عربيتى 2004 لسا شريها من اسبوع المشكلة ان عداد السرعة بيشتغل وبيقف برحته غيرت الصباع الى فى الفتيس نفس المشكلة قائمة ولمبة التشيك بتنور كل ماالمؤشر يقف ومش عارف اعمل ايه هل اوديها التوكيل واقرب مركز يكون كويس ليا ممكن عنوانه انا فى شبرا
عرض للطباعة
عربيتى 2004 لسا شريها من اسبوع المشكلة ان عداد السرعة بيشتغل وبيقف برحته غيرت الصباع الى فى الفتيس نفس المشكلة قائمة ولمبة التشيك بتنور كل ماالمؤشر يقف ومش عارف اعمل ايه هل اوديها التوكيل واقرب مركز يكون كويس ليا ممكن عنوانه انا فى شبرا
طالما لمبة التشك بتنور حط العربية على الاسكنر هيطلع العيب على طول
بس هى بتنورلما العداد بيقف والعداد بيقف كل فترة مش على طول
يعنى اية يقف
يعنى تبقى ماشى وبعدين تقف مثلا فى اشارة تلاقى اللمبة نورت ولا اية؟؟
لا مواشر السرعة هو الى بيقف وانا ماشى وبعد مايقف المؤشر بنص دقيقة لمبة التشيك تنوار وبعدين بيشتغل
لمبة التشيك تطفى
المشكلة ده مشكلة ترس السرعة فى الفتيس
هاتشترية gm من عند اى حد وتروح لميكانيكى شاطر هايفك الكبلن وهاينزل زيت الفتيس ويركب الترس الغلانه ده تاخد ساعة ساعة ونص وبسيطة وغير الزيت بالمرة
الميكانيكى فك الصباع الى فى الفتيس راكب فى صباع تانى بس فى ترس بلاستيك وطويل وسليم هل قصدك على ده ولا فى ترس تانى داخل الفتيس
الاسكانر بيقري الاعطال المخزنة علي الكنترول يونت وطالما لمبت التشك نورت اذا العطل خزن علي الكنترول يونت وممكن للاسكنر كشفه بمنتهي السهولة
ضع السيارة علي الاسكانر واقراء الاعطال المخزنة
قصدى على الصابع اللى جوا الفتيس
تغيره سهل بس شوف الجهاز هايقولك اى برده
ممكن تدلونى على مركز صيانة يشوف لنا العيب ده عشان محدش عارفى العيب فين مركز يكون كويس
الحمدلله العيب اتعمل انا روحت مركز خدمة تكنو وان
وطلع ان الفيشة مش ركبة كويس وكشف عليها بالكمبيوتر
ودفعت 150جنية
حصلت معايا مره ومخدتش فإيد الميكانيكي عشر ثواني
ومش فاكر وقتها إنه أخد مني فلوس أساسا
إنما 150 جنيه دي نصب وسرقه أعذرني
حلوه كشف عليها بالكمبيوتر دي
طيب تفتكر إداها مضاد حيوي في العضل ولا لأ ؟
150 جنييييييييييييييه ليييييييييييييييييييييييي ييييييييييييييييييييه
150ج عشان كشف اسكانر وركب فيشة كويس
امال لو غير حساس كان عمل اخد كام 1000ج (لاحول ولا قوة الا بالله ناس معندهاش ضمير ولما بتصدق حد معندوش خبرة )
المشوار دة كبيرة كبيرة 30ج عشان بس حطها على اسكانر ولو كان وصل للعطل من غير اسكانر مكنش خد فلوس المفروض .
حصلت معايا فى فيشة حساس الجكمان اتفك ومش لاقى الطرف التانى روحت لواحد طلعة ووصل الفيشة ومرضاش ياخد ولا مليم وقالى روح ياعم الله يسهلك طريقك وحلف ما ياخد اى حاجة ربنا يبعدنا عن النصابين.
يالا الواحد مبيتعلمش بالساهل وربنا يعوض عليك معلش الموقف استفزنى جدا................
هو فين محمد السيد دة اللى فى الدقى يا رجالة يعنى فى رقم تليفون وعنوان .
وجزاكم الله خيرا
مبروك علي الاصلاح ومعلش دفعت كتير بس العلام مش ببلاش كان جانبك الحرفيين من علي الدائري وعندك واحد مشهور اسمه عسكر بياخد 50 جم كشف اسكانر