هى دى أخرتها معاك ؟؟
ليك يوم يا راجى ... :D
رقم العضوية : 8279
تاريخ التسجيل : 01Apr2008
المشاركات : 123
النوع : ذكر
الاقامة : مصر
السيارة: دا نا غلباااااااااااان
السيارة[2]: Renault Logan BlackLine 2012
دراجة بخارية: لايوجد
الحالة :
الحكاية بدأت من حوالى سنتين....
العفش بينزل من على العربية النقل...
وأنا واقف فى البلكونة.. وبسأل أمى (اللى كانت واقفة تنشر الغسيل): هو فى حد هيسكن هنا ولا إيــه يا أمـي؟
قالتلى: آه يا حبيبى دي الشقة اللي قصادنا
قلتلها: ويا ترى عرسان جداد ولا عيلة وبتعزل؟
قالتلى: والله يابني مانا عارفة
قلتلها: طيب.. يا خبر النهارده بفلوس.. بكرة يبقى بفلوس أكتر..
و بعد أسبوع......
أمى واقفة بتنشر الغسيل بردو.. وأنا واقف جنبها بردو.. وبتقوللي: مش السكان الجداد وصلوا خلاص
قلتلها: يا شيـــــخة!
قالتلي: اه.. مرات الراجل عدت عليا انهارده وسلمت عليا وعرفتنى بيهم
قلتلها: إيــه بقى عرسان جداد؟؟
قالتلي: لأ، دول أسرة.. عندهم ولدين وبنت
قلتلها: خير.. خير.. (والشر بيبظ من عينيّا)
و أثناء الحديث الشيق ده..
طلعت مامت الولاد م البلكونة.. ولما شافت أمي هزت راسها - بتسلم على أمى يعنى -.. وطبعا أمى ردتلها الهزة - بترد السلام يعنى -
وبعدين طلع ولد صغير ابتسم لنا أول ما شافنا....
أصل البلكونة فى وش البلكونة ... بس باين عليهم ناس طيبين أوي...
المهم.. الأم ندهت لبنتها...
الحقيقة أنا كنت أول مرة فى حياتى أسمع الاسم اللى هي ندهت بيه..
أول مرة أعرف أن فيه بنت اسمها كده أصلا...
الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم أوى... وبدعي ربنا تكون رُفيدة حلوة زي اسمها..
وطلعت روفيدة من ورا الستارة فـى حركة Slow Motion من بتاعة الأفلام..
وأنا متنح تتنيحة سودة... رُفيدة طلعت أحلى من اسمها.. جميلة جمال لا يوصف... ناصعة البياض..
مش قادر ارفع عيني من عليها.. مينفعش ارفع عيني من عليها أصلا...
فضلت متنح لحد ما شافتنا أنا وأمي..
لما شافت أمى ابتسمت لها..
ولما شافتنى زى ما تكون شافت عفريت ودخلت على جوه جري...
وتمر الأيام..
ومشكلتي أن البلكونة بتاعتنا تدخلها من أوضتي.. عشان كده فى الرايحة والجاية أبص اشوف روفيدة واقفة ولا لأ..
ساعة ما ألاقيها واقفة.. أطلع البلكونة..
مرة اعمل نفسى بتكلم فى التليفون.. أو بشم الهوا مثلا -مع إن الدنيا تراب وعفرة- أو بلعب عشر ضغط.. أى تلكيكة والسلام
الغريب أنها كانت فى الأول لما تشوفني تروح داخلة جري على جوة..
لكن بعد فترة لاحظت إنها مكانتش بتدخل أول ما تشوفني.. وكانت بتفضل واقفة هى كمان...
بقيت فى عز الشمس أقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفي بالابتسام وعلامات الخجل...
و ف يوم من ذوات الأيام..
بشاورلها.. شاورتلي
بقيت هطير م الفرحة.. روفيدة شاورتلي ياجدعان...
قعدت اطنطط ع السقف وأقول وحياة قلبي وأفراحه..
و هبا إيـه هبا آاه.. إن شاء الله هنظبط
إمتى بقى أتكلم معاها ونهظر سوا...
لحد ما جه اليوم...
أنا راجع م الكلية.. وعلى أول الشارع شفت أمي واقفة مع مامت روفيدة..
والمفاجاة: روفيدة واقفة معاهم
لقيت نفسي بجري زي شخصيات الكرتون.. نصي التحتاني بيجري قبل نصي الفوقانى تشووووووووو...
لحد ما بقيت عندهم.. عرقان طبعا وبنهج وحالتي حالة...
نزلت عليهم زي الباراشوط..
إزيك ياماما.. إزيك يا طنط عاملين إيه...
وبصيت لروفيدة.. كانت بصّالي وبتضحك..
كانت زي القمر اليوم ده.. ولابسة تي شيرت حمالات -أصل الجو كان حر أوي اليوم ده-
قلتلها: ازيك يا روفيدة؟!
