رصد |الاسكندرية| مظاهرة الوحدة الوطنية من امام مكتبة الاسكندرية منذ قليل
عرض للطباعة
رصد |الاسكندرية| مظاهرة الوحدة الوطنية من امام مكتبة الاسكندرية منذ قليل
صاحب الموضوع واضح إنه ملئ بالتعصب لكل ما هو غير مسلم أو بالأخص لكل ما هو غير سلفى
أنت رجل محترم ...
----------------
يَا أَيُّهَا الَّذِينَ آَمَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ
بلاش كلنا نصدق أى خبر من الإعلام أو الصحافة اليومين دول قبل ما نتأكد منه.
منهج الصحافة و الإعلام دائما هو "الإثارة" ...
أنا لسه شايف الموضوع حالا على فكرة
وليا تعليق على كل الي بيتقال ده انه بيحصل عند المكتبة
أنا الأسبوع ده من يوم السبت لحد النهاردة كان عندي امتحانات ميد تيرم فالمجمع ... و كنت باطلع لمحطة الرمل يوميا بأشوف محل معين ليا شأن فيه و باروح من عالبحر و باركن عربيتي في شارع سوتر والموقف يتلخص في الآتي :
حصلت مظاهرتين بس أولهم ثاني يوم بعد أحداث امبابة وكانت مظاهرة وحدة وطنية ووقفت فيها نصف ساعة بعد ما خلصت امتحاني و كنت ماسك مصحفي و طلبه في دفعتي من الإخوة الأقباط كانوا رافعين صلبان وبكل موده و احترام متبادل كانت وقفة محترمه و مشرفة ومافيهاش اي نوع من المشاحنات غير واحد قبطي فضل يزعق شوية و الأقباط سكتوه و المسلمين مافتحوش بقهم حتى بمجرد شافوا الأقباط سكتوه
و يوم الأربعاء كان في وقفة مطابقة ليها بالظبط
و بالنسبة للنهاردة في واحدة كبييييييرة قوي عن الإثنين و كانت متنوعة الأغراض مش مجرد للوحدة الوطنية
أما ما يشاع عن ان الأقباط سدوا السكة و عمدوا للبلطجة وما إلى ذلك ده كلام عاري تماما من الصحة .... ووقف الطريق بس كان امبارح بالليل من بعد العشاء تقريبا لتركيب إشارات رقمية علشان بيعملوا داخلة تحل أزمة المرور مباشرة من البحر لشارع سوتر دوغري و النهاردة الصبح اشتغلت الإشارة .....
وبرضه لتوضيح الوضع في الإسكندرية حصلت الأسبوع ده مشاحنات في الشوارع و جانب الأقسام بس حالات تتعد على اليد الواحدة وكانت أعمال بلطجة موش أعمال حكرا على الأقباط ......
أنا مسلم ...... و أسهل ما أقدر أقوله أن الأقباط بيدمروا في مصر و الإشاعات المغرضة المحرضة للفتن دي ...... بس ده ما يرضيش أي مسلم حق لإنه كلام عاري من الصحة...و في القرآنالكريم ربنا قال : والفتنة أشد من القتل ....
وبالمناسبة والله أنا بعد أحداث إمبابة سبحن الله عندي جيران مسيحيين كانوا عزلوا و بييجوا على البيت بتاعهم بيبصوا عليه باوقف أهزر معاهم و نضحك و ده حصل تاني يوم من أحداث امبابة وانا ما كنتش شوفتهم من قبل الثورة حتى وهم من المتدينين جدا جدا و سنهم مابين سن والدي لسن إختي الصغيرة و ما حسيتش اي تغير في تعاملاتهم و حتى ما كانش في بالي اني ممكن الاقي تغير.. و زملائي من الأقباط في الكلية والله على وفاق و روح عالية من الإحترام في التعامل معايا و مع كل اصحابي المسلمين ...
كل الكلام عن الأقباط و المسلمين بالسوؤ والله ماهو إلا الأيادي القذرة لأعدائنا من بقايا النظام و المفسدين و مش بعيد تكون ليهم يد عون خارجية .....وبتكمل من نشر الأخبار دي من متشددين و أغلبهم جاهلين للأسف...
يــــــــاريت نحاولوا ننتقي الصدق في كل ما ننشره او نقوله لإننا محاسبين أمام الله على كل ما نقوله
بلاش كلنا نصدق أى خبر من الإعلام أو الصحافة اليومين دول قبل ما نتأكد منه.
منهج الصحافة و الإعلام دائما هو "الإثارة
ياريت ده يكون المنهج فى تناول سيل أخبار الهجوم على التيار الاسلامى !!
- مهم أوي في الفترة الحالية التثبت كويس من أي خبر قبل نشره و شبكة رصد دي مطعون في مصادقيتها لأنها بتهول الأحداث
- كل مشايخ المسلمين و علماءهم بيقولوا إن واجب علينا التهدئة لتفويت الفرصة على من يريد جر البلد للفتنة الطائفية و عدم الاستقرار
بس منتظرين من الكنيسة الأرثوذكسية فعل نفس الشيئ مع الأقباط