بالصدفه وقفت عند توكيلات تويوتا وهوندا اللي على الدائري
ووجدت سعر السيتي الهاي لاين زاد من 129 ل 137
والتويوتا الياريس بقت ب 133
والكورولا الهاي لاين مش موجوده وهاتزيد ومش عارفين هاتزيد كام وهاتيجي امتى
وداعا السوق الياباني واهلا بالعملاق الكوري
عرض للطباعة
بالصدفه وقفت عند توكيلات تويوتا وهوندا اللي على الدائري
ووجدت سعر السيتي الهاي لاين زاد من 129 ل 137
والتويوتا الياريس بقت ب 133
والكورولا الهاي لاين مش موجوده وهاتزيد ومش عارفين هاتزيد كام وهاتيجي امتى
وداعا السوق الياباني واهلا بالعملاق الكوري
الياريس كانت ب 89 الف و باقت ب 120 الف و دلوقتي 133 الف؟
وكيل مش بيحترم عملائة وبيدور على المكسب السريع والكبير
ههههه اللى يشترى بالاسعار دى يستاهل الوكيل يعمل فيه اكتر من كدا .. تلاقى التوكيلات عايزه تستعبط الناس ويحلو الازمه الماليه اللى مش موجوده اصلا معاهم .. هما بس فالحين يمصو دم الانسان المصرى
بجد دا يبقى الصينى والمستعمل احسن
كمان سبب المشكله دى هيا الجمارك كل العالم بيجيب عربيات احسن من اللى فى مصر بتمن مفيش فيه مقارنه باللى بندفعه
الياريس في الامارات ب 35 الف اعلى فئة
35000 * 1.6 ( تحويل عملة ) * 1.6 ( جمرك + ضريبة ) = 89600 جنيه مصري
ده اعلان لتويوتا مصر في 2009
اقتباس:
الأسعار الجديدة
جاء طرح الطراز الأول من "ياريس" ذات ناقل الحركة اليدوي وبها تكييف وعجلة قيادة باور مقابل 86.900 جنيها.
أما الطراز الثاني الذي يتمتع بنفس مواصفات الأول إضافة إلى وجود زجاج كهربائي وسنتر لوك وkeyless entry فسعره أصبح 93.900 جنيهاً.
وجاء سعر الطراز الثالث وذو ناقل حركة أتوماتيكي وعجلة قيادة باور وتكييف ، فضلا عن abs مقابل 95.900 جنيهاً.
وأخيراً أصبح سعر أعلى طرازات "ياريس" الذي يتوافر بناقل حركة أتوماتيكي ، وعجلة قيادة باور ، فضلا عن abs وتكييف وspoiler أصبح سعره 103.900جنيهاً.
و للتصحيح سعرها في الامارات ب 38000 الف لسنة 2011 = 97000 جنيه مصري ( بتحويل العملة و الجمرك كما سبق ) و ليس 133000 كما في مصر
حسبي الله ونعم الوكيل
دول كده بيخسروا كل الارض اللي كسبوها في السنين اللي فاتت
والكوري عمال يطور من خاماته والتكنولوجيا بتاعته وعمال يزق الياباني برة السوق خالص
طب ليه الزيادة دي هل علشان العربية بقت بتنزل من اليابان ولا علشان سعر الدولار اعتقد ان الدولار ما ارتفعش كتير زي اليورو كان الأولى اسعار الأوروبي تزيد مش الياباني
العربية اليارس الزيادة الوحيدة فيها انها 1500 س س وبتنزل اوتوماتيك بس كدة سعرها زاد جدا """
ليه الزيادة دي دي اسعار غير منطقيه
اسمحوا لي أن ألخص مشاركات حضراتكم في هذا الموضوع - وأضيف رأيي الشخصي - في النقاط المحددة الآتية:
1. وداعا للياباني وأهلا بالكوري ( أتفق مع الأولى وأختلف مع الثانية فأقول: وداعا للياباني وأهلا بالأوروبي.. لأن أسعار بعض السيارات الأوروبية أصبحت الآن مثل أو قريبة من اليابانية.. مثل الفلوانس والبيجو والفئات الأولى من الجيتا والأوكتافيا ).
2. جشع الوكيل قد يؤدي به إلى تضييع سمعة الماركة وسوقها بالإضافة ألى خسارته كل شيئ من أموال واحترام العملاء له.
3. الجمارك لها دور أساسي في ارتفاع أسعار السيارات في مصر ورجاؤنا أن يقوموا بإلغائها أو تخفيضها على الأقل قريبا بإذن الله.
4. لا أتفق مع مقولة أن الصيني أفضل.. فالصيني - من وجهة نظري - بعيد تماما عن منافسة الياباني والأوروبي.
5. إذا كانت زيادة الأسعار هذه عالمية فلماذا ليست موجودة في الخليج؟! وإذا كانت بسبب ارتفاع اليورو أو الين فلماذا ٔم ترتفع أسعار الأوروبي؟؟ ( على فكرة الجيتا والرينو والأوكتافيا وغيرهم من الأوروبي عليه عروض جيدة هذه الأيام )
اهلاً بالوروبي بعد يناير 2012
بس دا لو الوكلاء متعدوش من وكلاء الكوري واليابانى وطمعوا انهم يزودا ارباحهم بلاتخفيض فى الجمارك
يعنى العربية الاوروبي لو بتتباع دلوقتى بـ100 ألف مثلاً
يبقى المفروض ان سعرها ينزل لـ 90 ألف مثلاً
انما لو سعرها فضل زي ما هو يبقى الوكلاء ضربوا التخفيض فى جيبهم
أسعار مبااااااالغ فيها طبعا ليه يعني
هو لسة في حد اصلا بيشتري السيتي و الياريس :) ؟
العربيات الكورى بقت فى تطور زائد جدا اليومين دول
وبقت منافسة قوية جدا لليابانى بل وممكن تعديه
واللى ساعد على كدة طمع الوكلاء فى تسعر السيارتا زى غبور ومنصور
وفعلا زى ماقال الاستاذ الفاضل
اهلا بالاوروبى لية ادفع 160 فى عربية كورولا هاى لاين على رايهم مع ان مافيهاش نص كماليات الفيلوانس او االاوكتافيا اول فئة
اعتقد على قد فهمى لموضوع الجمارك ان التخفيض 10% سنويا ما الجمارك مش من سعر العربية يعنى ببساطة مثال لو سعر العربية 100 الف يبقى 60 الف سعرها و 40 الف جمرك يبقى السعر بعد تخفيض الجمارك بنسبة 10% فى 2012 عباره عن 60 (سعرها)+ 36(الجمارك بعد تخفيض 10%)= 96 الف مش 90 الف :8941[1]: