تركيب فرش لسيارتى الصنى عند "جينز كار"

السادة الاعضاء المحترمين,
السلام عليكم و رحمة الله و بركاته,

اولا اود ان اشكركم لجهودكم الجبارة و مواضيعكم الممتازة التى د فعتنى لشراء السيارة الصنى و الاعجاب بها قبل قيادتها من مواضيعكم عنها.

ثانيا بعد استلام السيارة فكرت فى موضوع الفرش للحفاظ على الفرش الاصلى و للحصول على شكل افضل,فبعد بحث متعمق و من خلال مو اضيعكم قررت الذهاب الى جينز كار لسماعى من خلال منتداكم و من اخرين عن جودة و اتقان اعمال فرش السيارات عنده و حيث اننى اسكن بجواره ذهبت يوم الخميس الى المكان و قابلت المهندس احمد مشعل مدير الشركة, واللهى رجل فى قمة الاحترام و الذوق ومهما قلت مش هاوافيه حقه بصراحة,

المهم المهندس احمد شرحلى انواع الفرش المختلفة و الفروقات بينهم و عرض صور لاعمال منتهية بعد التركيب فعلا خامات ممتازة و متينة قوى مشفتهاش قبل كده و من ثم ساعدنى فى اختيار انسب نوع و لون للسيارة و للظروف التى سيتعرض لها الفرش و كان محترف بصراحة, صرحتله بمخاوفى من اعادة كل شىء الى ما كان عليه و احكام صناعة الفرش و تقفيله طمننى و قاللى "العربية بتاعتى لغاية لما تطلع من عندى" و فعلا صدقته بعد ما شفت الشغل, اتفقنا على التكلفة و الموعد و قاللى انه هيستغرق 5 ساعات.

ذهبت فى اليوم المتفق عليه و فعلا ابتدا الشغل فى السيارة فى الموعد المحدد و انتهى تقريبا فى نفس الوقت المتفق علىه, فعلا اتحدى لو حد عرف يفرق الفرش عن المصنع, شغل محترف و دقيق الى ابعد حد و تقفيل محكم بعناية فائقةلدرجة ان اهلى و اصدقائى لما ركبوا معايا معرفوش انوا فرش و انوا مش بتاع المصنع و اللهى الله يباركلهم, اول مرة اعمل حاجة عند حد فى مصر و امشى مبسوط.

ده غير المعاملة الاخوية من جميع العاملين و خاصة المهندس احمد, طبعا الراجل واللهى احرجنى بذوقه وعمل معايا واجب كبير قوى و قام باعطائى هدايا و خصومات متعددة:

1.خصم خاص لما عرف انى عضو فى نايل موتورز.
2.طارة هدية فخمة للغاية من الجلد المستوردللدركسيون.
3.فرش من الجلد لشنطة السيارة.
4.فرش جلد للهاند بريك بنفس لون الفرش.
5.فوط تلميع و معطرات للسيلرة.

واللهى احرجنى بذوقه و كرم اخلاقه ده غير تاكيده الضمان على الفرش 4 سنين, الشركة فى 6 شارع محمد زعفان من شارع الطيران فى مدينة نصر الشارع اللى بجوار بنزينة شل الطيران امام مسجد نورى خطاب و تليفون 0199999753 او0127423977 .

اسف للاطالة و فعلا انصح اى حد عاوز يركب فرش تماما كفرش السيارة او افضل انوا يعملوا هناك و اترككم مع بعض صور الفرش.

اخوكم/ مهندس احمد فؤاد.

http://www.nileup.com//uploads/image...8b40e2f6d7.jpg

http://www.nileup.com//uploads/image...f6311aa4a0.jpg

http://www.nileup.com//uploads/image...2571baa65e.jpg

http://www.nileup.com//uploads/image...f01baf5793.jpg

http://www.nileup.com//uploads/image...82c0205d85.jpg

http://www.nileup.com//uploads/image...9b91b73b18.jpg

http://www.nileup.com//uploads/image...6845f0b48b.jpg

http://www.nileup.com//uploads/image...ccc7f7c350.jpg

http://www.nileup.com//uploads/image...82befef364.jpg

http://www.nileup.com//uploads/image...1884b5e734.jpg

ما شاء الله ربنا يبارك لك فى الفرش وفى السيارة اللون حلو جداً، أنا تقريباً عملت نفس الفرش ده بس مع اختلاف الألوان لأن عربيتى دهبى، فعلاً جينز كار محدش بيعرف يفرق شغله عن الشغل الأصلى

ربنا يباركلك فيها نضيفة اوى بسم الله ما شاء الله

اللة ينور عليهم

طبعا حاجة تحفة ربنا يباركلك فيها أهم شىء

معلش ممكن تقولنا سعر الفرش ده كام

ياريت تقولنا اتكلف كام

و لو فيها غلاسه ممكن تليفون و عنوان المكان ده

جميل جدا وسعره كام

بسم الله ما شاء الله
ممكن تقولنا السعر

انا كنت هناك امبارح عند جينز كار وشوفت الشغل عندهم و بصراحة شغلهم نظيف اوي وعندهم ضمير وزوق واخلاق عالية اوي واتفقت اركب فرش جلد عندهم وادوني ميعاد علشان التركيب بكرة ان شاء الله

