لا عارف نسبة الخرط المسموح بيها و لا عارف أن نسبة الخلوص بين الكرنك و السبيكة في البايكس أقل من السيارات و أماكن مجري الزيت مختلفة يعني النتيجة النهائية تكون كارثة بكل المقاييس
و بعد كده تستغرب أن العمرة عاشت فترة قصيرة
أنا من أنصار تغيير الموتور بالكامل تجنبا لأخطاء الصانيعية و عدم وجود أدني مستوي من العلم لديهم و طبعا التكلفة علي حساب البيه الزبون و يقولك أصل أنت أللي ضغطت جامد علي الموتور علشان كده السبيكة رزعت تاني
أرجو قبول مشاركتي دي من حبي لجميع الأعضاء و حرصي علي أموالكم و لا أقصد أن أضايق أي أحد
بل بالعكس أنا مستعد للتعاون معكم في معرفة خراط و أعطائه البيانات الصحيحة لأي موتور (و دي معلومات في الورك شوب مانيوال)
و في النهاية أهم حاجة هو الميكانيكي أللي حايستلم الشغل من الخراط : لو عنده معرفة و ضمير حاتفرق كتير جدا و الموضوع مش مجرد خبرة في الفك و التركيب
ده شيئ يسعدني أني أتواجد مع حضراتكم
مين يلاقي صحبة حلوة و تشرف و في نفس المجال أللي بحبه من أكتر من 25 سنة ركوب موتوسيكلات من أول ألزد50 و مرورا بالسي بي أن أل400 و العديد من المكن الأخر من أول 1986 و حتي الأن
سأحاول المساعدة بقدر الأمكان و أن شاء ألله أكون جدير بصحبة حضراتكم
نورتنا يا استاذ tito يارب تكون معانا على طول
يا تيتو ياااا جامد
مشكور يا باشا و ربينا يكرمك على المعلومات الحلوة دى.
رفع للأهمية
جميل جداً ما شاء الله بس نفسى أعرف حاجة؟
هل بيبان ان السبيكة بايظة عن طريق صوت الموتور ولا بيبقى فيه حاجة تانية
بجد ارجو التوضيح ؟ و جزاكم الله خيراً
طبعا صوت واضح جدا عبارة عن ترزيع في الجزء الأسفل من الموتور و يزيد كل ما تزود بنزين
و علي فكرة الغشاشين لما يحبوا يلبسوا واحد مبتدئ في موتوسيكل جايب سبايك يضعوا في الموتور زيت فالفالين (زيت تقيل جدا يستعمل في فتيس السيارات) يقوم يكتم صوت الترزيع بدرجة كبيرة
و بالتالي عند شراء موتوسيكل أول حاجة تعملها تشد مقاس الزيت و تشوف جودته و لزوجته أيه
لو لقيته فالفالين يبقي تجري و تسيب الموتوسيكل ده تماما