اية دمشق دي وفين
وعايز واحد بتاع اكسسوارات كويس وامين في المهندسين او الهرم عايز اركب ليدات وجهاز اسباي 2
وجهاز سينسور كويس
وعايز اسم جهاز سينسور كويس واهم حاجة الاسعار من فضلكم
معليش طلباتي كتير ومنجد عرابيات ممتاز لو سمحتم
عرض للطباعة
اية دمشق دي وفين
وعايز واحد بتاع اكسسوارات كويس وامين في المهندسين او الهرم عايز اركب ليدات وجهاز اسباي 2
وجهاز سينسور كويس
وعايز اسم جهاز سينسور كويس واهم حاجة الاسعار من فضلكم
معليش طلباتي كتير ومنجد عرابيات ممتاز لو سمحتم
فيه 2 دمشق واحد مصر الجديده وواحد مهندسين
طبعا حضرتك اكيد اصدك علي بتاع الاكسسورات ودا في مصر الجديده مش ف مدينه نصر ولو تحب الوصف اقولك
ياريت الوصف تفصيلي لو سمحتم
وارجو الرد على باقي التفاصيل
بص ياسيدى لو انت من ناحية وسط البلد تاخد كوبرى اكتوبر الى رايح عالمصرالجديدة و تنزل من نزله الزيتون الى هى بعد نزله غمرة و العباسية بشوية هتكمل فالشارع ده عالطول هتلاقيه شارع ضيق اتجاه واحد فى الاخر خالص هيوسع و هتلاقى المترو على يمينك و قصر الطاهرة عالشمالك برضه هتكمل عالطول هتلاقى كوبرى قصر الطاهرة تتطلعه هتنزل من الكوبرى تاخد كيرف شمال مع العربيات و تكمل عالطول هتلاقى صينية بعدها اشارة تكمل عالطول بعد الاشارة هتلاقى اشارة روكسى ممكن تسال من هناك هيدلك مية واحد
تمام ياريس وممكن بردو هوا بيقول المهندسين يعني تمام كوبري اكتوبر ووصفك تمام
وممكن بردو تاخد اكتوبر لاخره وتنزل تاخذ اول يوتيرن شمال تلف وتدخل يمين الشارع اللى على ناصيته قاعه الموتمرات
وعلى طول فى الشارع هيقابلك كوبرى اطلعه وانزل الكوبرى خليك يمين اول اشاره ادخل يمين وعلى طول بردو تلاقى نفسك فى مصر الجديده على شمالك الميرلاند ويمينك مطعم فرحات كدا كمل اول يمين بعد المطعم وعلى طول وان شاء الله توصل
وممكن من صلاح سالم بردو تدخل النفق اللي فوق عند بيت مبارك قديما:d المهم عدي ومتنساش تسلملي علي ابو علاء لو موجود :d (بهزر طبعا) تعدي هناك وتاخد اول يوتيرن شمال وتدخل الشارع اللي فوق النفق يمين وتكمل لغايه التقااطع وتدخل يمين بردو وتاخد الشارع علي طول لغايه متلاقي الميلاند علي شمالك ومطعم فرحات يمينك وعموما الشارع دا مشهور ولو توهت اسال عنه وهوا شارع الخليفه المأمون ودا من اشهر الشوارع في مصر الجديده المهم الميلاند علي شمالك كمل علي طول وهاتبقا في شارع دمشق
ياريت يكون الشرح بتاعي واضح اصل المشكله في الوصف مش اوي :(
انصحك بالتوفيقية اسعارها احسن و فيها محلات كتير اوي و انت تحكم بنفسك علي اللي انت عاوزو