ماشاء الله

جميل ما شاء اللـه , ألف مبروكـ

مبروك عليك
وتسلم ايديهم على الفرش الرائع فعلا فرش اصلى اصلى ما فيش فرق

الف الف مبروك ياباشا علي الفرش الجديد و فعلا نيسان تستحق الافضل دائما ً و هو تركيب الفرش عند جينزكار .. ناس محترمين و شغلهم متمكنين منه باحترافية
مبروك مرة تانية

الف الف مبروك على الفرش
و بجد ما شاء الله جميل جدااا
و ربنا يباركلك فيه

بسم الله ماشاء الله
ربنا يبركلك

شكرا جزيلا لكل امانيكم الطيبة و جزاكم الله خيرا,اما بالنسبة للتكلفة فهى بتختلف حسب الخامات المختارة و نوع الخياطة و حجم العربية و هو بيتم بالاتفاق مع المهندس احمد, عنوانهم 6 شارع عمر زعفان من شارع الطيران مدينة نصر بجوار بنزينة شل الطيران امام مسجد نورى خطاب تليفون:0127423977-0199999753-22616675

ياباشا فاهمين والله كل الكلام دا
احنا عاوزين نعرف الفرش اللى حضرتك ركبته بكاااااااااااااااااااام

يعنى برده عايزين نعرف الفرش ده بالأخص إتكلف كام بحق ربنا

ونكون شاكرين

معلش يا جماعة بعد اذن اخونا العضو صاحب الموضوع ارد في نقطة سعر الفرش :

بالنسبة لموضوع السعر يا جماعة بيختلف تماما من فرش لأخر و مش الفرش بس بل شكل الخياطات و الخامات المستخدمة في الفرش

ليه بقي :

لأن ممكن حضراتكوا تعملوا نفس الفرش ده بالظبط عند جينزكار لكن بخامات اقل او بخامات اعلي
فالسعر هنا مش هيفرق معرفته لحد خالص لأن بنفس شكل الفرش ده ممكن نعمله بجلد سميك او جلد رفيع و بيكون نفس اللون
و الخياطات ممكن تكون مخفية و ممكن تكون خيط واحد و ممكن يكون خيطين موازيين

فنرجوا عدم الضغط علي صاحب الموضوع في معرفة السعر لأن اكيد برده جينزكار طلب ده لأن الاسعار في الاسواق دلوقتي اصبحت متضاربة و السوق مش ثابت علي سعر معين في موضوع الجلد او المنتاجات عامة

فاللي عايز ركب فرش عند جينزكار لأنك ممكن تختار زوق تاني خالص لما تلاقي المعروض هناك


و اللينكات ديه ممكن تساعدكوا اكتر :

http://www.nilemotors.net/Nile/204172-a.html


http://www.nilemotors.net/Nile/212111-a.html

ارجوا ان تكون وضحة وجهة نظري للجميع ..

شكرا

اوك مفيش مشاكل
بس انا مثلاًَ عاوز اعمل فرش زى ده بالظبط
المفروض ابقى عارف هيتعمل بكام برضه
عشان اشوف اذا كان الموضوع كويس من ناحية السعر ولا لأ

اقتباس:

---

المشاركة الأصلية كتبت بواسطة wardet

اوك مفيش مشاكل
بس انا مثلاًَ عاوز اعمل فرش زى ده بالظبط
المفروض ابقى عارف هيتعمل بكام برضه
عشان اشوف اذا كان الموضوع كويس من ناحية السعر ولا لأ

---

حضرتك الاسعار موجودة في الموضوع ده :

http://www.nilemotors.net/Nile/203522-a.html

مبروك شغل نضيف جدا ربنا يباركلك فيه

الف مبروك وعلى فكره عملت فرش لاوكتافيا عند جينز كار من يومين وقابلت الباشمهندس احمد راجل قمه فى الذوق والاحترام وعمره مازعل زبون لاحظت كدا بصراحه من اسلوبه بالنسبه للشغل رائع ولايختلف عن الفرش الاصلى فى شىء ومش خساره ابدا تكلفته وبالنسبه للاسعار بتختلف حسب الخامه ونوع الخياطه والراجل بيقوم بالواجب مع اعضاء المنتدى بصراحه .شخصيا كل ماانزل مدينة نصر لازم اعدى عليه بصراحه ممكن يكون صديق قبل اى شىء

التمسك بعدم ذكر السعر حول الموضوع لموضوع دعاية بيور
لإنى لو حابب أشارك إخوانى على المنتدى وأفدهم هقولهم أنا عملت الفرش ده بكذا , وأخدت تخفيض كذا وتفاصيله كذا . إنما كده وضحت

وشكرا للدعاية لجينز كار

اقتباس:

