مشاكل فى الاوبترا

**mamin104** · 11-05-2011 03:28 PM

بسم الله الرحمن الرحيم

انا عندى اوبترا مانيوال 2009 حاليا عاملة 23,000 الف كيلو وعندى بعض الاستفسارات من الاخوة الافاضل ارجو المساعدة:

1- فى اول 5000 بدأت اسمع صوت ونة بسيطة مع الدوس على الدبرياج ومع الصيانة قالولى دى حاجة عادية ومع اصرارى غيروا بلية الدبرياج واللفايف و عملوا عمرة دبرياج ومشيت بيها شوية بس كدة ظهر الصوت تانى ومش عارف دة فعلا بلية ولا حاجة تانية وبصراحة مارحتش لنفس التوكيل اللى على الصحراوى تانى لانى بعد كدة بقيت اعمل الصيانة فى مقار الدقى لانة اقرب وقالولى لازم ترجعلهم تانى. هل دة حاجة خطيرة ومؤثرة ولا عادى

2- اول مادور العربية الصبح أو بعد فترة من الركنة باسمع صوت زى كركرة خفيفة كدة نقدر نشبها بصوت العربيات الجاز بس على خفيف جدا وبعد العربية ماتسخن وامشى بيها الصوت بيختفى. انا سألت فى الصيانة المهندس قالى دة عادى عشان مش عارف الزيت بيوصل للموتور ولا اية . المهم ان الصوت دة ماكنش بيحصل فى اى عربية تانية انا باسوقها حتى لو باردة.. ممكن صوت الموتور يبقى عالى اة لغاية ماتسخن لكن الصوت دة بالشكل دة لأ. برضة مش عارف دة اية.

3- باحس ان الفتيس سايب شوية . يعنى وانا واخد الغيار وماشى ودوست فرامل او زودت السرعة فجأة الاقى عصاية الفتيس بتتحرك وهى فى نفس مكان الغيار طبعا بس زى ماتقول بالبلدى بتلق كدة.

4- مشكل ارتفاع صوت العربية عند تشغيل التكييف ولو على الاول او مارشدير (مثلا عند الركنة) لما اتفضل تحضن وتدوس دبرياج كتير وغيار ورا وقدام ساعتها باسمع صوت زئير ويهدى تانى ودة والتكييف شغال بس لكن من غير تكييف مافيش الكلام دة.

5- سماع صوت تنفيس عند لف الدركسيون على الاخر سواء يمين او شمال. الصوت بيكون من عند العجل ومهندس التوكيل قالى عادى عشان زيت الباور. برضة انا مش عارف دة فعلا طبيعى ولا اية.

انا اسف على الاطالة وشاكر لمشاركات حضراتكم.

**MIGOS** · 11-05-2011 05:43 PM

صديقي ليس لي خبره بالفتيس العادي ولكن بالنسبه للبند (1) اذهب لفرع التجمع الخامس بناءا على نصائح الساده الاعضاء.
بالنسبه للبند (2) موجود عندي وملاحظ انه موجود في أغلب مواتير شيفروليه وأعتقد بسبب عزم المواتير العالي ولكنه موتور محترم وليس هوا موتور النوبيرا
بالنسبه لبند (4) ده صوت طبيعي لان التكييف بيأخذ من عدد أحصنة الموتور وبالتالي بيزود الحمل عليه لتلبية القدره المطلوبه منه.
بالنسبة لبند (5) كلام الوكيل مظبوط وشيء عادي تأقلم معه.
أنصحك تعمل الصيانات في مواعيدها وتغير الزيوت والقطع المطلوب تغييرها في مواعيدها وبقطع أصليه نظيفه وعلى قد ما تحترمها وتصونها تصونك
وأخيرا نصيحه لوجه الله تأكد من انك مش سايق بي إم ولا هوندا وكل حاجه على قد فلوسها ولكن السياره ممتازه بالنسبه لثمنها وعن نفسي (أعشقها من كل قلبي ودي أحد ابنائي لأنها رقم 2 بينهم).
وربنايباركلك فيها

**mamin104** · 12-05-2011 10:41 AM

المشاركة الأصلية كتبت بواسطة migos

صديقي ليس لي خبره بالفتيس العادي ولكن بالنسبه للبند (1) اذهب لفرع التجمع الخامس بناءا على نصائح الساده الاعضاء.
بالنسبه للبند (2) موجود عندي وملاحظ انه موجود في أغلب مواتير شيفروليه وأعتقد بسبب عزم المواتير العالي ولكنه موتور محترم وليس هوا موتور النوبيرا
بالنسبه لبند (4) ده صوت طبيعي لان التكييف بيأخذ من عدد أحصنة الموتور وبالتالي بيزود الحمل عليه لتلبية القدره المطلوبه منه.
بالنسبة لبند (5) كلام الوكيل مظبوط وشيء عادي تأقلم معه.
أنصحك تعمل الصيانات في مواعيدها وتغير الزيوت والقطع المطلوب تغييرها في مواعيدها وبقطع أصليه نظيفه وعلى قد ما تحترمها وتصونها تصونك
وأخيرا نصيحه لوجه الله تأكد من انك مش سايق بي إم ولا هوندا وكل حاجه على قد فلوسها ولكن السياره ممتازه بالنسبه لثمنها وعن نفسي (أعشقها من كل قلبي ودي أحد ابنائي لأنها رقم 2 بينهم).
وربنايباركلك فيها

