دخان ابيض من الموتور؟؟؟؟

**ahmed2y** · 17-06-2011 10:46 AM

المشاركة الأصلية كتبت بواسطة mrastra

يعنى زى ما قلوا الاخوة الكرام 500 جنية بس لازم تكشف على الشمايز والوش يتعملة ردوية

يعنى اية ردوية

**HADEDA** · 18-06-2011 05:07 AM

يعنى ايه ردوية ويعنى اية شمايز؟؟؟؟؟؟؟؟

**ammora** · 19-06-2011 09:52 PM

المشاركة الأصلية كتبت بواسطة HADEDA

يعنى ايه ردوية ويعنى اية شمايز؟؟؟؟؟؟؟؟

الشمايز جمع شميز وهو قميص بالفرنسية والله اعلم

وهو االجزء المغلف لاسطوانة الاحتراق من الداخل ويتم تغييرها في العمرات نتيجة لاحتكاكها المستمر مع الشنابر اثناء دوران
المحرك
اما الردوية فلا ادري

**essamenen** · 20-06-2011 03:42 AM

المشاركة الأصلية كتبت بواسطة ammora

الشمايز جمع شميز وهو قميص بالفرنسية والله اعلم

وهو االجزء المغلف لاسطوانة الاحتراق من الداخل ويتم تغييرها في العمرات نتيجة لاحتكاكها المستمر مع الشنابر اثناء دوران
المحرك
اما الردوية فلا ادري:b4_033:

الشميز ده موجود فى بعض السيارات مثل البيجو ومش فى كل السيارات
الروديه هو عباره عن تطبيع للصبابات لاحكم الغلق والى بيعمله الخراط لان ممكن يكون الباب مش حاكم لما بيقفل

**mrastra** · 20-06-2011 10:18 AM

المشاركة الأصلية كتبت بواسطة essamenen

الشميز ده موجود فى بعض السيارات مثل البيجو ومش فى كل السيارات
الروديه هو عباره عن تطبيع للصبابات لاحكم الغلق والى بيعمله الخراط لان ممكن يكون الباب مش حاكم لما بيقفل

استئذان
الشمايز موجودة فى كل العربيات
بس البيجو الشميز بيتخلع ويركب غيرة
اما المحركات الاخرى بيتم خرطة

**essamenen** · 20-06-2011 03:11 PM

الشيميز بيتخلع زى ما حظرتك بتاول زى فعلا البيجو ولكن فى العربيات التانيه السلندر بيتحرك داخل فرغه الماتور ولما الجزء الى بيمشى فيه السلندر (الى بيمشى فى الشميز زى البيجو مثلا )بيوسع بيتخرط ونجيب سلندر اوسع جزء من الميلى بس مابيتسماش شميز لان فارغه الماتور حته واحده انا عندى عربيه 504 لما عملنلها عمره فعلا فيها شيميز وعندى 131 عملتلهل وش سلندر وروديه مفيهاش الى شميز موجود يعنى 131 ليها عدد خرطات معينه وبعدها يجب تغيير الفارغه او الماتور كله
هو كلامنا واحد بس الاختلاف فى المسميات فقط.
و تقبل تحياتى .

**mrastra** · 21-06-2011 11:33 AM

المشاركة الأصلية كتبت بواسطة essamenen

الشيميز بيتخلع زى ما حظرتك بتاول زى فعلا البيجو ولكن فى العربيات التانيه السلندر بيتحرك داخل فرغه الماتور ولما الجزء الى بيمشى فيه السلندر (الى بيمشى فى الشميز زى البيجو مثلا )بيوسع بيتخرط ونجيب سلندر اوسع جزء من الميلى بس مابيتسماش شميز لان فارغه الماتور حته واحده انا عندى عربيه 504 لما عملنلها عمره فعلا فيها شيميز وعندى 131 عملتلهل وش سلندر وروديه مفيهاش الى شميز موجود يعنى 131 ليها عدد خرطات معينه وبعدها يجب تغيير الفارغه او الماتور كله
هو كلامنا واحد بس الاختلاف فى المسميات فقط.
و تقبل تحياتى .