وكان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد إيديها وبتسلم عليا...
وبتقولى: الحمد لله.. ازيك أنت؟؟!
رحت مسلم عليها....
وقلتلها: الله يسلم قلبك يا روح قلبي..
و رحت بايس إيديها....
و رحت شايلها...........
و قلتلها: إنتى عندك كام سنة بقى؟؟
قالتلى عندى 3 سنين
رحت بايسها تانى وأنا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وأنا وروفيدة أصحاب... كل ما تطلع البلكونة نلعب ونهزر مع بعض
ههههههههههههههههه :D:D
[mn7ot2]http://media.farfesh.com/b06122153726.jpg[/mn7ot2]
رقم العضوية : 1021
تاريخ التسجيل : 19Jun2007
المشاركات : 762
النوع : ذكر
الاقامة : القاهرة
السيارة: لا يوجد
السيارة[2]: Yaris 08\AT\HO
دراجة بخارية: لا يوجد
الحالة :
هى دى أخرتها معاك ؟؟
ليك يوم يا راجى ... :D
رقم العضوية : 3195
تاريخ التسجيل : 14Nov2007
المشاركات : 2,838
الحالة :
هههههههههههههههههههههه
مسخرة بجد
الف الف شكر
[SIZE="2"]i'll miss everyone[/SIZE]
رقم العضوية : 351
تاريخ التسجيل : 29Apr2007
المشاركات : 818
النوع : ذكر
الاقامة : Damietta
السيارة: tiida
السيارة[2]: logan
دراجة بخارية: honda
الحالة :
ماشى يا عم .....صباح الاشتغالات
..mokhtar..
رقم العضوية : 1124
تاريخ التسجيل : 23Jun2007
المشاركات : 1,453
النوع : ذكر
الاقامة : The Republic of Mine
السيارة: nothing
السيارة[2]: toyota corona 92
الحالة :
ههههههههههههههههههههههههه ههههههههههههههههههههههههه هههههههه
يا راجل خلتني كنت مستني دعوة الفرح ههههههههههههههههههههههههه ه
كل شويه أقول حيعزمنا دلوقت ههههههههههههههههههههههههه ههههه
يلا تتربا في عزك ههههههههههههههههههههههههه ههههههههههه
رقم العضوية : 3554
تاريخ التسجيل : 04Dec2007
المشاركات : 1,653
النوع : ذكر
الاقامة : Egypt
السيارة: ------------------
السيارة[2]: -------------------
دراجة بخارية: ------------------
الحالة :
والله سيبت ركبيوقلتلها: الله يسلم قلبك يا روح قلبي..
و رحت بايس إيديها....
و رحت شايلها...........
و قلتلها: إنتى عندك كام سنة بقى؟؟
وفي الاخر طلعت 3 سنين
رقم العضوية : 7360
تاريخ التسجيل : 12Mar2008
المشاركات : 5,819
النوع : ذكر
الاقامة : EGYPT - TANTA
السيارة: LOGAN 2011
السيارة[2]: nothing now
دراجة بخارية: no
الحالة :
هههههههههههه
تصدق كنت فاكرها عندها 4 سنين ..
:):)
رقم العضوية : 3891
تاريخ التسجيل : 29Dec2007
المشاركات : 3,655
النوع : انثى
الاقامة : القاهرة
السيارة: لا يوجد
السيارة[2]: Daihatsu Sirion GLX 2008
الحالة :
ما شاء الله.. الموضوع واضح انه خد منك مجهود واضح
طيب يا سيدي عقبال الموضوع اللي بجد اللي بتعزمنا فيه على فرحك انت و رفيدة حياتك ان شاء الله :)
رقم العضوية : 302
تاريخ التسجيل : 28Apr2007
المشاركات : 1,013
النوع : ذكر
الاقامة : jeddah/ المعادى
السيارة: اسبرانزا
السيارة[2]: ستروين
الحالة :
فعلاً انا كنت اعتقدت اننى اقرأ قصة روميو وجوليت او قيس وعبلة طلع قصة راجى وروفيدة 000 بس تصدق انا صدقت فى الاول وكنت مندمج بس ضحكت عليه فى الاخر عموما الف مبروك وعقبال القصة الجاية
رأى صواب يحتمل الخطأ ورأى غيرى خطأ يحتمل الصواب
رقم العضوية : 842
تاريخ التسجيل : 01Jun2007
المشاركات : 5,773
النوع : ذكر
الاقامة : Cairo , Egypt
السيارة: Fiat Palio 1.2 FIRE - 2006
السيارة[2]: Hyundai Elantra GL 2012
دراجة بخارية: مكواة بخار
الحالة :
lol
وانا قعدت اقول العضو ده حيترفد قريب :)
nice one :)
المفضلات