الموضوع: قدر الله و ما شاء فعل... الحمد لله (كنت و سأظل احترم السيراتو)

المشاركة الأصلية كتبت بواسطة aaet1

ياباشا قدر الله وما شاء فعل والحمد لله فى الأول والآخر والمهم الشخص مش الحديد
حاجة تانية وزى ما أنا شايف من الصور أعتقد طبيعى ان الإيرباج ما يفتحش لأن الخبطة مش واصلة لجوه، كلها من الوش ومن فوق والحساسات عادة بتبقى غاطسة لجوه وعلشان تفتح الإيرباج لازم الخبطة بعد الشر وربنا يعافينا تاكل وش العربية لجوة أكتر بكتير من اللى فى الصور والله أعلم

حاجة تانية تخلى الإيرباج ما تفتحش لو الشخص مش لابس الحزام

المشاركة الأصلية كتبت بواسطة abouleila

الف سلامة على اختنا يا غازى وقدر الله وماشاء فعل

افتكرت دلوقتى لما حكيتلى فى التليفون واستغربنا ان ليه الايرباج مفتحش
وهو الجواب جه.....من اشرف باشا فعلا علشان الحزام مكنش موجود .

و هى مكنتش لبسه الحزام .

الايرباج المفروض يفتح حتى لو الحزام مش مربوط عشان هو Passive System مش زى الحزام active system .. يعنى مش بيحتاج اى تدخل من السواق او اللى ركاب العربية عشان يبقى شغال.
بس الايرباج نظام supplement او مكمل للحماية اللى بيقدمها الحزام واللى هو بيعتبر نظام الحماية الاساسى فى العربية وهى بتعتبر خط الدفاع التانى فى الحوادث .. عشان كدا لو الايرباج فتحت والحزام مش مربوط بتبقى خطيرة جدا وممكن تؤدى للوفاة لقدر الله.

والله اعلم.