معايا ساجا أوتوماتيك

**amazingahmed** · 11-05-2011 10:26 AM

بسم الله الرحمن الرحيم والصلاة و السلام على سيدنا محمد

باركولي ياجماعة أنا استلمت الساجا الأوتوماتيك من منسي كار امبارح الساعة 12 بالليل. جربت فيها كل حاجة بناء على نصائح الأعضاء الكرام و جربتها لفة قبل ما أستلمها كمان و أخدتها روحت بيها و أنا الفرحة مش سايعاني.
الصراحة الأستاذ أحمد منسي كان في منتهى الذوق و الأخلاق و كان كل شوية يسألني لو عندي ملاحظات.
بس كنت خايف و انا بسوقها لأني كان معايا دايو ماتيز صغيرة جدا و ملهاش وش أو ضهر. لكن الساجا بالنسبة لي لسة كبيرة.

العربية كانت عاملة 76 كيلو بس هي كانت لسة جاية المعرض فأعتقد ده رقم معقول.

القعدة فيها حلوة وواسعة جدا من جوة و الناس اللي قاعدين على الكنبة مستريحين جدا.

التكييف بسم الله ما شاء الله جامد.

الهدوء جميل جدا لما تقفل الشباك و ماتحسش باللي بره.

السحب ما يخذلش اللي سايق العربية.

بس أنا حسيت أن العفشة ناشفة شوية و الباور تقيل سنة صغيرة مش كتير.

الحاجة الوحيدة اللي مضايقاني هي المرايات. مش عارف أتعود عليها خصوصا مراية الصالون بحس أن العربيات داخلة تركب على الكنبة .

لسة الترخيص بإذن الله على يوم السبت لما ورق العربية ييجي. دلوقتي أنا بس معايا إقرار استلام للسيارة من المعرض.

لو سألتوني العربية تشبه ايه من العربيات التانية.. أنا في رأيي إنها تشبه الأفيو.

شوية صور على الماشي و معلش علشان دي كاميرة موبايل

**MohssenRashed** · 11-05-2011 10:35 AM

مبروك و ربنا يديك خيرها ان شاء الله

متنساش تظبط هوا الكاوتش عشان كده هتلاقي العفشه ناشفه و الباور مش مظبوط و ياريت تحط نيتروجين.

**hashad14** · 11-05-2011 11:01 AM

الف مبروك ياباشا وربنا يكفيك شرها ويديك خيرها وشويه شويه حتتعود على المرايات هى مش ظبطه معاك عشان ابعاد العربيه جديده عليك

**amazingahmed** · 11-05-2011 11:16 AM

المشاركة الأصلية كتبت بواسطة mohssenrashed

مبروك و ربنا يديك خيرها ان شاء الله

متنساش تظبط هوا الكاوتش عشان كده هتلاقي العفشه ناشفه و الباور مش مظبوط و ياريت تحط نيتروجين.

الله يبارك فيك.
إن شاء الله هحطلها نيتروجين بس مش عارف منين. أنا في منطقة عين شمس و مصر الجديدة. يا ترى فيه حد قريب؟؟
بس النتيروجين هحطه بعد الترخيص لأني خايف و أنا ماشي بيها طرزان كده حد يغلس عليا ولا يعمللي مشكلة فمش عاوز أمشي بيها كتير

**amazingahmed** · 11-05-2011 11:25 AM

المشاركة الأصلية كتبت بواسطة hashad14

الف مبروك ياباشا وربنا يكفيك شرها ويديك خيرها وشويه شويه حتتعود على المرايات هى مش ظبطه معاك عشان ابعاد العربيه جديده عليك

الله يبارك فيك. فعلا الأبعاد غريبة أوي بالنسبة لي. أنا كنت راكب عربية صغيرة و كنت بعدي بيها ما بين عواميد الجراج اللي في الشركة و كنت بعقد الناس. دلوقت أنا مش عارف أركن أساسا لكن السنسور بارك هايل. و قاعد عند أخو مراتي في مدينة نصر اليومين دول علشان في عين شمس مش لاقي مكان في الجراج و خايف أسيبها في الشارع. أصلي تعبت كتير في فلوسها فخايف جدا يحصلها حاجة و أنا أساسا إنسان قلوق.

**Tarek Gen 2** · 11-05-2011 01:40 PM

الف مبروك و ربنا يباركلك فيها و حافظ عليها عشان تحتفظ عليك و الحافظ هو الله طبعا

و شارك معانا بقى كدة :)

**amazingahmed** · 11-05-2011 02:02 PM

المشاركة الأصلية كتبت بواسطة tarek gen 2

الف مبروك و ربنا يباركلك فيها و حافظ عليها عشان تحتفظ عليك و الحافظ هو الله طبعا
الله يبارك فيك. اللي أنا خايف منه الناس اللي معندهاش ضمير و تروح راكنة لزق في اكصدام العربية أو الناس المؤذية اللي ممكن يجرحوها أو يخبطوها.

و شارك معانا بقى كدة :)
أنا معاكم على طول الخط

بجد نفسي العربية تنتشر لأنها حلوة فعلا و تستاهل و انتشارها هيكون له مميزات كتيرة لكل ملاكها و ياريت كل واحد فعلا يشارك بالمعلومات اللي عنده عن العربية علشان الناس تستفيد و اللي عاوز يشتريها يعرف مميزاتها و عيوبها.

**Nistelrooy** · 11-05-2011 02:17 PM

الف مبروك وان شاء الله تتبسط بيها :)

**midosalah** · 11-05-2011 02:19 PM

الف مبررو ك العربية ربنا يباركلك فيها ويكفيك شرها متنساش بعد فترة كده تقولنا ايه ظروف استهلاك البنزين معاك
ومتنساش فعلا تظبط ضغط الكاوتش لان المعارض بتملى الكاوتش جامد علشان العربية بتبقى واقفة فترات كبيرة مبتتحركش

**amazingahmed** · 11-05-2011 02:27 PM

المشاركة الأصلية كتبت بواسطة nistelrooy

الف مبروك وان شاء الله تتبسط بيها :)

الله يبارك فيك. متشكر.

الموضوع: معايا ساجا أوتوماتيك

LinkBack

أدوات الموضوع

عرض

معايا ساجا أوتوماتيك - انشر الموضوع فى :

-

-

-

-

-

-

-

-

المواضيع المتشابهه

أفضل مكان لشراء ساجا أوتوماتيك ؟

بإذن الله نويت أشتري ساجا أوتوماتيك

كيا بيكانتو أوتوماتيك أم هيواندي i10 أوتوماتيك أم بروتون ساجا أوتوماتيك أم سوزوكيcele

بعد نجاح البرسونا معايا ساعدونى اجيب ساجا لاختى

معايا 70000 جنيه وعايز عربية أوتوماتيك وعاليه عن الأرض

الكلمات الدلالية لهذا الموضوع

المفضلات

المفضلات

ضوابط المشاركة