تسلم ايدك على الرد الجميل من انسان اجمل
بس هاضيف حاجة صغيرة .......مش لازم كل خرطة للشميز نجيب بستم اكبر وانما ممكن كل خرطة نشغل البستم الستنادرد ودة بيتم عن طريق خرط ( توسيع ) الفرغة وبعدين يتسقط شميز حديد جديد ستنادرد
وانا لسة عامل الموضوع دة عندى وشغلت البساتم الستاندرد لان كانت حالتها كويسة
تقبل مرورى

**essamenen** · 21-06-2011 07:43 PM

المشاركة الأصلية كتبت بواسطة mrastra

تسلم ايدك على الرد الجميل من انسان اجمل
بس هاضيف حاجة صغيرة .......مش لازم كل خرطة للشميز نجيب بستم اكبر وانما ممكن كل خرطة نشغل البستم الستنادرد ودة بيتم عن طريق خرط ( توسيع ) الفرغة وبعدين يتسقط شميز حديد جديد ستنادرد
وانا لسة عامل الموضوع دة عندى وشغلت البساتم الستاندرد لان كانت حالتها كويسة
تقبل مرورى

بينى وبينك موضوع العمرات ده انتا وبختك فيه المشكله ان الصنايعى مش هينفع تقعد على ايده اوعند اختبار وتغييلر اى جزء طبعا الجزء السليم لو الاستاندر يبقى تمام بس لو اتغير هتخش فى حوارات لان قطع الغيار مش خامه واحده و واجزاء العمره معمل التمدد لكل قطعه مختلفه عن الثانيه حسب نوعيه الشركه والماده الخام المصنعه منها لنا الله

**mrastra** · 22-06-2011 11:36 AM

فعلا كلامك مظبوط جدا وبنتغلب بدة عن طريق سمعة ورشة الخراطة ومدى امتلاكها لاجهزة قياس متطورة
انا عن نفسي اشتغلت فى منشاة الجندى للخراطة الميكانيكية وبمنتهى الامانة الناس دى ما بتهزش يفكروك بالالمان فى الالتزام .........لكن للاسف بيشتغلوا فى المعدات الكبيرة مثل المولدات والسفن صحيح ليهم فرع فى احمد بدوى مخصص لمحركات السيارات بس انا بامانة ما اتعاملتش معهام مباشر
عندك مثلا الزهار اللى فى المنطقة الصناعية بجسر السويس ودة بيمتلك اجهزة متقدمة سواء كانت اجهزة خراطة بى ال سي او اجهزة قياس
وفى النهاية تبقى المشكلة الازلية وهى قطع الغيار والخامات المستخدمة لان مصر بيدخل فيها اى منتج من اى بلد فى العالم بدون اى رقابة ولا تخضع لاى معايير جودة والسوق مليان بضاعة مضروبة لدرجة انى بقيت افضل الحاجة الصينى اللى مكتوب انها صينى احسن من التركى او الايطالى ومضروبة ...........نفسي يجى يوم يبقى الزبون عارف هو بيشترى اية .....انا النهردة معايا فلوس وعاوز اركب حاجة اصلى ( اوريجينال ) او انى هاكتفى بتركيب حاجة بلدا المنشا بتعها معروف ولكنها ليست اوريجينال او انى اجيب حاجة مصنوعة فى بلد تانى او انى اركب الصينى نفسي ابقى انا المتحكم وانما اللى حاصل انة اختلط الحابل بالنابل والضحية تملها بتكون الزبون
انا افتكر ان فى مرة واحد واقف يلين الموتور بتاعة الموتور نفخ وهو بيلين
وحصل معايا انى جبت دسك واسطوانة لعربية كنت عاملها عمرة اعد شهر واحد وباظو وكتير كتير من هذة الامثال لدرجة انة بقى اصعب قرار ممكن تخدة وانت بتصلح عربيتك اجيب قطعة غيار اية هل اجيب استيراد ولا جديد الاتنين اوحش من بعض
ربنا يصلح الحال ويولى علينا ناس تخاف ربنا بس والله هو دة المطلوب
تقبل تحياتى