غيرت الى زيت فسيكو 2000 اللى بيعمل 5000 كيلو ياترى ده كويس
ولا زيت الشركات الحكوميه مثل التعاون ومصر البترول نفس الجوده والكفاءة
لانى كنت حاطط زيت مصر البترول اللى بيعمل 10 الاف الكيلو واستخدمته لحد 8 الاف ولما جيت اغيره العامل قلى انه كويس وسالنى هو انت حاطط شل
استغربت وقلت يبقى زيت مصر للبترول محترم
ولى قريب شغال فى شركه مصر للبترول قالى ان الشركه هى اللى بتعبئ للشركات الاجنبيه الموجوده فى مصر
وقالى ان الزيت خامته واحده وقريبه من بعض
زيت فيسكو زيت محترم جدا وسعره معقول بالنسبة لباقى السوق ولكن اسمحلى انا مش بقتنع بأى زيوت من شركة مصر للبترول او التعاون ويمكن دة لأسباب قديمة نسبيا وموضوع حل الزيت والكلام دة لكن عموما كلام العامل مش مقياس بص انت للزيت بنفسك شوفه نازل لونه ايه وحط نقطة على اصبعيك السبابة والأبهام وشوف لزوجته اخبارها ايه
ده اللى بعمله وعموما لونه بيتغير بعد فترة اما اللزوجه ذات قوام متماسك
السلام عليكم ,
أنا بستخدم زيت فيسكو 5000 و الحمد الله كويس و مفيش منه مشاكل
الصراحة السيارات القديمة لا أنصحها بزيل أعلي من 3000 كم
والحديثة 10000 كم أي كانت الشركة
لون الزيت مش مقياس يا جماعة
الزيت الكويس لو اتحط في الموتور ومشي عليه 1000 كم وهو بيعمل 10000 كم هتلاقي لونه اتغير
الزيت اللي بيحتفظ بلونه ولمعانه دا زيت مش بيقوم بوظيفته اساسا
اللزوجة هي الأصل والأساس مش اللون
اما عن فيسكو فمعنديش تجربة معاه الحقيقة
تجاربي مع شل وحاليا بجرب كاسترول