شكرا لحضرتك .. انا فغلا باعمل الصيانات فى مواعيدها والصيانة الجاية 25000 انشاء اللة هاعملها فى فرع التجمع .. اعتقد هو فى شارع 90 ورا بنزينة شل ... ارجو تأكيد المعلومة. بس انا عندى سؤال تانى انا باستخدم زيت موبيل 1 وبغيرة كل 10000 لكن لانى مش بسافر كتير بالعربية وتحركاتى لا تتجاوز الف كيلو فى الشهر ممكن الزيت يتغير كل 8 الى 10 شهور هل دة كويس للموتور ولا الافضل استخدم زيت كل 5000 وياترى اية اسمة ؟ شكرا جزيلا..

**engaass** · 12-05-2011 11:53 AM

فرع التجمع الخامس فى شارع ال90 خلف بنزينة شل أمام مستشفى القوات الجوية بس خلى بالك انه للصيانات الدورية فقط لانه مركز صغير يعنى ممكن يقولك روح فرع الهرم لو فيه مشكلة اكبر من قدرات المركز بس بصراحة المهندس اللى هناك ( م/ محمود فراج) والعاملين التعامل بتاعهم كويس جدا وبتبقى واقف شايف كل حاجة بنفسك ودى ميزة كبيرة جدا

**MIGOS** · 12-05-2011 01:22 PM

حكاية تغيير الزيت قبل ميعاده لها شروط مكتوبه في كتاب الضمان انك لو بتستخدم السياره في جر او سحب سيارات اخرى او تقودها في جو مترب. وبما انك مابتسافرش كتير يعني انت بتعمل كيلو متر قليل في اليوم فغير لزيت موبيل 5000 وسيبه المده بتاعته 5000 كيلومتر ومتخافش الزيت لما حددوله 5000 كيلو كان معمول حساب معاما أمان 20% يعني تقدر تمشي عليه 1000 كيلو زياده فمفيش داعي تغيره قبل ميعاده وبالتوفيق

**mamin104** · 12-05-2011 01:49 PM

شكرا ياباشا .. هو زيت ال 5000 اسمة اية فى موبيل ؟

**mamin104** · 12-05-2011 01:50 PM

المشاركة الأصلية كتبت بواسطة engaass

فرع التجمع الخامس فى شارع ال90 خلف بنزينة شل أمام مستشفى القوات الجوية بس خلى بالك انه للصيانات الدورية فقط لانه مركز صغير يعنى ممكن يقولك روح فرع الهرم لو فيه مشكلة اكبر من قدرات المركز بس بصراحة المهندس اللى هناك ( م/ محمود فراج) والعاملين التعامل بتاعهم كويس جدا وبتبقى واقف شايف كل حاجة بنفسك ودى ميزة كبيرة جدا

ياترى لازم اتصل احجز الاول وياريت لو مع حضرتك رقم التليفون يبقى كتر خيرك ..

**engaass** · 12-05-2011 02:04 PM

المشاركة الأصلية كتبت بواسطة mamin104

شكرا ياباشا .. هو زيت ال 5000 اسمة اية فى موبيل ؟

mobil xhp

**engaass** · 12-05-2011 02:05 PM

المشاركة الأصلية كتبت بواسطة mamin104

ياترى لازم اتصل احجز الاول وياريت لو مع حضرتك رقم التليفون يبقى كتر خيرك ..

لازم تتصل برقم الخدمة الموحد اللى هو 16424 قبل ما تروح عشان تحجز

الموضوع: مشاكل فى الاوبترا

LinkBack

أدوات الموضوع

عرض

-

-

-

-

-

-

-

المواضيع المتشابهه

مشاكل بالجمله فى الاوبترا

حصر مشاكل الدايو: استهلاك البنزين. (مشاكل-اسباب-حلول). والموضوع مفتوح للمناقشة.

مشاكل متكررة فى الاوبترا

استفسار عن مشاكل الاوبترا 2009-2010

شوية مشاكل في الاوبترا

الكلمات الدلالية لهذا الموضوع

المفضلات

المفضلات

ضوابط المشاركة