اين تباع خوذ vega في مصر؟
عرض للطباعة
اين تباع خوذ vega في مصر؟
هو حضرتك ساكن فين علشان نقدر ندلك علي المكان
اسأل عند احمد فهمي اللي في العجوزة بعد نعمة اللي جنب مستشفي الشرطة وانتا رايح علي اليمين بعد مطلع الكوبري خش اول يمين في يمين في شمال وبعدين هاتلاقي ناصية عندها محل عز العرب ادخل الشارع ده و بعدين اسأل فين احمد فهمي
شكرا جزيلا
بس فاصل معاه في السعر
بصراحة انا كنت عامل ميزانية 500 جنيه لأن انا كنت عايز اجيب ls2 لأن خامتها معقولة و سعرها معقول و اقتنعت بيها اكتر بعد ماعملت بحث عنها و لاقيت انها شركة محترمه و كمان واخده ال ece 22.05 و ده المعيار الاوروبي الموازي للdot في امريكا و بتتباع في اوروبا و امريكا كمان لكن المشكلة العجيبه و الغريبه اللي انا مش فاهمها لغاية دلوقت ان المقاسات الmedium منها غير متوفره ليه مش عارف و كل مااسأل ملاقيش غير large و x large فقط طيب و المقاسات التانيه فين ؟!!!!!!!!!!!!!!!!!!!!!!!!!!!!!!!!! لو حد يدلني الاقي ls2 مقاس m فين؟ بس حد يكون غير ابو حوا لأن ابو حوا عنده ls2 بس large و x large فقط علي فكرة معظم الناس اللي بتشتري خوذة مابيسألوش او بيهتمو بمسألة المقاس الكل بيدور علي شكل حلو و تكون مريحه لما يلبسها و طبعا ده اكبر غلط لأن الخوذة لازم تكون محكمه علي الرأس و طبعا موضوع ازاي نعرف مقاس كل رأس ده اتكلمنا فيه قبل كده
اسأل عند احمد فهمى او نبيل فى صقر قريش
الاتنين عندهم LS2 بس مش عارف عندهم m ولا لأ
و لو لقيت سعر index قريب ... اشتريها .. انضف منهم
أنا اللى لبست لبسة تمام فى حكاية المقاسات دى..مكنتش اعرف إن المقاس بيفرق أوى كده و البياع إدانى مقاس l
و بعد كده عرفت إن مقاسى المناسب m ... و بفكر أبيع الخوذة دلوأتى و أجيب m
لا أنا إن شاء الله هبيعها و أنا حاططها فى قسم البيع و الشراء
http://www.nilemotors.net/Nile/220250-agv.html
و أريح دماغى و أجيب واحدة M أحسن و توسع مع الوقت ..منه لله بأه البياع المفروض كان يورينى ال M من الأول ..
شوفت الاعلان ما شاء الله خوذه شيك .. برضو الخوذه أشتريتها من تامركو و بعدها أشتريت واحد m بس فى المره التانيه غيرت الماركه و اللون الظاهر العيب فى البياع عندهم مش عارف يظبط موضوع المقاس .
خوذه عمليه .. و بالتوفيق فى البيع أن شاء الله .