سؤالين في العفشة و الموتور (405)

السلام عليكم يا رجالة البيجو

أنا عندي سؤالين أولهم أنا كنت قريت مرة هنا في المنتدى إن عفشة ال 405 فيها رجلاش عشان الواحد يعلي أو يوطي العربية شوية ... فأنا كنت عايز أسأل هو الموضوع ده صحيح وهل سهل إنه يتعمل والواحد يروح عادي لعافشجي يعملو ؟؟

السؤال التاني أنا عندي العربية لو مشغل التكيف و طالع مطلع مثلا و حارق عالنقلة شوية و مش شرط حتى أكون طالع مطلع أو مشغل التكيف بس لما أكون حارق على نقلة شوية بحس العربية بتنتش كده أو بتقطع ساعات ... مع إني لسة مغير فلتر البنزين و ظبط الكربراتير بس برده مفيش فايدة فـهل دي بوجيهات بقى ولا إيه ؟؟

و ألف شكر مقدما للي هيرد :16:

رجلاش يعلى ويوطي العربية ازاى يعنى مفيش الكلام ده
اما بالنسبة للتنتيش فأعتقد مشكله كهربا راجع الاسبراتير والمشط

ألف شكر يا هيرو باشا ... هو أنا زي ما قلت موضوع تعلية وتوطية العربية ده كنت قريت حد اللي قال عليه هنا بس أنا مش فاكر رجلاش أو إيه بالضبط يعني ... طب هو مفيش طريقة الواحد يوطي بيها العربية شوية ؟؟ أصل العربية عندي عالية قوي ؟