الموضوع: تحذير لأهالى العاشر من رمضانمن التعامل مع بنزينة مجاورة 24

المشاركة الأصلية كتبت بواسطة lovedbaby

تحذير من التعامل مع بنزينة (مصر للبترول) مركز الحى الثالث أمام مجاورة 24
الحكاية بالتفصيل للاستفادة.....

البداية إنى فى يوم زى أى يوم لمبة البنزين نورت روحت أمون العربية
مون ياعم ....كام يا باشا ...فول 92 ركزو قوى 92 والعربية لانسر 2007
مونت العربية وطلعت من البنزينة يدوب مشيت 4 كيلو ولقيت العربية بتسقف
اتصلت بالميكانيكى وحكيتله قالى ده أكيد البنزين مالهاش حل تانى قولتله يمكن علشان كنت ماشى ب 10 لتر بس قالى لأ لو كدة كانت المشكلة دى ظهرت قبل ما تمون
رجعت البنزينة قولت للراجل اللى مونها الموضوع كذا كذا قالى ازاى ياباشا ده البنزين ده لسة جاى امبارح واحنا خدنا عينة من العربية قبل ما تفضى فى البنزينة وإن الناس كلها بتمون من الصبح ومحدش اشتكى....اشمعنا عربيتك(الصراحة الناس كلها شغالة تمون قدامى ومحدش جه اتكلم)
قاللى كل اللى أقدر أعملهولك أنى اخد عينة من المسدس وأشوفها ...جاب شوية من المسدس وحطهم على معجون كدة وقالى البنزين سليم ومافيهوش مية ولا شوائب
المهم قولتله أنا الكلام ده ما يلزمنيش أنا مونت العربية من عندكو وبعد ما مشيت حصل اللى حصل
طبعا الرجالة كلهم سابونى أكلم فى نفسى ومحدش عبرنى
روحت قولتلهم فين مدير المحطة أو صاحبها قالولى قاعد فى الكافيه
روحتله وسألته حضرتك صاحب المحطة ؟:oc_sun1[1]: أيوة أنا صاحب المحطة ..خير
حكيتله الموضوع كله...قالى ازاااااى ...ازاى الكلام ده يحصل عندى ده أنا كل أسبوع بطهر التانكات كلها وكل عربية بتفضى فى المحطة باخد منها عينة ولجنة من التموين كل شوية موجودة فى المحطة وعملى فيلم هندى كبييييييير
المهم توصلنا لحل إننا هانفضى العربية من البنزين اللى فيها ونشوف بعد كدة
فتحنا طبة التنك وفضينا البنزين (طبها زى أى تنك بيبقى فيه شويه رواسب تحت فى التنك) المهم الرواسب نزلت وفضينا التنك .....نعمل ايه يا حدعان دلوفتى....قالو هانمون العربية تانى ونحط فيها منظف انجيكشن
لقيت واحد من اللى شغالين فى المحطة قاللى ما تحطش فيها 92 حط 90
ساعتها بقى اتأكدت إن البنزين فيه حاجة غلط
المهم مكنش فيه 90 حطينا 92 على أساس إن العيب كان فى العربية وإن التنك ما كانش نضيف
دورت العربية وطلعت ....نفس المشكلة موجودة المهم رجعت البنزينة واتخانقت مع صاحب المحطة وعملت مشكلة ...ساعتها كان فيه واحد معرفة جه ..قالى كدة كدة مش هايطلعوا نفسهم غلطانين وكلم واحد(شغال فى بنزينة تانية وبيتعاملو مع البنزينة دى ) وأنا واقف يحكيلو على الموضوع رد عليه وقالو انهم عاملين مشكلة مع البنزينة دى علشان المنتج بتاعهم وحش

المهم بعد ده كلو روحت لميكانيكى قالى مشكلتها بنزين ..قولتلو أنا فضيت التنك ومليتها تانى قالى خلاص نجيب الموضوع واحدة واحدة
طلعنا فلتر البنزين ونضفناه......غيرنا بوجيهات..يص على كهربة الموتور...وصلنا العربية بجهاز check الجهاز ماطلعش مشكلة...الميكانيكى قاللى ما أنا قولتلك البنزين قولتله أمرنا لله فضينا البنزين تانى من العربية
طبعا العربية كانت فول تانك (يعنى بــ 90 جنيه بنزين )

وروحت جيبت بنزبن من بنزينة تانية وحطينا البنزين الجديد ... العربية رجعت زى الفل
اللى مضايقنى فى الموضوع كله إنهم فى البنزينة يوهموك إنهم فى مستشفى شغالين يقولو التنكات بتطهر كل أسبوع وكل عربية بيتاخد منها عينة ومش عارف الخبير البهنساوى كل يوم بييجى يفحص وكلام من بتاع الافلام ده

أنا اسف على الموضوع الطويل بس حبيت إن الناس تستفيد
حسبى الله ونعم الوكيل........

السلام عليكم
ارجوك اتصل بجهاز حمايه المستهلك ليهم قوه و بيتصرفوا فى الحاجات اللى زى دى و اعمل محضر فى اقرب نقطه و الشوشره هتجيب نتيجه ان شاء الله \متسبش حقك
دمت بخير