---

المشاركة الأصلية كتبت بواسطة modisallam

التمسك بعدم ذكر السعر حول الموضوع لموضوع دعاية بيور
لإنى لو حابب أشارك إخوانى على المنتدى وأفدهم هقولهم أنا عملت الفرش ده بكذا , وأخدت تخفيض كذا وتفاصيله كذا . إنما كده وضحت

وشكرا للدعاية لجينز كار

---

الموضوع ليس للدعايه ولايحزنون وليس من الائق ان تتهم احد بذلك وسهل جدا انك تراسل احد على الخاص وتسأله وموضوع السعر ليس بذات الاهميه لكل الاعضاء .فيه اعضاء لاتفضل عمل فرش من الاساس وفيه ناس بتفضل يعنى من الكماليات اما الاسعار بتختلف حسب نوع العربيه والخامه والخياطه وممكن حضرتك تريح نفسك وتجيب طقم جاهز من التوفيقيه وتركبه وخلاص طالما انت شايف اننا بنعمل دعايه فى النهايه اذكرك بحديث شريف .الدين النصيحه .ولن اقبل اعمل دعايه لاى شخص غلى حسابى وممكن حضرتك توصل لغاية هناك وتتفرج وتحكم

اقتباس:

---

المشاركة الأصلية كتبت بواسطة aboamr

الموضوع ليس للدعايه ولايحزنون وليس من الائق ان تتهم احد بذلك وسهل جدا انك تراسل احد على الخاص وتسأله وموضوع السعر ليس بذات الاهميه لكل الاعضاء .فيه اعضاء لاتفضل عمل فرش من الاساس وفيه ناس بتفضل يعنى من الكماليات اما الاسعار بتختلف حسب نوع العربيه والخامه والخياطه وممكن حضرتك تريح نفسك وتجيب طقم جاهز من التوفيقيه وتركبه وخلاص طالما انت شايف اننا بنعمل دعايه فى النهايه اذكرك بحديث شريف .الدين النصيحه .ولن اقبل اعمل دعايه لاى شخص غلى حسابى وممكن حضرتك توصل لغاية هناك وتتفرج وتحكم

---

أخى الفاضل
انا لازلت غير مقتنع تماما بإنى لما أعرض حاجة انا عملتها ولما الناس تقولى دى بكام ,أقولهم روحوا إتفرجو. لإن هى دى أصول الدعاية للمكان.

وما المانع إن الإخوة يقولوا السعر علشان الدين النصيحة , وانا فى سؤالى عن السعر طلبت مساعدة ونصيحة من أخ وهو لم يجيبنى. أعتقد ان المنتدى لخدمة الأعضاء وليس لخدمة الشركات.

ولازال طريقة العرض وإخفاء السعر تعد أقوى نوع دعاية لجينز كار

وعلى ما اتذكر فيه احد الأعضاء عرض الفرش بتاعه وقال ده سعره كذا

أعتقد إنه أستاذ أحمد مشرف القسم

انا مش فاكر قوى

i think the prise different from person to person not from car to car

اقتباس:

---

المشاركة الأصلية كتبت بواسطة modisallam

وعلى ما اتذكر فيه احد الأعضاء عرض الفرش بتاعه وقال ده سعره كذا

أعتقد إنه أستاذ أحمد مشرف القسم

انا مش فاكر قوى

---

الموضوع لايستحق كل الضجه حول الاسعار شخصيا ماحدث معى فى اوكتافيا a4 لاسعاركانت بتيدأ من 700 جنيه حتى تصل الى 1500 جنيه واذا اردت عمل خياطه معينه زى الموجوده فى الموضوع بتزيد التكلفه 200 جنيه وفرش الارضيه يبدا من 200 حتى 400 جنيه . بالنسبه ليه اخترت افضل خامه والغرزه الكبيره واخترت لونين فى الجلد وفى الحساب عملنا خصم معقول حوالى 12 فى الميه وزياده على كده المهندس احمد عمل لنا فرش للشنطه زياده والكونسله كمان وهدايا زى 2شماسه وفوط وروايح وواقف معاك لغاية مايسلمك الشغل بنفسه واتنين من العمال يظبطوا العربيه من الداخل لتنظيف الابواب والتابلوه يعنى فعلا بتستلم العربيه صالون زيرو

يا جماعة الموضوع مش مستاهل, اسعار الفرش للصنى بتتراوح بين 700 و 1500 جنيه حسب الخامات و الخياطة بتتكلف 200 جنيه زيادة و تخفيض نايل موتورز حوالى 10 الى 15 % ده غير الهدايا و الموضوع كله واللهى من باب النصيحة علشان مكان كويس فعلا و لا موضوع اعلان و لا غيره و شكرا لجميع السادة الاعضاء المحترمين.

ايوه يعنى حضرتك دفعت كاااام برضه

الي الاعضاء المهتمين بمعرفة سعر الفرش
قم بإرسال رسالة خاصة للاستاذ afaali و سيكتب السعر للي هيسأل عليه علي الخاص فقط لا غير