الموضوع: القيمة و القيمة مقابل النقود

الله ع الاسئله اللى تشغل العقل بكامل ال Rpm

بمقارنة اسعار السيارات التى ذكرتها باسعارها فى بلاد تحترم حكوماتها مواطنيها

اجدها و منذ سنوات بعيده .. اعلى هنا مره ونصف على الاقل

هذا المبلغ ندفعه لجيب وزارة " الماليه " حتى تسمح لنا بالتمتع بنقودنا

فى شراء ما نريده .

ارفض مبدا الجمارك الفاجره جملة و تفصيلا .. وان افتوا و افتوا .

رغم تمكنى من شراء كل ما ذكرت ماديا .. اتمسك بسيارتى و ارجعها جديده كل كام سنه ، و لا اديش النصابين دول 400000 من شقى عمرى

و حق اولادى . و منعول ابو المنظره و النفخه الكدابه و التكبر على خلق الله و التعالى .. اللى بيسببه ركوب هذه الافيال

معظم العربيات قبل ما تدخل المينا بتبقى good deal
بعد ما بتعدى المينا بتبقى very bad deal
بقدرة قادر كدة

انا مع استاذ مدحت منيب قلبا و قالبا و خصوصا ان المنظرة فى مصر بقت فى القدرة على دفع جمرك العربية و مش فى ثمن العربية نفسها علشان الجمرك اكتر من ثمن العربية مرتين (اتاوة و فردة من الحكومة).
فى ناس حاتقول ان الجمارك العالية دى علشان حماية الصناعة الوطنية او التجميع المحلى اى صناعة او تجميع محلى ؟!!!! الصناعة اللى الحكومة حمياها من اكتر من 10 سنيين و لسه مش قادرة تنافس ازاى مش عارف و لكن المشكلة و الازمة فى الضمير المصرى
انا من رائيى كفاية لخبطة و من كل فيلم اغنية و نتخصص فى حاجة عندنا قدرة على المنافسة فيها زى الزجاج و كراسى و فرش و ضفائر كهرباء الخاصة بالسيارات و اسطوانات الدبرياج (وان كانت من الصناعات الملوثة للبيئة) و غير كده بلاش منه خالص.

بصراحة عندك حق هي فعلا bad deal

اوافقك تماما....
انا شايف كام عربية ممكن نقول عنهم good deal
هوندا سيتى
ديهاتسو سيريون
هوندا سيفيك
بروتون جين 2
هيونداى ماتريكس
.... طبعا انا بتكلم فى فئة سعرية معينة اللى هى فى حدود امكانياتى .... بس السيفيك طبعا لازم احطها لانها هى سيارة احلامى ..

المشكلة ان قالولنا الجمارك لحماية الصناعة الوطنية و 45% مكون محلى و قتى كتير كده و فى الاخر كل دا طلع هجص و المكون المحلى بيحسبوا العمالة ب 15% و مش عارف الدهان بكام فى المية و فى الاخر كل اللى بيتصنع فى مصر خراطيم و بطارية و الفرق المهووووول فى السعر بين بره و اللى بتتباع هنا بتروح فى جيوب اصحاب مصابع العربيات لان مصنع العربيات مبيدفعش جمرك علشان تشجيع الصياعة قصدى الصناعة قال.
يعنى ال e-350 وصلت ل 818000, أنت متخيل ان المبلغ دا يجيبلك بره E-350 و s-500 الاتنين!!!!!!!!!!!!!!!
و قال ايه الs-500 تجميع مصرى و بتتباع ب 1379000 يعنى داخلة على مليون و نص و يقولك صناعة وطنية!!!!!!!!!!!!!!!!!!!!!!

أشكركم يا جماعة على مشاركتم و أتفق معاك يا أستاذ مدحت بس رغم إن الجمارك على الكل لكن أنا فاهم إن حضرتك تقصد إن الفئات الكبيرة من العربيات جماركها غير واقعية بزيادة كمان عن العربيات المعقولة.
هوا الحقيقة أنا في رأيي الشخصي العربيات الياباني و الكوري تأتي على رأس قائمة السيارات الـ good deals و ميمنعش إن في بعض السيارات الأوروبية برضه لكن تأتي بعد الياباني و الكوري.